بۇل مەكتەپتە ساباقتان گورى ءۇزىلىس ماڭىزدىراق
تەحاستىڭ ءبىر مەكتەبىندە ءبىر كۇندە 4 ءۇزىلىس بەرىلىپ، تاجىريبە جۇرگىزىلگەن ەكەن. مۇعالىمدەر مەن اتا-انالار ناتيجەسىنىڭ تاڭعالارلىق ەكەنىن ايتىپتى.
تاجىريبەنىڭ تاريحىمەن تانىسا وتىرىپ، مۇنداي ءتاسىلدىڭ زاڭدى ەكەنىن بايقادىق.
تەحاس شتاتىنىڭ فورت-ۋەرت قالاسىنداعى باستاۋىش مەكتەپتە تاجىريبە جۇرگىزىلدى. بالا-باقشاداعىلارعا جانە ءبىرىنشى سىنىپ وقۋشىلارىنا تاڭەرتەڭ جانە كەشكە ون بەس مينۋتقا سوزىلاتىن ەكى ءۇزىلىس بەرىلەدى. بۇل كەزدە بالالار دالادا ويناۋلارى كەرەك بولادى. باستاپقىدا مۇعالىمدەر ۋاقىتتارىنىڭ زايا كەتىپ جاتقانىنا قىنجىلادى، سونىمەن قاتار ولار بارلىق وقۋ باعدارلاماسىن ۇيرەتىپ ۇلگەرمەۋى مۇمكىن ەكەنىن ويلايدى. الايدا تاجىريبە جۇرگىزىلگەن 5 ايدان كەيىن، مۇعالىمدەر بالالاردىڭ ساباقتى تەز مەڭگەرە باستاعاندارىن بايقاعان، سەبەبى دەمالىستان كەيىن ولار ساباقتى دەن قويىپ تىڭداي باستاعان.
باستاۋىش سىنىپتىڭ ءمۇعالىمى دوننا ماكبرايد تا باستاپقىدا قاتتى ۋايىمداعان، ءبىراق كەيىن بالالاردىڭ زەيىنى ارتقانىن، ءمۇعالىمدى تىڭدايتىنىن جانە ءوز بەتىنشە وقۋعا، ەسەپ شىعارۋعا كىرىسكەندەرىن بايقاعان.
امەريكالىق پەدياتريا اكادەمياسىندا مۇنداي ۇزىلىستەردى «بالا دامۋىنىڭ باستى بولشەگى» دەپ اتايدى. ەرەسەك ادام دا كۇنى بويى جۇمىس ۇستەلىندە وتىرا بەرسە جيناقتالىپ، ساپالى جۇمىس ىستەي الماي قالادى. سوندىقتان بالاعا دەمالۋعا جانە ويناپ كەلۋگە مۇمكىندىك بەرمەي، كۇنى بويى تاپجىلماي وتىرۋدى، ساباق وقۋدى تالاپ ەتۋ – كۇلكىلى.
«مەن مۇنداي ۇزىلىستەردى «قايتا جۇكتەۋ» دەپ اتايمىن. وسىنىڭ ارقاسىندا بالالارعا ءوزىن كورسەتۋگە مۇمكىندىك تۋادى» - دەپ ەسەپتەيدى پروفەسسور دەببي رەا. ول مەكتەپتە فيزيكالىق بەلسەندىلىك ۋاقىتىن كوبەيتۋ كەرەك دەپ بۇرىننان دابىل قاعىپ جۇرگەندەردىڭ قاتارىنان.
بالالاردىڭ اتا-انالارى دا وڭ وزگەرىستى بايقاعان. كەيبىرى بالالارىنىڭ تاۋەلسىز جانە كوپشىل بولا باستاعانىن اڭعارعان. سەبەبى سىنىپتا وتىرا بەرگەننەن گورى، ويىن الاڭىندا دوس تابۋ الدەقايدا جەڭىل ەمەس پە؟
كىشىگىرىم، ءبىراق ءجيى دەمالىستان كەيىن بالالار ءونىمدى وقي باستايدى. كۇنى بويى سىنىپقا قامالعان بالانىڭ بىردەڭەگە قۇمارلىعى تەز باسىلادى. قازىردە بالالارعا كولەمدى وقۋ ماتەريالدارىن مەڭگەرۋگە تۋرا كەلەدى، جانە بۇل تۇرعىدا ولارعا ويىن الاڭى مەن جاي عانا بالا بولىپ ءجۇرۋ كومەكتەسەدى.
You Might Also Like
-
كوپتەگەن اسكەري تاكتيكالار قولباسشىنىڭ شۇعىل شەشىمدەرى مەن كۇتپەگەن مانيەۆرلەرگە نەگىزدەلگەن. ءبىراق تاريحتاعى ەڭ ەرەكشە اسكەري تاكتيكالار ءبىر قاراعاندا اقىلعا سىيمايتىنداي كورىنگەنىمەن ءساتتى ىسكە اس...
