بيىل 12 جىلدىق جانە ءۇش تىلدە ءبىلىم بەرۋگە دايىندىق كۋرستارىنان 69 مىڭنان استام ۇستاز وتەدى
بيىل 12 جىلدىق جانە ءۇش تىلدە ءبىلىم بەرۋگە دايىندىق كۋرستارىنان 69 مىڭنان استام ۇستاز وتەدى. بۇل تۋرالى بۇگىن ورتالىق كوممۋنيكاسيالار قىزمەتىندەگى باسپا ءسوز ءماسليحاتىندا ق ر ءبىلىم جانە عىلىم ۆيسە-مينيسترى ەلميرا سۋحانبەردييەۆا ءمالىم ەتتى.
«جالپى ءبىلىم بەرۋ جۇيەسىندە 325 184 پەداگوگ جۇمىس ىستەيدى. 2016 جىلى كۋرستاردان 91 391 ءمۇعالىم، ونىڭ ىشىندە ءبىلىم مازمۇنىن جاڭارتۋ اياسىندا 69 097 ۇستاز وتەدى. ءۇشتىلدى ءبىلىم بەرۋدى ەنگىزۋ كەزىندە بيىل نازاربايەۆ ۋنيۆەرسيتەتى مەن ەلىمىزدىڭ 15 جوعارى وقۋ ورىندارى بازاسىندا بيولوگيا، حيميا، فيزيكا جانە ينفورماتيكا پاندەرىنىڭ 675 مۇعالىمىنە ارنالعان ءتورت ايلىق كۋرستاردى وتكىزۋدى جوسپارلاۋدا. بۇل كۋرستاردىڭ ماقساتى - وقىتۋشىلار اراسىندا اعىلشىن ءتىلىن جەتىلدىرۋ»، - دەدى ول.
ونىڭ سوزىنە قاراعاندا، 2017-2019 جىلدارى ءاربىر جىل سايىن 5200 ءمۇعالىم اعىلشىن تىلىندە كۋرستارمەن قامتىلادى. اتاپ ايتقاندا، جوو-دا مۇعالىمدەردى 12 جىلدىق ءبىلىم بەرۋدىڭ جاڭا مازمۇنىنا سايكەس دايىنداۋ باستالدى. بۇگىنگە دەيىن 42 جوعارى وقۋ ورنىندا 18 مىڭنان استام ستۋدەنت ۇشتىلدىلىك باعدارلاماعا سايكەس ءبىلىم الۋدا.
You Might Also Like
-
بيىل جاڭا وقۋ جىلىندا ءبىرىنشى سىنىپقا 410 مىڭنان استام بالا كەلەدى. بۇل تۋرالى بۇگىن ورتالىق كوممۋنيكاسيالار قىزمەتىندەگى باسپا ءسوز ءماسليحاتندا ق ر بعم مەكتەپكە دەيىنگى جانە ورتا ءبىلىم دەپارتامەنتىنى...
