InfoHub Logo

قازاقستاندا بيىل 200 مىڭداي ءمۇعالىمنىڭ ايلىعىنا بيىل 30 پايىزدىق ۇستەماقى قوسىلادى. بۇل تۋرالى ۇكىمەت وتىرىسىندا ق ر ءبىلىم جانە عىلىم ءمينيسترى ەرلان ساعادييەۆ ايتتى.

مينيستر ۇكىمەت وتىرىسىندا ورتا ءبىلىم بەرۋدى جاڭا مازمۇنعا كوشۋ جۇمىستارى تۋرالى ايتىپ بەردى.

«جاڭارتىلعان مازمۇندى ەنگىزبەس بۇرىن باعدارلاما نازاربايەۆ زياتكەرلىك مەكتەپتەرىندە، ودان كەيىن 30 پيلوتتىق جوبا اپروباسيادان ءوتتى. مەكتەپتەردە پيلوتتىق جوبا  رەتىندە ەنگىزىلگەن جۇيەنىڭ سالىستىرمالى ناتيجەسى بويىنشا، ءبىلىم ساپاسىنىڭ ورتاشا بالى ەكى ەسەگە ءوستى. 2016-2017 جىلعى وقۋ جىلىنان باستاپ 1 سىنىپ، بىلتىرعى وقۋ جىلىنان باستاپ قوسىمشا 2، 5 جانە 7 سىنىپتار كوشسە، بيىلعى وقۋ جىلىنان باستاپ 3، 6 جانە 8 سىنىپتار كەزەڭ-كەزەڭ بويىنشا كوشەدى. جاڭارتىلعان مازمۇنعا كوشكەن مۇعالىمدەردىڭ ايلىقتارىنا 30 پايىز ۇستەماقى قاڭتار ايىنان باستاپ تولەنە باستادى. بارلىعى 200 مىڭنان استام ءمۇعالىم، ياعني بيىل مۇعالىمدەردىڭ 70 پايىزى قوسىمشا اقى الاتىن بولادى. ۇستازدار قاۋىمى اتىنان ەلباسىنا ۇلكەن قولداۋ بىلدىرگەنى ءۇشىن ۇلكەن راحمەتىمىزدى ايتامىز»، - دەيدى ەرلان ساعادييەۆ.

ءمينيستردىڭ ايتۋىنشا، باستاۋىش، نەگىزگى جانە جالپى ورتا ءبىلىم بەرۋدىڭ جاڭا مەملەكەتتىك ستاندارتتارى قازىرگى تاڭدا دايىن.  تيپتىك وقۋ جوسپارلارى مەن وقۋ باعدارلامالارى بەكىتىلىپ، وقۋلىقتار مەن وقۋ ادىستەمەلىك كەشەندەر ازىرلەنگەن. كريتەريالدى باعالاۋ ەنگىزىلۋ ۇستىندە.

«باستاۋىش ءبىلىم بەرۋ دەڭگەيىندە ءبىرىڭعاي بازالىق وقۋلىقتار ەنگىزىلەدى. 3، 6 جانە 8 سىنىپتاردىڭ وقۋلىقتارى قازىرگى ۋاقىتتا دايىن. ەندى ساراپتامادان ءوتىپ، قوعامدىق باعالاۋ پورتالىنا شىقتى. ونى 20 مىڭنان استام ادام كورىپ، ۇسىنىستارىن ايتىپ جاتىر»، - دەيدى مينيستر.

قازاقپارات

---