بيىلعى تالاپكەرلەر اراسىندا قاي ماماندىقتار سۇرانىسقا يە
ق ر ءبىلىم جانە عىلىم مينيسترلىگى بيىلعى تالاپكەرلەر اراسىندا سۇرانىسقا يە بولعان ماماندىقتار ءتىزىمىن جاريالادى.
مينيسترلىكتىڭ حابارلاۋىنشا، بيىل مەملەكەتتىك بيۋدجەت قاراجاتى ەسەبىنەن جوعارى ءبىلىم الۋ ءۇشىن رەزەرۆپەن قوسا، بارلىعى 34 907 گرانت تاعايىندالدى. ءبىلىم بەرۋ گرانتى كونكۋرسىنا قازاق ءتىلى بولىمىنە 79%، ورىس ءتىلى بولىمىنە 21% ادام تاپسىرعان.
«2017-2018 وقۋ جىلىنا ارنالعان جوعارى جانە جوعارى وقۋ ورنىنان كەيىنگى ءبىلىم بەرۋ باعدارلامالارى بويىنشا مەملەكەتتىك ءبىلىم بەرۋ گرانتتارىنىڭ بارلىعى يگەرىلدى. رەسپۋبليكالىق كونكۋرس ناتيجەسى بويىنشا تالاپكەرلەر اراسىندا «حالىقارالىق قاتىناستار» (1 ورىنعا 16 ادامعا دەيىن)، «قۇقىقتانۋ» (37 ادامعا دەيىن)، «كەدەن ءىسى» (10 ادامعا دەيىن)، «حورەوگرافيا» (22 ادامعا دەيىن)، «ساۋلەت» (22 ادامعا دەيىن)، «ديزاين» (28 ادامعا دەيىن) سونداي-اق، تەحنيكالىق ماماندىقتار بويىنشا «گەودەزيا جانە كارتوگارفيا» (5 ادامعا دەيىن)، «ەلەكتروەنەرگەتيكا» (4 ادامعا دەيىن) ماماندىقتارى سۇرانىسقا يە بولدى»، - دەپ جاۋاپ بەردى باسپا ءسوز قىزمەتى.
ءبىلىم بەرۋ گرانتتارى تالاپكەرلەردىڭ زاڭ جۇزىندە بەلگىلەنگەن جەڭىلدىك ساناتتارى ەسەبىمەن ۇلتتىق ءبىرىڭعاي تەستىلەۋ نەمەسە كەشەندى تەستىلەۋ بويىنشا جيناعان بالدارىنا سايكەس تاعايىندالعان.
دەرەككوز: قازاقپارات
You Might Also Like
-
شاشۋباي قوشقارباي ۇلى 1865 جىلى بۇرىنعى قارقارالى ۋەزىنە قاراستى بالقاش بولىسىندا «سارشىعان» دەگەن جەردە تۋعان. اكەسى ەرتە دۇنيەدەن ءوتىپ، جاسىنان جەتىم قالعان.
-
العى ەگىس دەپ وتكەن جىلى تاناپتا وسىرىلگەن اۋىل شارۋاشىلىق داقىلىن نەمەسە پاردى ايتامىز. داقىلداردىڭ ءونىمىنىڭ مولشەرى مەن ساپاسىنا العى ەگىستەر كۇشتى اسەر ەتەدى. وسىعان بايلانىستى العى ەگىستەردى مى...
