قازاقستاندا مۇعالىمدەرگە پايىزسىز نەسيە بەرۋ ۇسىنىلدى
قازاقستان مۇعالىمدەرىنە پايىزسىز نەسيە بەرۋ ماسەلەسىن پىسىقتاۋ كەرەك. بۇل تۋرالى ماجىلىستە الەۋمەتتىك-مادەني دامۋ كوميتەتىنىڭ جانە «نۇر وتان» پارتياسى فراكسياسى جانىنداعى الەۋمەتتىك كەڭەستىڭ بىرلەسكەن وتىرىسىندا دەپۋتات جانات وماربەكوۆا ايتتى.
«حالىقارالىق تاجىريبەگە سۇيەنسەك، مۇعالىمدەرگە پايىزسىز نەسيەلەر بەرىلەدى. جەرگىلىكتى جەرلەردە پەداگوگتاردىڭ تۇراقتى جۇمىس ىستەۋى ماسەلەسىن ۇنەمى تالقىلايمىز. وسى رەتتە الەۋمەتتىك جەڭىلدىكتەر، ەڭبەكاقى، باسپانا بەرۋ تاقىرىپتارىن قاراستىرۋدامىز، الايدا بۇل ماسەلەلەر تولىق شەشىمىن تاپپاي كەلەدى. ەگەر دە حالىقارالىق تاجىريبەنى نازارعا الساق، كەيبىر ەلدەردە پايىزسىز نەسيەلەر بەرىلەدى. ەگەر ادام جۇمىسىنان كەتسە، وندا ول پايىزسىز جەڭىلدىكتەرىن جوعالتادى. ياعني، كەيىننەن قارىزى بويىنشا پايىزىن تولەي باستادى. مەنىڭ ويىمشا، وسى باعىتتى پىسىقتاعان دۇرىس بولادى»، - دەدى جانات وماربەكوۆا.
بۇدان بولەك، جيىن كەزىندە ق ر ءبىلىم جانە عىلىم ۆيسە-مينيسترى اسحات ايماعامبەتوۆ بالاباقشا تاربيەشىلەرىنىڭ ەڭبەكاقىسىن كوتەرۋ ماسەلەسىنە توقتالدى.
«بالاباقشا تاربيەشىلەرىنىڭ ماسەلەسى وتە ماڭىزدى. ارينە، 30-40 مىڭ تەڭگەگە جالاقىعى بالاباقشاعا جاقسى ءبىلىمدى ءارى بىلىكتى ماماندى تارتۋ وڭاي ەمەس. سوندىقتان بۇل تاقىرىپ ءبىز ءۇشىن قيىن ماسەلەنىڭ ءبىرى. وسى ورايدا ءتيىستى ورگاندارعا ۇسىنىس ەنگىزۋ ارقىلى بۇل پروبلەمانى قاراستىرىپ جاتىرمىز»، - دەدى ا. ايماعامبەتوۆ.
قازاقپارات
You Might Also Like
-
قازاقستاندا مەكتەپتەر مەن اتا-انالار اراسىندا كەلىسىم بەكىتۋ جوسپارلانىپ وتىر. بۇل تۋرالى ماجىلىستە الەۋمەتتىك-مادەني دامۋ كوميتەتىنىڭ جانە «نۇر وتان» پارتياسى فراكسياسى جانىنداعى الەۋم...
-
سەمەي قالاسى «№44 جوببم» كمم 5 «گ» سىنىپ وقۋشىسى تۋگەلوۆا اينۇر جەتەكشىسى: اتيمانوۆا نۋرگۋل مينياحمەتوۆنا
