Cپورت ميدى تىنىقتىرادى - عالىمدار
سالاۋاتتى ءومىر سالتىن ۇستانىپ، كۇنىنە ءبىر مەزەت سپورتپەن شۇعىلدانۋ - دەنساۋلىققا پايدالى. بۇلشىقەتتەردى شيراتىپ، سىمباتىڭدى ساقتاۋعا كومەكتەسەدى. سونداي-اق سپورت ميدى دا تىنىقتىرادى ەكەن.
پاريج بيولوگيالىق زەرتتەۋ ۋنيۆەرسيتەتىنىڭ عالىمدارى سپورتتىڭ ميعا دا پايدالى ەكەنىن زەرتتەپ، ارنايى عىلىمي ماقالا جاريالادى. ولار ارنايى زەرتتەۋ بارىسىندا سپورتپەن شۇعىلدانعان ادامنىڭ ميىنا ەندورفين گورمونى كوبىرەك بولىنەتىنىن انىقتاعان. ال ەندورفين «باقىت گورمونى» دەپ تە اتالادى. ول ءسىزدىڭ دەنساۋلىعىڭىزدا ماڭىزدى ءرول اتقارادى. ەستە ساقتاۋ قابىلەتىڭىزدى جاقسارتادى. ادام جانىن تىنىشتاندىرىپ، ميدى تىنىقتىرادى. عالىمدار اپتاسىنا بىرنەشە كۇن سپورتپەن شۇعىلدانۋدى ادەتكە اينالدىرۋدى كوپشىلىك قاپەرىنە ۇسىنادى.
سپورت - ءتۇرلى باس اۋرۋلارى مەن جۇيكە جۇيەسى دەرتىنىڭ الدىن الۋعا بىردەن-بىر سەبەپشى. پاريج بيولوگيالىق زەرتتەۋ ۋنيۆەرسيتەتىنىڭ عالىمدارى نەعۇرلىم كوپ قيمىلداعان سايىن ميدىڭ قىزمەتى دە جاقسارا تۇسەدى دەگەن توقتامعا كەلىپ وتىر.
2014 جىلى بريتاندىق عالىمدار دا سپورتتىڭ ميعا پايدالى ەكەنىن دالەلدەگەن ەدى. ولار ادامداردى ءۇش توپقا ءبولىپ زەرتتەۋ جۇرگىزگەن. العاشقى توپقا سپورتپەن مۇلدەم شۇعىلدانبايتىندار، ەكىنشى توپقا كەي كەزدەرى سپورتقا كوڭىل بولەتىندەر جانە ۇشىنشىسىنە ۇنەمى فيتنەس-ورتالىقتارعا باراتىندار كىرگەن. زەرتتەۋ جۇمىسىنا قاتىسۋشىلار ءۇش جىل قاتارىنان مەديسينالىق تەكسەرىستەردەن وتكەن. وندا عالىمدار ادامداردىڭ ميىنىڭ جاسۋشالارىن زەرتتەگەن. ناتيجەسىندە، ءۇشىنشى توپتاعى ادامداردىڭ وزگەلەرمەن سالىستىرعاندا ميىنىڭ جاسۋشالارى ازىراق جويىلعانى انىقتالعان-دى، دەپ جازادى massaget.kz.
You Might Also Like
-
جۇڭگو قازاقستاندا ءبىلىم الىپ جاتقان ستۋدەنت جاستار سانىن ۇلعايتۋدى كوزدەپ وتىر. بۇگىندە ولاردىڭ سانى 1300ء-دى قۇراپ وتىر. بۇل تۋرالى قىتايدىڭ حالىقارالىق ساۋداسىنا ىقپال ەتۋ كوميتەتى ءتوراعاسىنىڭ ورى...
-
اتىراۋ وبلىسى، اتىراۋ قالاسى حالەل دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتى جۋرناليستيكا ماماندىعىنىڭ 1 كۋرس ستۋدەنتى: باتىربەك گۇلايىم جەتەكشىسى: نۇرلانوۆا نۇرگۇل
