قازاقستاندا 1300 قىتايلىق ستۋدەنت ءبىلىم الۋدا
جۇڭگو قازاقستاندا ءبىلىم الىپ جاتقان ستۋدەنت جاستار سانىن ۇلعايتۋدى كوزدەپ وتىر. بۇگىندە ولاردىڭ سانى 1300ء-دى قۇراپ وتىر. بۇل تۋرالى قىتايدىڭ حالىقارالىق ساۋداسىنا ىقپال ەتۋ كوميتەتى ءتوراعاسىنىڭ ورىنباسارى، جۇڭگو پاۆيلونىنىڭ ۇلتتىق كوميسسارى جانە قىتايدىڭ ەكسپو-2017 كورمەسىنە قاتىساتىن ۇكىمەتىنىڭ وكىلى ۆان سزينچجەن ايتتى.
«ەكسپو كورمەسىنە قاتىسۋ ارقىلى ءبىز قازاقستاندا ءبىلىم الاتىن وقۋشىلاردى ىنتالاندىرا تۇسەتىن بولامىز. قازىرگى تاڭدا قىتايدا 13 مىڭنان استام قازاقستاندىق ستۋدەنت ءبىلىم الۋدا. ال قازاقستاندى قىتايلىق نەبارى 1300 بالا وقىپ جاتىر. مەنىڭشە بۇل جەردە قازاقستاندا ءبىلىم الاتىن قحر ستۋدەنتتەرىن ارتتىرۋدىڭ ۇلكەن الەۋەتى جاتىر»،-دەدى ول قىتايدىڭ ەكسپو-2017 پاۆيلونىن تانىستىرۋ راسىمىنەن سوڭ بەرگەن سۇحباتىندا.
ايتا كەتەيىك، ۆان سزينچجەننىڭ سوزىنشە، جۇڭگو تاراپى قازاقستاندا وتەتىن ەكسپو-2017 كورمەسىنە ءوز ەلدەرىنەن 250 مىڭ تۋريست قاتىسادى دەپ بولجام جاساپ وتىر.
دەرەككوز: قازاقپارات
You Might Also Like
-
«ۇستازدىق ەتكەن جالىقپاس، ۇيرەتۋدەن بالاعا» - دەگەن ەمەس پە؟! يا، ۇستازدار جايلى اڭگىمە ايتىلعاندا، ەڭ ءبىرىنشى مۇرات اعاي ويىما ورالادى. ياعني، تاريح ءپانىنىڭ ءمۇعالىمى اشكەيەۆ مۇرات جامانۇ...
-
سالاۋاتتى ءومىر سالتىن ۇستانىپ، كۇنىنە ءبىر مەزەت سپورتپەن شۇعىلدانۋ - دەنساۋلىققا پايدالى. بۇلشىقەتتەردى شيراتىپ، سىمباتىڭدى ساقتاۋعا كومەكتەسەدى. سونداي-اق سپورت ميدى دا تىنىقتىرادى ەكەن.
