InfoHub Logo

ازىرگە بالاباقشا تاربيەلەنۋشىلەرى قاراپايىم ۇيالى تەلەفونعا اۋىستى.  مۇنداي شەشىم وبلىستىق اتا-انالار قوعامى كەڭەسىنىڭ وتىرىسىندا قابىلدانعان، دەپ جازدى YK-news.kz. تاياۋ ارادا مەكتەپ ديرەكتورلارى مەن اتا-انالار وقۋ ورىندارىندا بالالاردىڭ سمارتفون قولدانۋىنا تىيىم سالۋ تۋرالى شەشىم شىعارادى.

بالالارىنىڭ كۇندەلىگىندەگى حابارلاندىرۋدى وقىعان اتا-انالار رەداكسياعا حابارلاسا باستادى. وندا مەكتەپ قابىرعاسىندا سمارتفون ۇستاۋعا تىيىم سالۋ ماسەلەسىنىڭ تالقىلانىپ جاتقانىن، سايكەسىنشە اتا-انالاردىڭ پىكىر ءبىلدىرۋىن سۇراعان.

«مەن تىيىم سالۋعا قارسىمىن، - دەدى قالا تۇرعىنى مارينا. - مەنىڭ ۇلىم كىشكەنتاي بالا ەمەس جانە ءوز زاتتارى مەن تەحنيكاسىنا باس-كوز بولا الادى. كەلەسى جىلى جوعارى وقۋ ورنىنا تۇسەدى. سىناقتارعا دايىندالۋ كەرەك، ءموبيلدى ينتەرنەت ۇنەمى جانىندا بولۋ كەرەك. مەنىڭ ويىمشا، كىم ساباق ۇستىندە سمارتفونعا قاراپ، ويى بولىنسە، سول بالاعا تىيىم سالۋ كەرەك».

شەنەۋنىكتەر سمارتفوندارعا نەگە تىيىم سالۋ كەرەكتىگىن ءتۇسىندىرىپ بەردى. وسكەمەن پروكۋراتۋراسى شقو ءبىلىم بەرۋ باسقارماسىنا حات جولداعان. وندا قۇزىرلى مەكەمە وكىلدەرى گادجەتتەردىڭ بالالاردىڭ وقۋدان نازارىن اۋداراتىنىن، ولاردىڭ پسيحيكاسى مەن مىنەز-قۇلقىنا تەرىس ىقپال ەتەتىنىن، سول سەبەپتى مەكتەپتەر مەن بالاباقشالاردا سمارتفوندارعا تىيىم سالۋ ماسەلەسىن قاراستىرۋ كەرەكتىگى ايتىلعان. مۇنداي تىيىم بالالار مەن مۇعالىمدەرگە بىردەي قاتىستى.

«ءقازىر ءاربىر مەكتەپ وسى ماسەلە بويىنشا اتا-انالار پىكىرىن جيناپ جاتىر، - دەدى شقو ءبىلىم بەرۋ باسقارماسىنىڭ باسشىسى ايجان سادىقوۆا. - ەگەر ناقتى ءبىر مەكتەپتىڭ اتا-انالارى باستاماعا قولداۋ بىلدىرسە، اكىمشىلىك ىشكى ءتارتىپ ەرەجەسىنە وزگەرىستەر ەنگىزەدى. وندا بالالار مەن پەداگوگتارعا سمارتفون ۇستاۋعا تىيىم سالۋ تۋرالى پۋنكتى پايدا بولادى. ياعني اتا-انالار مەن مەكتەپ اكىمشىلىگى بىرلەسىپ شەشىم قابىلدايدى.

ناتيجەسىندە بىرنەشە مەكتەپتە سمارتفون ساقتايتىن ۇياشىقتار پايدا بولۋى مۇمكىن. ەسكە سالا كەتسەك، مەملەكەتتىك مەكەمەلەردە گادجەت ۇستاۋعا تىيىم سالىنعان سوڭ، قازىنالىق عيماراتتاردىڭ فويەسىنە كىشىگىرىم كامەرالار ورناتىلدى. وعان مەكەمە قىزمەتكەرلەرى گادجەتتەرىن وتكىزەدى.

«ەگەر تىيىم سالىنسا، مەكتەپ باسشىلىعى سمارتفونداردىڭ بۇتىندىگىنە جاۋاپ بەرەدى، - دەپ اتاپ ءوتتى ايجان سادىقوۆا. - سونداي-اق، بۇل ماسەلە وبلىستىق اتا-انالار قوعامىنىڭ وتىرىسىندا دا تالقىلاندى. بالاباقشا تاربيەشىلەرى مەن تاربيەشى كومەكشىلەرىنە سمارتفون ۇستاۋعا تىيىم سالدى. اتا-انالارمەن بايلانىستا بولۋ ءۇشىن پەداگوگتارعا قاراپايىم ۇيالى تەلەفون ۇستاۋعا رۇقسات ەتىلگەن. ارينە، بالاباقشا باسشىلىعى سمارتفونداردىڭ ساقتالۋىنا جاۋاپ بەرەدى».

---