قوجاناسىردىڭ ماي ساتىپ الۋى
ءبىر كۇنى قوجا ماي ساتىپ الۋ ءۇشىن بازارعا بارادى.
ايەلى وعان ءبىر كەسە بەرىپ:
— مىنا كەسەگە ەرىگەن ماي قۇيعىزىپ اكەل، - دەپ تاپسىرادى. قوجا ماي ساتۋشىعا كەلەدى. قوجەكەڭ مايدى ىدىسىنىڭ شاماسىنان كوبىرەك الادى. ول مايدى كەسەسىنە قۇيعىزادى. ءبىراق ماي كەسەگە سىيماي، اسىپ كەتەدى.
سول جەردە ساتۋشى:
— ماي كەسەڭە سىيمايدى. قالعانىن قايدا قۇيامىز؟ - دەيدى. قوجا جالما-جان كەسەسىن توڭكەرىپ جىبەرىپ:
— قالعانىن مىنا جاعىنا قۇي! - دەپ، كەسەسىنىڭ تۇبىنە قۇيعىزىپ، قوجەكەڭ سول بويىندا كەسەنى ۇستاپ ۇيىنە كەلەدى. الدىنان ايەلى شىعىپ:
— مايدى مۇنشا نەگە از الدىڭ؟ - دەپ سۇراعاندا،
قوجا:
— جالعىز بۇل ەمەس، مىنا جاعىندا دا بار، - دەپ، كەسەنى تاعى دا توڭكەرىپ قالادى. سونىمەن، كەسەنىڭ تۇبىندەگى از عانا ماي دا توگىلىپ قالىپتى.
You Might Also Like
-
قازاقتىڭ ادەت-عۇرپىندا جول-جورالعى دەگەن ۇعىم بار. بۇل – ءار ادامنىڭ ەڭبەگىنە، اتا-تەگىنە، تۋىستىق قاتىناستارىنا ساي جاسالاتىن الىس-بەرىس، سىي-سىياپات رەتىندە بەرىلەتىن تارتۋ-تارالعى. مۇنىڭ ءار ...
-
انتاركتيكالىق ەكسپەديسيانىڭ دارىگەرى قاتتى ايازدا اۋىرىپ قالماس ءۇشىن قالاي دۇرىس تىنىستاۋ كەرەكتىگىن ءبىلدىردى. قىسقا ساقاداي ساي بولعىڭىز كەلسە سايتىمىز ۇسىنعان كەڭەستەرگە نازار سالىڭىز.
