داريعا نازاربايەۆا: 2016/2017 جىلدارعا ارنالعان ورتا ءبىلىم ۇيىمدارىنىڭ مەماتتەستاسياسى ءبىر جىلعا شەگەرىلدى
ق ر پرەمەر-مينيسترىنىڭ ورىنباسارى داريعا نازاربايەۆا ورتا ءبىلىم بەرۋ مەكەمەلەرىندە ءىشىنارا تەكسەرۋ مەن مەملەكەتتىك اتتەستاسيا وتكىزۋ مەرزىمىن 2016/2017 وقۋ جىلىنان 2017/2018 جىلعا اۋىستىرۋ بويىنشا كەڭەس وتكىزدى، دەپ حابارلادى www.pm.kz.
كەڭەس بارىسىندا ءبىلىم جانە عىلىم مينيسترلىگىنىڭ وكىلدەرى قولدانىستاعى نورماتيۆتىك قۇجاتتارعا سايكەس مەملەكەتتىك باقىلاۋ شارالارى ونىڭ تيىمدىلىگىن تولىق قامتاماسىز ەتپەيتىندىگى تۋرالى اقپاراتتاندىردى. وسىلايشا، مەكتەپكە دەيىنگى ۇيىمدار مەن مەكتەپتەرگە ليسەنزيانى تارتىپ الۋ بويىنشا شارالار قابىلدانبايدى، اكىمشىلىك ىستەر قوزعالمايدى، اتتەستاسيادان وتپەگەن بالا باقشالار مەن مەكتەپتەر جابىلمايدى.
سونداي-اق كەڭەسكە قاتىسۋشىلار مينيسترلىكتىڭ باستاماسىمەن جۇرگىزىلگەن ەكونوميكالىق زەرتتەۋلەر ناتيجەسىندە نەگىزگى نازار ءبىلىم ۇيىمدارىنىڭ وزبەتىنشە باعالاۋىنا اۋدارىلاتىن مەملەكەتتىك اتتەستاسيادان قىزمەتتى ولشەمدى باعالاۋعا ءوتۋ بويىنشا ۇسىنىستاردىڭ ازىرلەنگەنىن اتاپ ءوتتى.
قازىرگى ۋاقىتتا باعالاۋدىڭ جاڭا جۇيەسىن جۇرگىزۋ ءتارتىبىن رەتتەيتىن نورماتيۆتىك-قۇقىقتىق قۇجاتتار ازىرلەنۋدە. مەكتەپكە دەيىنگى ۇيىمدار مەن مەكتەپتەردى باعالاۋ جۇيەسىندەگى جاڭا تاسىلدەمەلەر مەملەكەتتىك اتتەستاسيالاۋ تاجىريبەسىندە كەزدەسەتىن جەمقورلىق تاۋەكەلدىكتى ازايتۋ جونىندەگى شارالاردىڭ ءبىرى بولىپ تابىلادى.
بعم وكىلدەرىنىڭ ايتۋىنشا، مەملەكەتتىك باقىلاۋدا جاڭا تاسىلدەمەلەر ەنگىزۋ بەلگىلى ءبىر دايىندىق جۇمىستى تالاپ ەتەدى. اتالعانداردىڭ نەگىزىندە، وزگەرىستەرگە بايلانىستى ورتا ءبىلىم بەرۋ مەكەمەلەرىندە ءىشىنارا تەكسەرۋ مەن مەملەكەتتىك اتتەستاسيا وتكىزۋ مەرزىمىن كەلەسى 2017/2018 وقۋ جىلىنا اۋىستىرۋ ۇسىنىلادى.
ءوز كەزەگىندە د. نازاربايەۆا ءتيىستى مەملەكەتتىك ورگاندارعا اتالعان ۇسىنىستار بويىنشا نورماتيۆتىك-قۇقىقتىق اكتىلەر ازىرلەۋدى تاپسىردى.
You Might Also Like
-
استانا اكىمى اسەت يسەكەشيەۆ مەكتەپ تۇلەكتەرىنە - جەتىمدەرگە، مۇگەدەكتەرگە، بالالار ۇيلەرىنىڭ تاربيەلەنۋشىلەرىنە، كوپ بالالى وتباسىلاردان شىققان جانە اتا-اناسىنىڭ قامقورلىعىنسىز قالعان بالالارعا ەلور...
-
1492 ج كريستافور كولۋمب تاراپىنان اشىلدى دەپ بىلىنەتىن امەريكا قۇرلىعى نەگىزىندە مۇسىلماندار تاراپىنان تابىلعان. بۇعان بايلانىستى كوپتەگەن دەرەكتەر بار. بىرنەشە مىسال كەلتىرەيىك:
