InfoHub Logo

استانا اكىمى اسەت يسەكەشيەۆ مەكتەپ تۇلەكتەرىنە - جەتىمدەرگە، مۇگەدەكتەرگە، بالالار ۇيلەرىنىڭ تاربيەلەنۋشىلەرىنە، كوپ بالالى وتباسىلاردان شىققان جانە اتا-اناسىنىڭ قامقورلىعىنسىز قالعان بالالارعا ەلوردالىق جوو-لاردا وقۋ اقىسىن تولەۋ ءۇشىن الەۋمەتتىك كومەك كورسەتۋ تۋرالى كۋالىكتەر تابىس ەتتى، دەپ حابارلايدى اكىمدىك باسپا ءسوز قىزمەتىنەن.

«بۇل دا مەملەكەتتىڭ، پرەزيدەنتىمىز نۇرسۇلتان نازاربايەۆتىڭ قامقورلىعىنىڭ ءبىر بەلگىسى ەكەندىگىن اتاپ وتكەنىمىز ءجون. ەلباسى ءارقاشان دا ءبىلىمدى ۇلتتىڭ بولاشاعى جارقىن بولادى دەيدى. ءبىلىمنىڭ ارقاسىندا ءبىز باسەكەگە قابىلەتتى، كۇشتى بولامىز. ءبىلىم سالاسىن دامىتۋ - مەملەكەتتىڭ باسىمدىقتارىنىڭ ءبىرى بولىپ تابىلادى»،- دەدى اسەت يسەكەشيەۆ.

استانا اكىمىنىڭ ءبىلىم گرانتتارى ەلوردالىق ەڭبەك نارىعىنداعى سۇرانىسقا يە ماماندىقتار بويىنشا بولىنەدى. بۇل رەتتە تەحنيكالىق، پەداگوگيكالىق جانە مەديسينالىق ماماندىقتارعا باسىمدىق بەرىلگەن. 

ايتا كەتەيىك، 2008 جىلدان باستاپ 268 تۇلەك ديپلوم العان. 81 ستۋدەنت وقۋىن جالعاستىرۋدا، سونىڭ ىشىندە 34 ستۋدەنت - س. سەيفۋللين اتىنداعى قازاتۋ، 13 - قازاق ەكونوميكا، قارجى جانە حالىقارالىق ساۋدا ۋنيۆەرسيتەتىندە، 8 - مەديسينا ۋنيۆەرسيتەتىندە، 2- ل.ن. گۋميليەۆ اتىنداعى ەۇۋ، 21 - ەۋرازيا گۋمانيتارلىق ينستيتۋتىندا، 1 - استانا ۋنيۆەرسيتەتىندە، 2 - تەحنولوگيا جانە بيزنەس ۋنيۆەرسيتەتتىندە.

وقۋ جىلى قارساڭىندا 41 ءوتىنىش قابىلداندى، سونىڭ ىشىندە 21ء-ى رەسپۋبليكالىق گرانت بويىنشا، 20 ءوتىنىش ارنايى كوميسسيامەن قارالدى. ناتيجەسىندە جالپى سوماسى 7 210 000 تەڭگەنى قۇرايتىن گرانتتار ءبولىندى. 

جالپى بيىل جەرگىلىكتى بيۋدجەت ەسەبىنەن 101 ستۋدەنتتى وقىتۋعا (وقۋىن جالعاستىرىپ جاتقان 81 ستۋدەنت + بيىلعى 20 ستۋدەنت) 38،9 ملن تەڭگە جۇمسالدى. قالا اكىمدىگى جوو باسشىلىقتارىمەن بىرلەسىپ ستۋدەنتتەردىڭ ۇلگەرىمىن تۇراقتى باقىلاۋعا الدى. 

---