InfoHub Logo

انالارى جەتەكتەپ كەلىپ، اينالاسىنا ۇركە قاراعان ەگىزدەردىڭ ەكى جۇبى كوزگە وتتاي باسىلادى. توميريس پەن ۋرسۋلانى بانتيكتەرىنەن اجىراتۋعا كەلسە، ەگىز قوزىداي ەكىنشى جۇپتى تەك اناسى تانيدى.

العاشقى قوڭىراۋدان سوڭ سىنىپقا كىرگەن ءدىلناز بەن گۇلناز اناسىنان گورى، ەگىزدىڭ سىڭارى – اكەسىنە جاقىن. ءوز باسىنان وتكەن سوڭ قىزدارىنىڭ قىلىعى مەن قىزىعى وعان، اسىرەسە، ىستىق.

«جاس كەزىمىزدە مەن بىلمەي جاتقاندى قارىنداسىم ايتىپ، قارىنداسىم بىلمەگەندى مەن ايتاتىنمىن. جاس كەزدە نەشە ءتۇرلى بولادى گوي. ۇرىس، توبەلەس. سونداي كەزدەردە قاسىمدا جۇگىرىپ جۇرەتىن»، - دەيدى مۇرات ءجۇمادىلدين قاراعاندى قالاسىنىڭ تۇرعىنى.

مەكتەپكە ەگىزدەر كەلسە، بىردەن باستاۋىش سىنىپتىڭ مۇعالىمدەرى سالتانات پەن ماحابباتقا تابىستالادى. ويتكەنى ولار دا ەگىزدەر. ءبىر بىرىنە قاتتى ۇقساماسا دا ءبىر قۇرساقتان قاتار شىققان سوڭ، وزدەرى سەكىلدى ەگىزدەرمەن تەز ءتىل تابىسادى.

«سىنىبىمىزدا كازىر 3 ەگىز بالا كەلىپ وتىر. سول ەگىزدەردى ۇلدى مەن الايىن قىزدى مەن الايىن دەپ ەكەۋمىز بولىستىك. ديلناز گۇلنازدى سالتانات الدى، ءادبراحيم مەن ابدراحماندى مەن الدىم. سوسىن دانيار مەن ديلارى بار ونى جارايدى سەن الشى دەپ سالتاناتقا بەردىم. ءسويتىپ بولىستىك. ول دا بىزگە قىزىقتى.ءار جىلدا سىنىپ العاندا سىنىبىمىزدا مىندەتتى تۇردە ەگىزدەر بولادى»،- دەدى سالتانات جانە ماحاببات ايتباي باستاۋىش سىنىپ مۇعالىمدەرى.

ۇستازدار ءبىر قۇرساقتان شىققان ەگىزدەردى العاشىندا ايىرۋ قيىنعا سوعاتىنىن جاسىرمايدى. ءبىراق كەمى ءبىر جىلدا ولاردى مەكتەپتەگى ەدەن جۋۋشىعا دەيىن اجىراتادى ەكەن. وزدەرىنە ءتان قاسيەتتەرى ارقىلى. ال تانىماعاندار ءۇشىن ءبىرىنىڭ اتىن ءبىرى جامىلىپ، بالاعا ءتان قۇيتىرقى ارەكەتتەرىمەن مەكتەپتەگى كۇندەردىڭ كورىگىن قىزدىرۋ دا وسى ەگىزدەردەن شىعادى.

دەرەككوز: كتك

---