دوس اقىسى!
مۇسىلماننىڭ مىندەتتەرىنىڭ ءبىرى — دوس اقىسىنا ءمان بەرۋ. سوندىقتان ۇنەمى ساليح جانە جاقسى ادامدارمەن دوستىق قۇرۋ كەرەك. ويتكەنى جامان دوس وتە زياندى. بارلىق جاماندىقتاردىڭ باسى جامان دوس بولىپ تابىلادى. جامان دوس دۇنيەدە دە، احيرەتتە دە باقىتسىزدىققا ۇشىراۋعا سەبەپشى. باقىتسىزدىققا تاپ بولماۋ ءۇشىن دوس تاڭداۋدا مۇقيات بولۋ كەرەك. ادامنىڭ ءدىنى دوسىنىڭ دىنىندەي، ادامنىڭ باقىتى جانە پالەكەتى دە دوستىق قۇرعان ادامعا بايلانىستى. دوس تاڭداۋدا مىنانداي ماڭىزدى قاسيەتتەرگە كوڭىل ءبولۋ كەرەك:
1) يماندى جانە اقىلدى،
2) جاقسى مىنەزدى،
3) جامان ىستەرگە قول ۇرمايتىن،
4) وتىرىك ايتپايتىن،
5) ساراڭ بولماۋى كەرەك.
ءۇش ءتۇرلى دوس بار. ءبىرىنشىسى؛ تاعام سياقتى، ول ءار قاشان قاجەت. ەكىنشىسى؛ دارى-دارمەك سياقتى، وعان كەيدە مۇقتاجدىق سەزىلەدى. ءۇشىنشىسى: اۋرۋ سياقتى، ادام ونى قالاماسا دا وعان جارماسادى.
شىنايى دوس - تاعام سياقتى، ءارقاشان وعان مۇقتاج بولاسىڭ. بۇل ادال، ساليح جانە پايدالى دوستار. وسىنداي ادامدارمەن دوستاسۋعا تىرمىسۋ، ىزدەپ تابۋ كەرەك. حازرەتى ءالي (رادياللاھۋ انھ): «جاقسى دوسى بولماعان ادام وڭ قولى جوق ادامداي» دەپ ايتقان.
ادامنىڭ ومىرىندەگى ەڭ جاقسى جەتىستىكتەرىنىڭ ءبىرى، ادال جانە سەنىمدى ادامدارمەن دوس بولۋى. ادال دوس بىتپەيتىن، تاۋسىلمايتىن قازىنا ىسپەتتەس. سەنىمدى دوس ومىردە كەزدەسەتىن ءارتۇرلى جاعدايلار مەن قيىنشىلىقتاردا كومەكشى بولادى. دوس اقىسىن ساقتاۋ وتە ماڭىزدى مىندەت. دوسىڭا مال-مۇلىكپەن جانە مۇمكىن بولعانشا ءارتۇرلى جاعدايلارمەن كومەكتەسۋ كەرەك. دوستىڭ سىرىن ساقتاپ، كەمشىلىكتەرىن جاسىرۋ قاجەت. وعان قيىن جۇمىستاردى تاپسىرماعان ءجون. قينالعان كەزىندە وعان كومەكتەسىپ، كوڭىل-كۇيىن كوتەرۋگە تىرىسۋ كەرەك.
You Might Also Like
-
ءماۋلانا جالالەددين رۋمي (قۋدديسا سيررۋح) حازرەتتىڭ ءماسناۋي كىتابىنان:
-
قىزدى الىپ مەنشىكتى ق ۇلى كورەتىن ەر ازاماتتارىمىز قىز اتاۋلىسىن سىيلاۋ بىلاي تۇرسىن قۇرمەتتىن ءوزىن تانىتپاۋى دۇرىسپا؟
