ۇيقى تۋرالى
ۇيقى بىرنەشە كەزەڭنەن تۇرادى:
1. 5-10 مينۋت
سانا ۇيقىلى-وياۋ، قيال، ارماندار ەلەس بەرەدى، كەيبىر شەشىمىن تاپپاي جۇرگەن ماسەلەنىڭ كەرەمەت شەشىمى ويعا كەلۋى مۇمكىن، شىم-شىتىرىق ويلار قامالايدى. بۇلشىقەتتەردىڭ بەلسەندىلىگى ازايادى، پۋلس باياۋلايدى، دەنە تەمپەراتۋراسى تومەندەيدى، كوز اقىرىن قيمىلداپ جاتۋى مۇمكىن، كەيدە بۇلشىقەتتەردە قىسقا ءدىرىل بولادى.
2. جىلدام ۇيقى (10-15 مينۋت)
بۇل كەزدە ميدىڭ ەلەكترلىك بەلسەندىلىگى وياۋ كەزدەگىمەن بىردەي. كوز الماسى جىلدام قيمىلدايدى. ءبىراق بۇلشىقەت بەلسەندىلىگى وتە تومەن، ادام مۇلدەم قيمىلسىز بولادى. «جىلدام ۇيقىدا» جاتقان ادامدى وياتىپ جىبەرسە، پسيحيكاسىنا زيان كەلەدى. جىلدام ۇيقى پسيحولوگيالىق قورعاۋ، اقپاراتتى وڭدەۋ، اقپاراتتىڭ سانمەن بەيسانا اراسىنداعى الماسۋىن قامتاماسىز ەتۋ قىزمەتتەرىن اتقارادى دەگەن بولجام بار. بۇل كەزدە ويانىپ كەتكەن ادامداردىڭ 90 پايىزى وتە انىق، ايقىن تۇستەر كورگەنىن ايتادى ەكەن.
3. جەڭىل ۇيقى (20 مينۋت)
بۇلشىقەت، جۇرەك سوعىسى، تەمپەراتۋرا تومەندەي تۇسەدى. سانا ۇيقىعا كەتەدى. بۇل كەزدە ادام تەز ويانادى.
4. باياۋ ۇيقى (20 مينۋتتان استام)
بۇل كەزەڭدە ادام ءتۇس كورمەيدى.
5. ەڭ تەرەڭ ۇيقى. 30-40 مينۋت
تۇستەردىڭ 80 پايىزى وسى كەزگە تيەسىلى. ايكەزبە، ۇيقىسىراۋ، قورقىنىشتى تۇستەر، بالالاردىڭ توسەككە جىبەرىپ قويۋى كوبىنەسە وسى كەزەڭدە بولادى. ويانعانسوڭ بۇل كەزەڭنەن ەستە ەشتەڭە قالمايدى. بۇل كەزەڭدە ادامنىڭ قۋاتى قالپىنا كەلەدى.
ۇيقى كەزىندە اعزادا قانداي وزگەرىس بولادى؟
سومنولوگ دارىگەر، پسيحوتەراپيەۆت، ۇيقى مەديسيناسى ورتالىعىنىڭ نەگىزىن قالاۋشى ۆيكتور حان Baribar.kz سايتىنا بەرگەن سۇحباتىندا ادام ۇيىقتاعان كەزدە بۇكىل اعزا مۇشەسىنىڭ جۇمىسى رەتتەلەتىنىن ايتادى. ۇيقى كەزىندە بۇلشىق ەت بوسايدى، ناتيجەسىندە ورگانيزم دەمالادى. بۇل ۋاقىتتا بەلگىلى ءبىر گورموندار بولىنەدى. «ادامدى گورموندار باسقارادى» دەگەندى ەسكەرسەك، ۇيقىنىڭ دۇرىس بولۋى ماڭىزدى. اعزا مۇشەلەرىنىڭ جۇمىسىن جاقسارتادى. سونىمەن قاتار پسيحو-ەموسيونالدى تۇرعىدان جەڭىلدەۋ بولادى.
«بۇدان بولەك ماڭىزدى دۇنيە بار. جالپى، تاندەگى جينالىپ قالعان توكسيندەر ليمفا جۇيەسى ارقىلى جينالىپ، سىرتقا شىعىپ وتىرادى. الايدا ميدا مۇنداي جۇيە جوق. ءبىراق توكسيننەن ارىلۋ كەرەك؟ ول قالاي جۇرەدى؟ ميداعى توكسين تەرەڭ فازاداعى ۇيقى كەزىندە تومەندەپ، ارقا-مي كانالىنا جەتەدى. ءارى قاراي توكسين دەنەدەگى ليمفا جۇيەسى ارقىلى شىعىپ كەتەدى. نەلىكتەن دۇرىس ۇيىقتاماعان ادامنىڭ باسى اۋىرادى؟ سەبەبى، جينالعان توكسيندەر شىقپادى، ءومىر سۇرۋگە كەرەك نەيروندار تۇزىلمەدى»، – دەيدى ۆيكتور حان.
سونىمەن بىرگە ۇيقىنىڭ تەرەڭ فازاسىندا لەپتين گورمونى ازايىپ، گرەلين كوپ بولىنەدى. لەپتين توقشىلىق سەزىمىن بەرەدى، «تويىپ كەتتىم» دەيتىڭىز وسى گورموننان. ال گرەلين گورمونى تابەتكە جاۋاپتى، تاماق ىشەر الدىندا كوپ ءبولىنىپ، استان كەيىن كۇرت ازايىپ كەتەدى. ياعني ۇيىقتايتىن كەز كەلسە، ءبىراق جاتا قالماساڭىز، مولشەرى ارتقان گرەلين «قارىن اشتىرادى». ۇيقىسى ءجيى بۇزىلاتىن، تۇنىمەن توڭازىتقىشتى اشىپ، تاماق ىزدەيتىن ادامدى كوبىمىز بىلەمىز.
سونىمەن قاتار ۇيقىنىڭ تەرەڭ فازاسىندا ادامنىڭ وسۋىنە جاۋاپتى سوماتوتروپين گورمونى بولىنەدى. «ءسابي ۇيقىمەن وسەدى» دەگەن وسىعان بايلانىستى. ەرەسەك ادام وسپەيدى، ەسەسىنە سوماتوتروپين مەتابوليزمگە، ياعني كۇنى بويى پايدالانىلماعان مايدى ىدىراتۋعا قىزمەت ەتەدى.
وقۋعا كەڭەس بەرەمىز:
60 سەكۋندتا ۇيقى كەلتىرەتىن ءادىس
ۇيقىنىڭ جايلى بولۋىنا ىقپال ەتەتىن 5 وسىمدىك
ادام ۇيىقتاپ بارا جاتىپ نەگە سەلت ەتەدى؟
You Might Also Like
-
ءامىر تەمىر 34 جاسىندا ءبالح بيلەۋشىسى بولدى. شىڭعىس حاننىڭ ۇرپاعىنان بولعان ءبىر قىزعا ۇيلەنگەنى ءۇشىن گۋرگان (حاننىڭ كۇيەۋ بالاسى) اتاعىمەن تانىلدى. وتباسىلىق ابىرويىن ارتتىردى. جۇرتتىڭ ءوزىن شىڭعىس ح...
-
1851 جىلى دجەيمس كينگ بارابانمەن اينالاتىن، قازىرگى كىر جۋعىش ماشيناعا ۇقساس تەحنيكانى ءوز ەسىمىنە پاتەنتتەدى. ءبىراق ماشينانى جۇرگىزەتىن مەحانيزم قولمەن باسقارىلاتىن ەدى.
