قايىرىمدىلىقتىڭ ناتيجەسى
ءماۋلانا جالالەددين رۋمي (قۋدديسا سيررۋح) حازرەتتىڭ ءماسناۋي كىتابىنان:
وتە تاكاپپار، باي ءبىر كىسى ەسىگىنىڭ الدىنا كەلگەن ءبىر كەدەيگە ەشتەڭە بەرمەگەنىمەن قوسا، ونى جابىرلەپ، مۇقاتىپ ەسىكتى تارس جابادى. بايعۇس كەدەي ءبىر شەتكە وتىرىپ جىلاي باستايدى. داۋىسىن ەستىگەن سول ماڭداعى كوزى سوقىر كىسى قاسىنا جاقىنداپ نەگە جىلاپ وتىرعانىن سۇرايدى. كەدەي بولعان وقيعانى ايتىپ بەرەدى. سوقىر كىسى كەدەيگە ۇيىنە قوناق بولۋىن، وزىنە سەرىك بولىپ بىرگە تاماقتانۋىن وتىنەدى. كەدەي قىسىلىپ قاجەتى جوق دەگەنىمەن الگى سوقىر كىسىنىڭ قويماي شاقىرۋىمەن كەلىسىپ ۇيىنە كەلەدى.
ۇيىنە كەلگەن قوناقتى كور كىسى جاقسىلاپ كۇتىپ، اڭگىمە قۇرىپ، قارنىن تويدىرىپ شىعارىپ سالادى. كەدەي كىسىنىڭ وعان رازى بولعاندىعى سونشالىق، شىن ىقىلاسپەن وعان: «سەن ماعان ەسىگىڭدى، كوڭىلىڭدى اشتىڭ، راببىم سەنىڭ كوزىڭدى اشسىن» دەپ دۇعا ەتەدى. سول ساتتە سوقىر كىسىنىڭ كوزدەرىنەن جاس تامشىلاپ ارتىنشا كوزدەرى اشىلىپ كورە باستايدى. بۇل سوقىر كىسىنىڭ كوزدەرى قالاي اشىلعاندىعى جايلى حابار تەز ارادا قالا ىشىنە تارايدى. بۇل حاباردى ەستىگەن بۇرىنعى تاس جۇرەكتى باي كىسى راس-وتىرىگىن انىقتاۋ ماقساتىندا سوقىر كىسىگە كەلىپ، كوزىنىڭ كورەتىنىن بايقايدى. «ءوزىڭ جولىڭ بولعىش ادام ەكەنسىڭ، كوزىڭ قالاي اشىلدى؟» دەپ سۇرايدى. ول: «سەن ءوزىڭ قانداي ادامسىڭ، ەسىگىڭە كەلگەن باقىت قۇسىن ۇشىردىڭ، ەسىگىڭدى تارس جاۋىپ قۋىپ شىققان ادامىڭ، مەنىڭ كوزىمنىڭ ەسىگىن اشتى» دەيدى. باي: «قاپ اتتەگەن-اي، وبالىم جوق مەنىڭ» دەپ ىستەگەن ىسىنە وكىنىپ، بارماعىن تىستەپ قالىپتى.
You Might Also Like
-
وpaزa قaنت ديابەتى aۋpۋىنa تoسقaۋىل بoلىپ، apتىق سaلمaقتaن apىلۋعa ءاسepءىن تيگىزeءدى. Opaزaنىڭ تepءى aۋpۋلapىنa پaيدaسى بap. حoلeستepين ءمولشepءى ءتومeندeءيدى ءجانe دe ءجۇpeك قaن تaمىpلapى aۋpۋلapىنىڭ aلدىن...
-
مۇسىلماننىڭ مىندەتتەرىنىڭ ءبىرى — دوس اقىسىنا ءمان بەرۋ. سوندىقتان ۇنەمى ساليح جانە جاقسى ادامدارمەن دوستىق قۇرۋ كەرەك. ويتكەنى جامان دوس وتە زياندى. بارلىق جاماندىقتاردىڭ باسى جامان دوس بولىپ ...
