دوسىمنىڭ ۇيلەنۋ تويىنا تىلەك
بۇل كۇنى تويىڭ بوپ جاتىر،
ەي، اسىل دوسىم ەلدەگى.
مەنى دە ورتاق دەپ بىلگىن،
شاتتىققا وسى سەندەگى.
«تىلەگىم ايتار –
بولعاي دا
كەلىننىڭ قۇتتى اياعى»، -
دەپ جاتقان ۇلى تويىڭدا
جان دوسىڭمىن عوي باياعى!
*** *** *** ***
ومىردە قالسا ەكەن جارقىن ىزدەر،
جاراسىپ، قول ۇستاسىپ وتىڭىزدەر.
جۇپتارىڭ جازىلماسىن ءومىر بويى،
ارمانعا – التىن تويعا جەتىڭىزدەر.
*** *** *** ***
ايتار بىزدىك تىلەك – سول:
تويىڭ تويعا جالعاسسىن!
ويىڭ ويعا جالعاسسىن!
زاڭعار ۇل-قىز وتاۋ تىكسىن،
ۇرپاق كورسىن – جالعاسسىن!
توتىدايىن تارانعان بۇل حانىمنىڭ،
اپپاق قارداي اجە بولىپ،
ەتەگىنە نەمەرەلەر، شوبەرەلەر جارماسسىن!
بۇل تىلەكتەر ورىندالىپ جاتقاندا،
ءوزىڭ دە، قۇرداس-دوسىم جەردە قالماسسىڭ!
*** *** *** ***
ماحابباتتىڭ قانىپ ءىشىپ كاۋسارىن،
بىر-بىرىڭە اۋىپ تۇرسىن اڭسارىڭ.
قوس اققۋداي ماڭگى بىرگە جۇزىڭدەر،
ءومىر دەگەن وتكەل بەرمەس قارسى اعىم.
ۇلگى بولىپ باسقالارعا تىرلىكتە،
شاڭىراقتىڭ بەرىكتىگى بىرلىكتە.
بىر-بىرىڭە سۇيىكتى دە سىيلى بوپ،
اتا-انانىڭ كوڭىلدەرىن كىرلەتپە.
قۋانىشتان تەبىرەنىپ اكە-شەشە جۇرەگى،
قايدا جۇرسە باقىت تىلەپ جۇرەدى.
ومىرلەرىڭ بالداي ءتاتى بولسىن مەرەيلى،
دوستارىڭنىڭ ايتار وسى تىلەگى.
You Might Also Like
-
مەكتەپتە وقۋشىلاردى تاماقتاندىرۋدى ۇيىمداستىرۋ ەرەجەسىنە وزگەرىستەر ەنگىزىلدى. بۇل تۋرالى ق ر وقۋ-اعارتۋ ءمينيسترى اسحات ايماعامبەتوۆ ءوزىنىڭ تەلەگرام كانالىندا حابارلادى.
-
قازان توڭكەرىسىنە دەيىن قازاقستاننان، ونىڭ ىشىندە شالعاي جاتقان ماڭعىستاۋ توپىراعىنان دا قاجىعا بارعاندار از بولماعان. سولاردىڭ ءبىرى — ماڭعىستاۋلىق قانىبەك ۇلى بايقۇل قاجى. اداي رۋىنىڭ قاراش ت...
