دوستىقتى ماستىق تۋعىزاد،
شىن-شىن دوستار - ەكى ماس.
جۇرەكتى ماستىق ورتەيدى،
توككىزىپ كوزدەن ىستىق، جاس.
دوستىقتى اۋرۋ تۋعىزاد،
اۋرۋ ادام - ادال دوس.
اۋرۋ كوز جاس توككىزەد،
اۋىرساڭ عانا جۇرەك بوس.
ايىق ادام - اڭ ادام،
دەنى ساۋ ادام - بەينە تاس.
دوستىققا باعا بەرە الماس،
توكپەس ول كوزدەن ىستىق، جاس.
شىن دوس بوپ ىستىق جاس توكسىن
دەسەڭ، دوسقا اراق بەر،
He بولماسا، تاڭىرىدەن
اۋرۋ بەر دەپ تىلەي كور!

---