ەل ەرتەڭى - ادال ۇرپاق!
ادالدىق... وسىناۋ قاسيەتتى دە اۋقىمدى ۇعىمنىڭ ادام بالاسى ءۇشىن الار ورنى، اتقارار قىزمەتى وراسان زور. تەك ورنىمەن قولدان، قاسيەتتى ءسوزدىڭ قادىرىنە جەتە ءبىل! سوندا عانا بۇل ءسوز ءوزىنىڭ قادىر-قاسيەتىن جوعالتپاي، ءمانى مەن ماعىناسى ارتا تۇسەرى ءسوزسىز.
اتام قازاق «اردىڭ ءىسى - ادالدىق» دەپ بەسەنەدەن جوعارى باعالاعانى ايتپاسا دا بەلگىلى. ەندەشە وسىناۋ قاسيەتتى ۇعىم قازىردە ءوز دارەجەسىندە، ءوز بيىگىندە سامعاي الىپ ءجۇر مە؟
قايدام... بۇعان ءبىر-اق مىسال اش قاسقىرداي جالاقتاعان جەمقورلىق دەگەن پالەنى قايدا قويامىز؟ بۇل ءبىزدىڭ كۇندەلىكتى ومىرىمىزگە باسا كوكتەپ كىرىپ، جاپپاي قوعامنىڭ دەرتىنە اينالىپ بارا جاتىر ما دەپ قالامىز. سەبەبى كەز كەلگەن جاڭالىققا قۇلاق تۇرسەڭىز ەرىكسىز «پارا الىپتى»، «پارا بەرىپتى» دەگەن سوزدەرمەن قالاساڭىزدا، قالاماساڭىزدا ۇشىراساسىز. ويلاپ قاراساق، بۇل كۇندەلىكتى ادەتكە اينالىپ بارا جاتقان سياقتى.
اي مەن كۇننىڭ امانىندا، ەل ىشىندەگى تىنىشتىق زاماندا ادام بالاسىنىڭ بۇلاي بۇزىلۋىنا نە جەتىسپەيدى ەكەن دەپ ءبىر ءسات ويعا شوماسىز. ويلانا-ويلانا پەندەنىڭ پەندەشىلدىگى شىعار دەگەن شەشىمگە ەرىكسىز كەلەسىز. باسقا اقتار سەبەپتە جوق سياقتى. بولعان ۇستىنە بولا تۇسسە دەگەن اشكوزدىك، بايلىعىمدى ەسەلەي تۇسسەم دەگەن كورسە قىزارلىق. بۇل - پەندەنىڭ پەندەشىلدىگى ەمەي نەمەنە.
وسىنىڭ ءبارىن جەڭەر كۇش، ۇلتتىق رۋح – ادالدىق. بويىمىزدا وسى قاسيەتتىڭ ءسال دە بولسا ۇشقىنى بولسا، مۇنداي پەندەلىككە سالىنىپ، ءبىر ساتتىك دۇنيە ءۇشىن وزىمىزگە سەنىپ تاپسىرىلعان حالىق سەنىمىنە سەلكەۋ تۇسىرمەس ەدىك.
ادالدىق – ادام بويىنداعى اسىل قاسيەتتەردىڭ ءبىرى. ادامدىق بەلگىسىنىڭ ولشەمى دە ىسپەتتى. "ادالدىق” دەگەن ءسوز شىنشىلدىق، اينىماستىق، شىن بەرىلگەندىك سياقتى يگى قاسيەتتەردى ەسكە سالادى.
سول سەبەپتى دە ءوزىم سياقتى ءوسىپ كەلە جاتقان ەلىمىزدىڭ بولاشاعىنا ۇلەس قوسار جاستارى وسى سوزبەن جاستايىنان تانىسىپ، ماعىناسىنا تەرەڭ بويلاپ وسسە ەكەن دەپ ويلايمىن. بۇل ءسوزدى بولاشاق ۇرپاققا تەك ايتىپ قانا قويماي اعا بۋىن ىسپەن دالەلدەپ، بۇكىل حالىق بولىپ ۇرپاعىنىڭ بويىنا سىڭىرە السا، ەلىمىزدىڭ ەرتەڭى نۇرلى بولىپ، تابىسى ەسەلەنە تۇسپەك. دۇنيەدە ادىلدىك پەن ادالدىقتى تۋ ەتكەن ادامنان ارتىق ەشكىم جوق. ەندەشە قوعام دەرتىنە اينالعان «جەمقورلىقپەن» قوعام بولىپ بىرگە كۇرەسەيىك! ەل ەرتەڭى - ادال ۇرپاق!
اقمولا وبلىسى زەرەندى اۋدانى
يساكوۆكا ورتا مەكتەبىنىڭ 11 «ا» سىنىپ وقۋشىسى
نەعمەتجان زۇلقيا
You Might Also Like
-
«الىپ تا، دانا دا انادان تۋادى» دەپ حالىق بەكەر ايتپاعان عوي. ەرتەدە سىر بويىندا بايدىبەك دەگەن باي ءومىر سۇرگەن كورىنەدى. ونىڭ ەكى ايەلى بولىپتى. توقالىنىڭ بويى الاسا، ءوزى تولىق بولعاند...
-
ادامعا كوپ ايتىلاتىن تىلەكتەردىڭ ىشىندە «دەنساۋلىعىڭ زور بولسىن» دەگەندى ءجيى ەستيمىز. كەيبىرەۋلەر وسى ءسوزدىڭ ءتۇپ توركىنىنە ۇڭىلە بەرمەيدى ەكەن. ادامنىڭ باستى بايلىعى – ونىڭ دەنساۋ...
