پىلىڭە (الىڭە) قاراپ سويلە!
زاماناۋي سوعىستاردا تانكىنىڭ ءرولى، ماڭىزدىلىعى قانداي بولسا، ەسكى زامان سوعىستارىندا دا سونداي ءرولدى پىلدەر اتقارعان. ارنايى جەتىلدىرىلگەن سوعىس پىلدەرى جەڭىسكە جەتۋدىڭ نەگىزگى قوزعاۋشى كۇشتەرى بولعان. پىلدەرمەن جاساقتالعان اسكەرلەر ۇنەمى جەڭىسكە جەتىپ وتىرعان. الايدا ول كەزدە پىلگە قول جەتكىزۋ دە وڭاي شارۋا بولماعان.
تاريح كىتاپتارىندا ءپىلدى قولعا ۇيرەتىپ، ۇستىنە ادام مىنگىزۋ ارقىلى سوعىسقا اتتاندىرۋدى العاش رەت پارسى پاتشاسى فارۋدين فاررۋح جۇزەگە اسىرعان. شىنىندا دا بۇرىڭعى زامانعى ازيا اۋماعىنداعى سوعىستاردا ەڭ ماڭىزدى ءرولدى پىلدەر اتقارعان. ارنايى جەتىلدىرىلگەن سوعىس پىلدەرى جەڭىسكە جەتۋدىڭ بىردەن-بىر قۇرالى بولىپ تابىلعان. ولار سوعىس پىلدەرىن جىلجىمالى قورعان رەتىندە پايدالانىپ، دەنەسىنە تەمىردەن جانە مۇيىزدەن ساۋىتتار كيگىزىپ، تۇمسىعىنا ءسۇيىر قىلىش بايلاپ، قارسى شىققان اتتار مەن تۇيەلەردى تۇمسىعىمەن تۋراپ، جايپاپ وتەتىن بولعان.
يران پاتشاسى حۋسراۆ ءپارۆيزدىڭ مىڭ دانا اق پىلدەرى بولىپ، “مەنىڭ اسكەرلەرىمدى ەشكىم جەڭە المايدى” دەپ ماڭعازدانعان. كارفاگەن پاتشاسى گاننيبال دا پىلدەرىنىڭ ارقاسىندا ريم قالاسىن ءدۇر سىلكىندىرىپ، ءالپى تاۋلارىن اسىپ وتكەن.
ال ءۇندىستان پاتشالارى ءوز ۇستەمدىكتەرىن پىلدەرىنىڭ ساندارىنا قاراي كورسەتەتىن بولعان. مۇحاممەد پايعامبارىمىزدىڭ دۇنيەگە كەلۋىنەن ءبىر جىل بۇرىن يەمەن پاتشاسى ءابراحا پىلدەرىمەن مەككەگە شابۋىل جاسايدى. الايدا، جەڭىلىسكە ۇشىرايدى.
ءامىر تەمىر ءۇندىستانعا باسىپ كىرگەنىندە اۋەلى دۇشپان تاراپىن جەڭىلىسكە ۇشىراتادى. كەيىن ءۇندىستان پاتشاسى پىلدەرىن قولدانا باستايدى. سوندا ءامىر تەمىر كەرى شەگىنۋگە ءماجبۇر بولىپ، باسقا ءبىر ايلا ويلاپ تابادى. سوعىس مايدانىنا ارقاسىنا ءورت قويىلعان تۇيەلەردى جىبەرۋدى ۇيعارادى. سوعىس باستالعان ساتتە مايدانعا تۇيەنىڭ ۇستىنە ءشوپ، وتىن تيەپ، ولاردى تۇتاندىرىپ پىلدەرگە قاراي جىبەرەدى.
مۇنى كورگەن پىلدەر ۇركىپ ارتقا قاراي قاشادى. پىلدەردىڭ كوزدەرى كىشكەنتاي بولعاندىقتان وتتان قورقاتىندارى بەلگىلى بولادى. تەمىر حاننىڭ بۇل جوسپارى جۇزەگە اسىپ، ءۇندىستان پاتشاسى جەڭىلىسكە ۇشىراپ، تاۋعا قاراي قاشۋعا ءماجبۇر بولادى.
ءامىر تەمىر ءۇندىستاندى جاۋلاپ العاننان كەيىن اسكەرلەرىن كۇشەيتۋ ماقساتىندا وسىنداي قۇندى قارۋ قۇرالىن (پىلدەردى) كوپ پايدالاندى.
You Might Also Like
-
قازاقستاننىڭ 117 مەكتەبىندە ءۇش ءتىلدى وقىتۋ جۇيەسى ەنگىزىلدى. بۇل تۋرالى بۇگىن ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا ق ر بعم ۆيسە-مينيسترى تاقير بالىقبايەۆ ءمالىم ەتتى.
-
سۋدا جۇزە ءبىلۋ - ومىرگە وتە قاجەت. ادام بالاسى ەرتە زاماننان بەرى سۋدا جۇزۋمەن اينالىسىپ كەلەدى. جازعى قاپىرىق، ىستىق كۇندەردە ادامدار جۇزدەپ، مىڭداپ جاعاجايلارعا - وزەن-كولدەردىڭ، تەڭىزدەردىڭ جاعا...
