ەلىمىزدە كوللەدج ستۋدەنتتەرىنىڭ ستيپەندياسى 50% كوبەيدى
ەلىمىزدە كوللەدج ستۋدەنتتەرىنىڭ ستيپەندياسى 50% كوبەيدى.
وقۋ-اعارتۋ مينيسترلىگىنىڭ مالىمەتىنشە، بيىلعى وقۋ جىلىندا 190 مىڭ جاس كوللەدج ستۋدەنتى اتاندى. ونىڭ 133 مىڭى مەملەكەتتىك ءبىلىم بەرۋ تاپسىرىسى بويىنشا وقيتىن بولادى. كاسىپورىنداردىڭ ءوتىنىمى بويىنشا 10 مىڭ ستۋدەنت ءبىلىم الادى.
مەملەكەت باسشىسىنىڭ تاپسىرماسى بويىنشا بيىل مەملەكەتتىك ءبىلىم بەرۋ تاپسىرىسى 50 مىڭ ورىنعا ۇلعايتىلدى. تەحنيكالىق جانە كاسىپتىك كوللەدج ستۋدەنتتەرىنىڭ 75 مىڭى كۆوتا بويىنشا قابىلداندى.
ايتا كەتۋ كەرەك، مەملەكەتتىك تاپسىرىس تەحنيكالىق ماماندىقتارعا قايتا باعدارلاندى. ولاردىڭ قاتارىندا گەولوگيا، ەنەرگەتيكا، مەتاللۋرگيا، ماشينا جاساۋ، كولىك، IT، قۇرىلىس، پەداگوگيكا جانە مەديسينا سياقتى سالالار بار.
كوللەدج ستۋدەنتتەرىن ىنتالاندىرۋ ماقساتىندا 2023 جىلدىڭ قىركۇيەگىنەن باستاپ ستيپەنديانى كەزەڭ-كەزەڭىمەن ارتتىرۋ قاراستىرىلعان: 2023 جىلدىڭ 1 قىركۇيەگىنەن باستاپ 50%-عا وسەدى، 2024 جىلى 100%-عا دەيىن جەتكىزىلەدى.
مەملەكەتتىك تاپسىرىس بويىنشا وقيتىن ستۋدەنتتەر الەۋمەتتىك قولداۋمەن، ونىڭ ىشىندە ستيپەنديامەن، تاماقتانۋمەن جانە جولاقىمەن قامتىلعان. سونداي-اق جاڭا وقۋ جىلىندا كوللەدج ستۋدەنتتەرى ءۇشىن 2،5 مىڭ ورىندىق 13 جاڭا جاتاقحانا اشىلادى.
You Might Also Like
-
ق ر عىلىم جانە جوعارى ءبىلىم مينيسترلىگى لاتىن قارپىنە اۋىسۋ جۇمىستارى قالاي ءجۇرىپ جاتقانىن باياندادى.
-
شوڭايدىڭ ناعاشىسى سادىر، ونىڭ ىشىندە الديار تارماعىنان ەكەن. قابىرعاسى قاتىپ، وڭى مەن سولىن تانىعان شوڭاي ەندى ناعاشى جۇرتىن ىزدەپ شىعادى. ول كەزدە اتپەن جۇرەتىن كەز. لەپسىنىڭ بويى ما، الدە ودان ءار...
