ەلىمىزدە حالىقارالىق اتوم ونەركاسىبى عىلىمي-وقىتۋ ورتالىعى قۇرىلدى
الماتىدا «قازاتومونەركاسىپ» ۇاك» اق جانە «ق.ي.ساتپايەۆ اتىنداعى قازۇتزۋ» كەاق اراسىنداعى «حالىقارالىق اتوم ونەركاسىبى عىلىمي-وقىتۋ ورتالىعىن» قۇرۋ تۋرالى كەلىسىمگە قول قويۋ ءراسىمى بولىپ ءوتتى، دەپ حابارلايدى كومپانيانىڭ باسپا ءسوز قىزمەتى.
وتالىقتىڭ مىندەتى - قازاقستاننىڭ اتوم سالاسى ءۇشىن جوعارى بىلىكتى ماماندار دايارلاۋ، سونىڭ ىشىندە شەتەلدىك ستۋدەنتتەردى وقىتۋ. وقۋ ورنى قازاتومونەركاسىپكە قاجەتتى باعىتتار بويىنشا ادىستەر مەن تەحنولوگيالاردى جەتىلدىرۋمەن، سونداي-اق اتوم عىلىمى مەن ءوندىرىسىنىڭ ماڭىزدى ماسەلەلەرى جونىندەگى عىلىمي-زەرتتەۋ جانە تاجىريبەلىك-كونسترۋكتورلىق جۇمىستارمەن شۇعىلدانادى.
كەلىسىمنىڭ شارتتارىنا سايكەس، قازۇتزۋ ماگيسترانتتارى قازاتومونەركاسىپ بولىمشەلەرىندە تاجىريبەدەن وتە الادى. سونىمەن قاتار، كومپانيا ۋنيۆەرسيتەت ستۋدەنتتەرى مەن قىزمەتكەرلەرىنىڭ عىلىمي زەرتتەۋلەرى، كۋرستىق جانە ديپلومدىق جوبالارىنىڭ ۇزدىك ناتيجەلەرىن وندىرىسكە ەنگىزۋىنە كومەكتەسەتىن بولادى.
پاندەردى وقىتۋ ءۇشىن ورتالىق جانىنان ۇلتتىق اتوم كومپانياسىنىڭ ارداگەرلەرى مەن قىزمەتكەرلەرىنەن «اقساقالدەر كەڭەسى» قۇرمەتتى پروفەسسورلار قاۋىمداستىعى قۇرىلدى. وقىتۋ باعدارلاماسى گەولوگيا جانە ۋران كەن ورىندارىن بارلاۋ، سيرەك جانە سيرەك جەر مەتالدار مەتاللۋرگياسى، وندىرىستىك پروسەستەردى اۆتوماتتاندىرۋ سياقتى نەگىزگى پاندەردى قامتيدى. سونىمەن قاتار، پاندەردىڭ كوپ بولىگى اعىلشىن تىلىندە وقىتىلادى.
«حالىقارالىق اتوم ونەركاسىبى عىلىمي-وقىتۋ ورتالىعى - جوعارى بىلىكتى ماماندار دايىنداۋدىڭ بىرەگەي الاڭى. عىلىم مەن وندىرىستەگى كاسىپقوي كادرلاردىڭ بىرلەسكەن ءىس-قيمىلى اتوم سالاسىنىڭ ودان ءارى دامۋىنا سينەرگەتيكالىق ناتيجە بەرەدى»، - دەپ اتاپ كورسەتتى يسكاندەر بەيسەمبەتوۆ.
You Might Also Like
-
«مەنىڭ ءپىرىم ءسۇيىنباي،ءسوز سويلەمەن سيىنباي!»-دەگەن جامبىل.تۋعان ەلىنىڭ ارى مەن ۇجدانى، بوستاندىعى مەن تاۋەلسىزدىگى ءۇشىن كۇرەسكەن، مومىن شارۋانىڭ مۇددەسىن كورعاعان، حالىكتاردىڭ دوستىعى م...
-
باعىت-باعدار كورسەتەر، ءبىر ورىندا تۇرىپ-اق: قىزىل كوزى جانعاندا، ءجۇرىپ كەتپە تەك ءبىراق. سارى جانسا، دايىندال، قالما، بوتام، سەن قۇلاپ. جاسىل جانسا، جۇرە عوي، قويا بەرمەي كوپ سۇراق.
