قازاق ەلىنىڭ ەل بولۋ ۇياتى - ءبىزدىڭ موينىمىزدا
ءبىزدىڭ وتانىمىز – ەگەمەندى، تاۋەلسىز قازاق ەلى. ءجۇز جيىرمادان اسا ۇلت وكىلدەرى تۇراتىن وسىناۋ قاسيەتتى مەكەندە، اسقاقتاعان الاتاۋلى ولكەدە، كەڭشىلىگى كەرەمەت، دارقان داستارحانداي دالادا، ەگىنى تەڭىزدەي تولقىعان، ءتورت تۇلىگى مىڭعىرعان، ءوندىرىسى وركەندەگەن مەكەندە ءومىر ءسۇرۋشى ءاربىر ادام از وتانىم جانىنداي ءسۇيىپ، ونىڭ كوك بايراعىن كوككە كوتەرۋدى ماقتانىش تۇتادى.
تاۋەلسىزدىكتىڭ جارقىن جيىرما ەكىنشى تاڭىن اتىرىپ، ەڭسەنى ەل اتاندىق. كەمەڭگەر كوشباسشى – ن.ءا. نازاربايەۆتىڭ سىندارلى ساياساتىنىڭ ناتيجەسىندە الدىمىزدان شىققان سىن ساعاتتاردان سۇرىنبەي ءوتىپ، الەممەن ساناساتىن دارەجەگە جەتتىك. تاۋەلسىز قازاقستان كوپ ۇلتتى، كەڭ بايتاق جەرى بار، جەرىنىڭ استى – ءۇستى تولعان بايلىققا يە. وسىناي الىپ تا الۋان ءتۇرلى ۇلت، ءدىن وكىلدەرىنىڭ باسىن ءبىر شاڭىراقتىڭ استىندا بىرىكتىرىپ، ولاردى كەلەشەككە نىق سەنىممەن باستاي ءبىلۋ ءاربىر باسشىنىڭ تاعدىرىنا جازىلا بەرمەسى انىق.
ەكونوميكالىق ءال – اۋقاتى تۇراقتى، وزگە ەلدەرمەن يىق تىرەسە الاتىن دارەجەگە جەتىپ كەلە جاتقان ەلىمىزدىڭ جەڭىسى مەن جەمىسى – الەم نازارىندا.
ەلباسىمىز ن.ءا. نازاربايەۆتىڭ جىل سايىنعى حالقىنا جولداۋلارى جەمىستى جەتىستىكتەرگە قول جەتكىزۋدىڭ العىشارتتارى ەدى دەسەم قاتەلەسپەيمىن.
«XXI عاسىر قازاق حالقىنىڭ جۇلدىزى جاناتىن عاسىر بولاتىنىنا سەنەمىن»، - دەپ اتاپ كورسەتكەن ەلباسىمىز «قازاقستان - 2050» ستراتەگياسىن قالىپتاسقان مەملەكەتتىڭ جاڭا ساياسي باعىتى» اتتى جولداۋىن حالىققا ۇسىنادى.
2030 جىلعى جوسپارلانعان قىرۋار شارۋالاردى از عانا ۋاقىتتىڭ ىشىندە ەڭسەرۋىمىز – ءبىزدىڭ ەلىمىزدىڭ دامۋ قارقىنى مەن قاجىر – قايراتىنىڭ زور ەكەندىگىن كورسەتەدى.
ەلباسىنىڭ 2050 جىلعا دەيىن اۋقىمدى جوسپارلاردى بەلگىلەپ، ول ءۇشىن باستى باعىتتاردى ايقىنداپ بەرۋى – قازاقستاندىقتاردىڭ باقىتتى بولاشاعىنىڭ كەپىلى.
جولداۋدا ەلدىڭ الەۋمەتتىك سالاسىن، ءبىلىم بەرۋ مەن دەنساۋلىق ساقتاۋ سالاسىنا ايرىقشا كوڭىل بولىنگەندىگىن كورەمىز. سونىمەن بىرگە اۋىلشارۋاشىلىق سالاسىن ارتتىرۋعا قىرۋار سەرپىلىستى جوسپارلار ۇسىنىلدى. كوپتەن بەرى ايتىلىپ كەلە جاتقان 2025 جىلعا قاراي لاتىن الىپبيىنە كوشۋ ماسەلەسى ەلباسى تاپسىرماسىمەن جۇزەگە اسىرىلماق.
بۇگىنگى تاڭدا قازاق ءتىلىنىڭ قولدانۋ اياسىن دامىتۋ جونىندەگى كەشەندى شارۋالاردى جۇزەگە اسىرىپ، ءتىل – قازاقستان حالقىن بىرىكتىرۋشى قۇرال بولۋ كەرەكتىگىن ناقتىلاپ جانە قازاق ءتىلىن دامىتۋدى الدىمەن وزىمىزدەن باستاۋىمىز كەرەكتىگى جۇكتەلۋدە. جولداۋ ءاربىر تۇلعالى جاۋاپكەرشىلىككە شاقىرىپ، ۇلكەن ناتيجەلى باستامالارعا باعىتتايدى. ەلباسى بولاشاعىنا سەنىمدى ازاماتتىڭ ماقساتى انىق ەلدە عانا تولىققاندى مەملەكەت قۇرىلاتىنىنا سەنىم ءبىلدىردى.
ارايلاپ تاڭىم اسقاقتاپ تاۋىم،
ءان ويناپ كوگىم ، كۇي تارتتى ەلىم.
قول جەتتى مىنە، اڭساعان كۇنگە،
جاساي بەر، جاسا، قازاعىم مەنىڭ! – دەگەندەي
جولداۋ – وسى جولدا باعىت بەرۋشى قۇجات سەكىلدى. وسىناۋ كەزەڭ – كەزەڭگى بولىنگەن ستراتەگيانىڭ بولاشاق ىسكە اسىرۋشىسى ەكەندىگىمدى ماقتانىش ەتەمىن. 2050 جىلدارعا قاراي ءبىزدىڭ حالقىمىز الەمدەگى ەڭ مىقتى ەلدەردىڭ ءبىرى - كوك بايراقتى قۋاتتى قازاق ەلىندە ءومىر سۇرەتىن بولادى. ۇلتتار بىرلىگىن قامتاماسىز ەتە وتىرىپ ەلباسى ءوز حالقىنا، ۇلتىنا زور سەنىم جۇكتەلەدى. ول: «مەملەكەتىمىزدىڭ دىڭگەگى – قازاق حالقى. ەل دە، جەردە قازاقتىكى. ەل بولۋدىڭ ۇياتى ءبىزدىڭ جۇرتتىڭ موينىندا»، دەيدى.
ەلباسىنىڭ ەل دامۋىنىڭم كوكجيەگىن ايقىنداپ بەرگەن باعدارشام ىسپەتتەس ستراتەگياسىنا ءوزىم قولداۋ بىلدىرە وتىرىپ، ونىڭ جۇزەگە اسۋىنا بارلىق كۇش – جىگەرىمدى سارپ ەتۋگە دايىنمىن. ويتكەنى بىزدەر جاس ۇرپاق ءۇشىن ەلدەگى تۇراقتىلىق، تاتۋلىق، بەرىكتىگى اسا قىمبات. حالقى تاتۋ – ءتاتتى، ساياساتى سارابدال ەلدىڭ عانا قازىناسى قىرۋار، بولاشاعى باياندى بولادى. «ىرىس – ىنتىماققا جولىعادى، داۋلەت – بىرلىكپەن تولىعادى» - دەمەكشى قازاقستان ءبىزدىڭ وتانىمىز. مىڭعىرتىپ مال ءوسىرىپ، ميللياردتاپ ءدان وسىرگەن، قويناۋى قۇت، قاباتى كەندى باي ولكە. مەنىڭ ب ا ق قونعان قۇت مەكەنىمدە، تاتۋلىق پەن بەيبىتشىلىك ماڭگى ورناپ باي قۋاتتى بولاتىنىنا سەنىمدىمىن!
جاسا! ماڭگى قازاق ەلى!
تۇركىستان گۋمانيتارلىق-تەحنيكالىق كوللەدجىنىڭ
قازاق ءتىلى جانە ادەبيەتى ءپانى ءمۇعالىمى
ساپاربايەۆا ايجان ماحانبەتجان قىزى
You Might Also Like
-
اقتوبە قالاسى، نوۆىي ورتا مەكتەبى 1 "ءا" كلاسس وقۋشىسى: حايروللا ايدا جەتەكشىسى: بيسەنوۆا گۋلجانات نۋگمەتوۆنا
-
بايانداما: «اعىلشىن ءتىلى ساباعىندا ويىن تەحنولوگياسىن پايدالانۋ.»
