InfoHub Logo

استانا قازاقستىڭ باس قالاسى عانا ەمەس،سونىمەن قاتار، ونەر مەن ءبىلىمنىڭ،وركەنيەت پەن جاڭاشىلدىقتىڭ ۇيىتقىسى، وسى جولدا وسكەلەڭ ۇرپاقتى شىڭداي تۇسەتىن شىرايلى ورتالىق دەسەك تە ارتىق ايتقاندىق ەمەس. باسقانى قايدام، ءوز باسىم بۇعان جۋىردا عانا ەلوردادا بولعان ساپارىمدا كوز جەتكىزدىم. بۇل ساپار  ارمان قالانى كوزبەن كورىپ، ەرەكشە سەزىمگە بولەنۋىمە سەبەپ بولدى. تەلەديداردان، گازەت-جۋرنالداردان ەستىپ-بىلگەنىم بولماسا، بۇل مەنىڭ استانا قالاسىن العاشقى رەت كورۋىم ەدى.

قالا سۇلۋلىعى قاي ادامدى بولسىن تامساندىراتىنىنا كۇمانىم جوق. ويتكەنى، بۇل مەكەن كىمدى بولماسىن كەڭ جازيرا دالادا كوسىلىپ جاتقان كەمەل سۇلۋلىعىمەن، كۇمىس كولدەرىمەن، ەسىل، نۇرا سەكىلدى قىز بۇرىمىنداي تارقاتىلعان وزەندەرىمەن وزىنە تارتادى. سوندىقتان بولار، استانا مەن ءۇشىن ءارقاشان سالتاناتتىڭ قالاسى، تاسى ورگە دومالاپ تۇرعان جانداردىڭ مەكەنى بولىپ ەلەستەيدى.

قازىرگى تاڭدا استانامىز الەمدىك، ىسكەرلىك بايلانىستىڭ كۇرەتامىرىنا اينالىپ وتىر. جاقىن دا عانا بولىپ وتكەن الەمدىك كورمە سونى ايعاعى. ونىڭ ءوزى ەلباسىنىڭ سارابدال ساياساتى، كورەگەندىگى مەن كەمەڭگەر ويىنىڭ جەمىسى، ارمان-ماقساتى، حالقىنىڭ تاريحىنان ءنار العاندىعى شىعار. بۇگىندە استانامىز شاڭىراعى بيىككە كوتەرىلىپ، ۋىعى نىق قادالىپ، كەرەگەسى كەلىستى جايىلدى دەۋگە بولادى. نۇرسۇلتان نازاربايەۆ قازاقستاننىڭ ەۋرازيلىق ەل ەكەنىن، ونىڭ استاناسىنىڭ وراسان زور قوس قۇرلىقتىڭ وكپە تۇسىندا ورنالاسقانىن،دەمەك كەلەشەكتە قالانىڭ وسىناۋ ۇلان-عايىر كەڭىستىكتىڭ قۋاتتى جەلىلەرى توعىسقان تورابىنا، ءححى عاسىرداعى ەكونوميكالىق، تەحنولوگيالىق، اقپاراتتار تاسقىنىنىڭ ارناسىنا اينالاتىنىن اتاپ كورسەتكەن بولاتىن.

استانا — بولاشاقتىڭ قالاسى. مادەنيەتتىڭ وشاعى،عىلىم مەن ءبىلىمنىڭ ورداسى بولىپ تابىلاتىن سۇلۋ شاھار – بارشامىزدىڭ ارمان قالامىز. كوك بايراعى جەلبىرەگەن تاۋەلسىز ەلىمىزدىڭ ورداسى.

كەلەشەگىڭ جارقىن بولسىن، حالقىمنىڭ اق ورداسى،كوركەيىپ،بيىكتەردەن كورىنە بەرگەيسىڭ!

نۇرعالييەۆا ايكوركەم

---