كۇنىڭىز ءساتتى ءوتسىن!
ءيا، جاراتىلىس يەسى ءار كۇنىن ءوزى قالاعانداي باقىتتى ەتىپ وتكىزۋمەن الەك بولادى. تاڭەرتەن ۇيقىدان تۇرا سالىسىمەن، كۇيبەڭ تىرشىلىكتىڭ قامىنا كىرىسەدى. بۇل بىزگە ادەتتەگىدەي ۇيرەنشىكتى نارسە بولىپ كورىنگەنىمەن، ادام بالاسىنىڭ تەڭدەسى جوق ءبىر كۇنىنىڭ باستاماسى. كۇنىڭىزدىڭ شات-شادىمان، قۋانىشقا تولى بولۋى، ول ارينە سىزگە بايلانىستى. اينالاڭىزداعىلارعا جاقسى ەنەرگيا سىيلاپ، سەرگەك ءجۇرۋ اركىمنىڭ قولىنان كەلە بەرمەيدى. ەندەشە، كۇنىڭىز ءساتتى ءوتسىن دەسەڭىز ەڭ الدىمەن وز-وزىڭىزدەن باستاڭىز. بۇگىن نە ىستەمەكپىن؟ دەگەن سۇراقتىڭ جاۋابىن ىزدەۋ ارقىلى، سول جولدا كوتەرىڭكى كوڭىل-كۇيمەن ەرەكشە جوسپارمەن وتكىزىڭىز. بولماشى نارسەلەرگە نازار اۋدارماڭىز. جامان ادەتتەردەن اۋلاق بولىڭىز. بارىنشا ءوزىڭىز قالاعان ىسپەن اينالىسىڭىز. ول ءسىزدىڭ جان دۇنيەڭىزدى بايىتا تۇسپەك. سونىمەن قوسا، سپورتپەن اينالىسىپ، ءتان ساۋلىعىنا دا ەرەكشە كوڭىل ءبولىڭىز. سپورت — ادام دەنساۋلىعىنىڭ كەپىلى. بۇنىمەن عانا شەكتەلىپ قويماي، جان-جاعىڭىزداعىلارعا ءوز شۋاعىڭىزدى شاشىپ، وزگەلەردى دە باقىتقا بولەڭىز. «بۇل مەن ءۇشىن قيىن» دەگەن سىلتاۋدى ىسىرىپ قويىپ، بار ەرىك جىگەرىڭىزدى جۇمساڭىز. باستىسى ءسىز ءوز ءومىرىڭىزدىڭ ارلەۋشىسىز. ونى ءماندى، ءساندى ەتىپ وتكىزۋ ءوز قولىڭىزدا. باقىتتى ءومىر دەگەن بولمايدى، باقىتتى ساتتەر عانا بولماق.
نۇرعالي قىزى ايكوركەم
You Might Also Like
-
بۇگىندە ءبىلىم ىزدەگەن جاستار ءۇشىن جول ايقارا اشىق. ەلىمىزدە ازاماتتاردىڭ ساپالى ءبىلىم الىپ، بىلىكتى ماماندار قاتارىن تولىقتىرۋى ءۇشىن بارلىق مۇمكىندىكتەر قاراستىرىلعان. ءتىپتى، الەمنىڭ ۇزدىك جو...
