ەڭ ەجەلگى شاي يمپەراتوردىڭ قابىرىنەن تابىلعان
قىتايدىڭ حان ديناستياسىنىڭ التىنشى يمپەراتورىنىڭ قابىرىنەن تابىلعان شايدى الەمدەگى ەڭ ەجەلگى شاي دەپ ساناۋعا بولادى. جاپىراقتارىنىڭ جاسى شامامەن 2150 جىلدى قۇرايدى.
بۇل جاڭالىقتى ب.ز.د. 156-141 جىلدارى ءومىر سۇرگەن سزين-دي يمپەراتورىنىڭ ءقابىرىن زەرتتەۋ بارىسىندا جۇڭگو عىلىم اكادەمياسىنىڭ عالىمدارى اشقان. جۇڭگو تاريحىندا ول دەربەس ەلدى باسقارىپ وتىرعان كنيازدەردىڭ قۇقىعىن شەكتەۋ ارقىلى ورتالىق بيلىكتى نىعايتقان مىقتى قولباسشى رەتىندە ەستە قالعان. وعان قوسا سزين-دي سالىقتاردى قىسقارتىپ، قىلمىستىق ىستەرگە تاعىلاتىن ايىپتاردى جەڭىلدەتكەن. حان ديناستياسىنىڭ التىنشى يمپەراتورىنىڭ جولى ساياسي شىتىرماندار مەن ساتقىندىققا تولى بولعانىمەن – ول بيلىك جۇرگىزگەن جىلدار جۇڭگو تاريحىنىڭ التىن كەزەڭى بولىپ سانالادى.
اڭىزعا اينالعان يمپەراتوردىڭ ءقابىرى 1990 جىلدارى شەنسي پروۆينسياسىنىڭ يانلين وڭىرىندە تابىلدى، الايدا عالىمدار ءقابىردى ءالى كۇنگە دەيىن زەرتتەپ جاتىر. قابىردە تابىلعان ورگانيكالىق زاتتاردىڭ قالدىقتارىنان جاسالعان اناليزدەر وندا جوعارى سۇرىپتى شاي جاپىراقتارىنىڭ بولعانىن انىقتادى. بۇعان دەيىن الەمنىڭ ەشبىر قابىرىندە شاي تابىلماعان.
سۇيىكتى سۋسىنىمەن قاتار، يمپەراتور و دۇنيەگە تارى مەن ساۋمالدىقتىڭ داندەرىن الا كەتكەن. بۇدان وزگە، ءقابىر كەشەنى كوپتەگەن ءتۇرلى زاتتاردان تۇردى: شىنايى مولشەردەگى ەكى اياقتى كۇيمە اربا مەن ساربازاردىڭ كىشكەنتاي سۇلبالارىنا دەيىن. ولاردىڭ كەيبىرى ءقازىر مۋزەيگە قويىلدى.
You Might Also Like
-
استانا. قازاقپارات - بۇگىن پارلامەنت سەناتىنىڭ جالپى وتىرىسىندا پالاتا دەپۋتاتتارى «ءبىلىم بەرۋ سالاسىنداعى كەمسىتۋشىلىككە قارسى كۇرەس تۋرالى كونۆەنسيانى راتيفيكاسيالاۋ تۋرالى» ق ر زاڭىن ...
-
الماتىدا و. جاۋتىكوۆ اتىنداعى دارىندى بالالارعا ارنالعان رەسپۋبليكالىق مامانداندىرىلعان فيزيكا-ماتەماتيكالىق ورتا مەكتەپ-ينتەرناتتىڭ بازاسىندا ماتەماتيكا، فيزيكا جانە ينفورماتيكا پاندەرىن...
