جول ەرەجەسىن بۇزعان الماتىلىقتار مەملەكەتكە 12 ملرد. تەڭگە قارىز
جول ەرەجەسىن بۇزعان الماتىلىقتار مەملەكەتكە 12 ملرد. تەڭگە بەرەشەك. مۇنداي اقپاراتتى قالالىق پوليسيا جاريالادى.
قالالىق ءىىد اكىمشىلىك پوليسيا باسقارماسىنىڭ اكىمشىلىك پراكتيكا ءبولىمىنىڭ مالىمەتىنشە، جىل بويى 332 مىڭ 310 جول ەرەجەسىن بۇزۋ دەرەگى تىركەلگەن.
291 مىڭ جۇرگىزۋشىگە سالىنعان ايىپپۇل كولەمى 2 ملرد 513 مىڭ تەڭگەگە جەتتى.
«كوپتەگەن جۇرگىزۋشىلەر ايىپپۇلدى 30 كۇنتىزبەلىك كۇندە تولەمەيدى. ونى سوت ارقىلى وندىرۋگە ءماجبۇرمىز. وتكەن جىلى سوتقا 152 مىڭ ءىس جىبەرىلىپ، 1 ملرد 950 ملن تەڭگە مەملەكەت پايداسىنا ءوندىرىلدى»، – دەدى اكىمشىلىك پوليسيا باسقارماسى باسشىسىنىڭ ورىنباسارى جاندوس مۇراتالييەۆ.
ال، اۆتوماتتى باقىلاۋ جۇيەسىنە ءتۇسىپ قالعان جۇرگىزۋشىلەردىڭ سانى ودان دا ارتىق. بەينەباقىلاۋ جۇيەسى 614 مىڭ 880 ەرەجە بۇزۋ دەرەگىن تىركەگەن.
جۇرگىزۋشىلەردىڭ مەملەكەتكە بەرەشەگى 10 ملرد 914 ملن تەڭگە بولدى. ونىڭ 4 ملرد 689 ملن تەڭگەسى وتەلسە، قالعانى ءماجبۇرلى تولەۋگە جىبەرىلدى.
You Might Also Like
-
جاۋاپتار 5 باللدىق جۇيەمەن ەسەپتەلەدى. تەك شىن جاۋاپ بەرۋىڭىز قاجەت، سەبەبى، ءسىز ءۇشىن ماڭىزدى:
-
الماتى. قازاقپارات - قازاقستاندا ءبىلىم بەرۋ باعدارلامالارى كاسىبي ستاندارتتارعا نەگىزدەلۋى ءتيىس. بۇل تۋرالى بۇگىن الماتىدا ءال-فارابي اتىنداعى قازاق ۇلتتىق ۋنيۆەرسيتەتىندە «ءبىلىم بەرۋ باعدارلا...
