InfoHub Logo

الماتىدا و. جاۋتىكوۆ اتىنداعى دارىندى بالالارعا ارنالعان رەسپۋبليكالىق مامانداندىرىلعان فيزيكا-ماتەماتيكالىق ورتا مەكتەپ-ينتەرناتتىڭ بازاسىندا ماتەماتيكا، فيزيكا جانە ينفورماتيكا پاندەرىنەن جاۋتىكوۆ اتىنداعى XI حالىقارالىق وليمپيادا ءوتىپ جاتىر.

وليمپيادادا جەتى ادامنان تۇراتىن ەكى كوماندا استانانىڭ نامىسىن قورعاۋدا، دەپ جازادى ەلوردا اكىمدىگىنىڭ رەسمي سايتى. كومانداعا ەلوردالىق دارىندى بالالارعا ارنالعان قازاق-تۇرىك ليسەيىنىڭ جانە دارىندى بالالارعا ارنالعان «زەردە» مەكتەبىنىڭ وقۋشىلارى كىردى. وليمپيادا ەرەجەسىنە سايكەس ءار كوماندادا ەكى ادام ماتەماتيكالىق تاپسىرمالاردى جانە ءۇش ادام فيزيكا مەن ينفورماتيكا سالاسىنداعى تاپسىرمالاردى شەشەدى.

وليمپياداعا الەمنىڭ 15 مەملەكەتىنەن 60 جۋىق كوماندا (400 جۋىق قاتىسۋشى) جينالدى. اتاپ ايتقاندا، قازاقستان، رەسەي، ۋكراينا، بەلارۋس، ازەربايجان، ارمەنيا، گرۋزيا، قىرعىزستان، تاجىكستان، تۇركمەنستان، وزبەكستان، بولگاريا، رۋمىنيا، سەربيا جانە مونعوليا. حالىقارالىق قازىلار القاسىنىڭ قۇرامىنا 9 ەلدىڭ عالىمدارى ەندى: قازاقستان، رەسەي، بولگاريا، ازەربايجان، ارمەنيا، گرۋزيا، بەلارۋس، ۋكراينا جانە وزبەكستان. قازىلار القاسىنىڭ ءتوراعاسى - ءال فارابي اتىنداعى قازاق ۇلتتىق ۋنيۆەرسيتەتىنىڭ رەكتورى مۇتانوۆ عالىمقايىر.

ايتا كەتەيىك، وتكەن جىلى ەلوردالىق وقۋشىلار ەكى كۇمىس جانە ەكى قولا مەدالعا قول جەتكىزدى.

جاۋتىكوۆ اتىنداعى حالىقارالىق وليمپيادا - تاياۋ جانە قيىر شەتەلدىڭ ۇزدىك مامانداندىرىلعان مەكتەپتەرىنىڭ ۇزدىك كوماندالارىنىڭ رەيتينگىن جانە جەكە رەيتينگ شىعارىلاتىن جىل سايىن ءبىر مەكتەپتىڭ بازاسىندا وتكىزىلەتىن بىرەگەي وليمپيادا. جەڭىمپاز كوماندا گران-پري يەلەنەدى، وليمپيادا جەڭىمپازدارى مەن جۇلدەگەرلەرىنە باعالى سىيلىقتار تابىستالادى. 

---