ەرلان ساعادييەۆ اتا-انالاردىڭ قانشا پايىزى مەكتەپ جينالىسىنا باراتىندىعىن جاريا ەتتى
ق ر ءبىلىم جانە عىلىم ءمينيسترى ەرلان ساعادييەۆ اتا-انالاردىڭ قانشا پايىزى مەكتەپ جينالىسىنا باراتىندىعىن جاريا ەتتى.
اتاپ ايتقاندا، «نۇر وتان» پارتياسىنىڭ رەسپۋبليكالىق قابىلداۋ بولمەسىندە مينيستر ازاماتتاردى جەكە قابىلدادى. وندا «اكەلەر وداعى» قوعامدىق بىرلەستىگىنىڭ ءتوراعاسى قۋانىش جۇماتايەۆ اكەلەردى مەكتەپتەر جانىنداعى قامقورشىلىق كەڭەستەرىنە قوسۋ باستاماسىن كوتەردى.
«وداق باسشىسى تۇرعىسىندا عانا ەمەس، سونىمەن قاتار ەڭ باستىسى اكە رەتىندە دە بالامنىڭ مەكتەپتەگى ومىرىنە بەلسەندى ارالاسقىم كەلەدى. ونىڭ وقۋ ۇلگەرىمىن باقىلاپ، مۇعالىمدەر مەن ديرەكتورلاردى ىرىكتەۋ شارالارىنا قاتىسۋعا، وقۋشىلاردىڭ بوس ۋاقىتىندا اينالىساتىن شارالارىن ۇيىمداستىرۋعا مۇددەلىمىن»، - دەدى جۇماتايەۆ.
ءوز كەزەگىندە ە. ساعادييەۆ «اكەلەر» ءوتىنىشى قولداۋعا لايىقتى باستاما ەكەنىن ايتا كەلە، بۇل يدەيا مۇعالىمدەر مەن اتا-انالار قارىم-قاتىناسىن جاقسارتا تۇسەندىگىن جەتكىزدى.
«ق ر بعم مالىمەتىنە قاراعاندا، قازاقستانداعى اتا-انالاردىڭ تەك 10 پايىزى عانا مەكتەپتەگى جينالىسقا بارادى. مامىردىڭ اياعىنا قاراي ەلىمىز بويىنشا اتا-انالار جينالىسىنىڭ ءبىرىڭعاي كۇنىن ۇيىمداستىرۋدى ۇسىنامىن. وسى ورايدا باق-تا جاپپاي حابار تاراتۋ تۇرعىسىندا جۇمىس جۇرگىزۋ ءۇشىن ۇكىمەتكە ءتيىستى يدەيانى جەتكىزبەكپىن. اتا-انالار وقۋشىنىڭ ومىرىنە بەلسەندى تۇردە قاتىسقانى دۇرىس»،-دەپ اتاپ ءوتتى ۆەدومستۆو باسشىسى.
You Might Also Like
-
قاشاننان بەرى جاتقانى بەلگىسىز، بالاۋىزدىڭ سورەدە جاتقانىنا كوپ بولدى. ەشكىم ونى كەرەك ەتپەيدى. جارقىراعان ەلەكتر جارىعى بار. ءبىراق، بالاۋىز ەشقاشان دا ءۇمىتىن ۇزگەن ەمەس. وسى ۇيدەگى ادامداردىڭ ءتىرش...
-
اقتوبە قالاسى نوۆىي ورتا مەكتەبى 2 كلاسس وقۋشىسى رازاقوۆا جاننۋر جەتەكشىسى: سارمانتايەۆا اينۋر بەرديبەكوۆنا
