1 % ەرەجەسى: نەگە بىرەۋلەر بارىنە يە بولادى، ال باسقالار قۇر قول قالادى؟
10 ەسە باي ءارى تابىستى بولۋ ءۇشىن 10 ەسە ارتىق جۇمىس ىستەپ، تۇمسىقتان تىرەلۋدىڭ كەرەگى جوق. بار بولعانى 1% ەرەجەسىن قولدانىڭىز، — دەپ كەڭەس بەرەدى ايگىلى بلوگەر دجەيمس كلير.
دجەيمس كلير
امەريكالىق بلوگەر، كاسىپكەر جانە سپورتشى. ءىس ارەكەت، داعدىنىڭ قالىپتاسۋى جانە ءوزىن-وزى جەتىلدىرۋ پسيحولوگياسى تۋرالى جازادى.
شوعىرلانۋ كۇشىنىڭ ارتىقشىلىعى
قاتار ءوسىپ تۇرعان ەكى اعاشتى ەلەستەتىڭىزشى. ولار كۇن سايىن كۇن نۇرى مەن ىلعال ءۇشىن تالاسادى. ەگەر ءبىر اعاش ەكىنشىسىنە قاراعاندا ءسال جىلدامىراق وسسە وندا ول كۇندى دە، جاڭبىردى دا كوپ الادى. كەلەسى كۇنى وسى العان قوسىمشا قۋاتى ارقىلى ول تاعى دا بيىكتەيدى. ۋاقىت وتە كەلە ول ەكىنشى اعاشتى تاسادا قالدىرىپ، كۇن نۇرىن دا، توپىراقتىڭ قۇنارىن دا مولىنان الاتىن بولادى. مۇنداي اعاشتىڭ جەمىسى دە كوپ بولادى. دەمەك، وسى اعاش ءتۇرىنىڭ كەلەسى ۇرپاقتارى دا ۇلكەن-ۇلكەن بولادى. بۇل ءۇردىس ءاۋ باستا باسەكەلەسىنەن ءسال عانا جاقسى بولعان اعاش بۇكىل ورماننىڭ جارتىسىنا جايىلعانشا جالعاسا بەرەدى.
كىشكەنتاي عانا ارتىقشىلىقتىڭ ۋاقىت وتە كەلە ارتۋىن عالىمدار شوعىرلانۋ ارتىقشىلىعى دەپ اتايدى.
جەڭىمپاز بارىنە يە بولادى
ادامدارمەن سولاي بولادى. ورمانداعى اعاش سياقتى ءبىز ادەتتە ءبىر نارسە ءۇشىن باسەكەلەسەمىز. ساياساتكەرلەر سايلاۋشىلاردىڭ داۋىسى ءۇشىن جارىسادى، جازۋشىلار – بەستسەللەرلەر تىزىمىندەگى ورىن ءۇشىن، سپورتشىلار – التىن القا ءۇشىن، كومپانيالار – الەۋەتتى كليەنتتەر ءۇشىن، تەلەارنالار – ءبىزدىڭ نازارىمىز بەن ۋاقىت ءۇشىن تالاسقا تۇسەدى. قايتارىم كەزىندەگى از عانا ايىرماشىلىقتىڭ ءوزى ەسەپسىز سىيعا كەنەلتەتىن اسەردى «جەڭىمپاز بارىنە يە بولادى» اسەرى دەپ اتايدى.
100 % ماراپاتقا يە بولۋ ءۇشىن بار بولعانى ءبىر پايىزعا، ءبىر سەكۋندقا، ءبىر تەڭگەگە ارتىقشىلىق بەرۋ جەتكىلىكتى.
شەكتەلگەن رەسۋرستارعا، مىسالى اقشا مەن ۋاقىتقا، بايلانىستى كەز-كەلگەن شەشىم تابيعي تۇردە جەڭىمپازدىڭ بارىنە يە بولۋىنا اكەلەدى.
جەڭىمپاز كوپ بولىككە يە بولادى.
جەكە جارىستىرعا ءتان «جەڭىمپاز بارىنە يە بولادى» اسەرى ءومىردىڭ باسقا سالالارىندا «جەڭىمپاز كوپ بولىككە يە بولادى» دەگەن اسەردىڭ پايدا بولۋىنا اكەلەدى.
پايدالى جاعدايعا (التىن مەدال الۋ نەمەسە ديرەكتوردىڭ ورنىنا وتىرۋ) تاپ بولعان جەڭىمپاز تاعى دا جەڭىستەرگە جەتۋگە كومەكتەسەتىن ارتىقشىلىقتاردى جيناي باستايدى. باستاپقىدا ءسال ساعان سەرپىلىس بولعان نارسە ەندى ۇلكەيىپ 20/80 ەرەجەسىنە اينالادى.
بىرنارسەدەگى جەڭىس ەكىنشى نارسەدەگى جەڭىستىڭ مۇمكىندىگىن ارتتىرادى. ال قالعان جەڭىستىڭ ءبارى جەڭىمپازدىڭ جاعدايىن جاقسارتا تۇسەدى.
ۋاقىت وتە كەلە ماراپات پەن ارتىقشىلىقتىڭ ءبارى باستاپقىدا باسەكەلەستەرىنەن از عانا ارتىقشىلىققا يە بولعان ادامعا تيەسەلى بولادى. ال ءسال عانا ارتتا قالعاندا قۇر قول قالادى. بۇل قاعيدا ماتفەي اسەرى دەپ تە اتالادى.
ال ەندى ماقالا باسىندا قويىلعان سۇراققا كەلەيىك. نەلىكتەن كەيبىر ادامدار مەن ۇيىمدار عانا ارتىقشىلىقتار مەن جاقسىلىقتاردىڭ كوپ بولىگىنە يە بولادى؟
ءبىر پايىز ەرەجەسى
جۇمىستاعى از عانا ايىرماشىلىقتىڭ ءوزى ۋاقىت وتە كەلە ارتىقشىلىقتاردىڭ تەڭدەي بولىنبەۋىنە الىپ كەلۋى مۇمكىن. سول سەبەپتى دۇرىس داعدىلار وتە ماڭىزدى بولىپ كەلەدى.
باسەكەلەسىڭىزدەن 1% عانا ارتىق بولساڭىز بولعانى. ەگەر وسىنى بۇگىن، ەرتەڭ، كۇن سايىن ارتتىرىپ وتىرساڭىز، سول ارتىقشىلىقتىڭ ارقاسىندا جەڭىسكە جەتەتىن بولاسىز. جانە ءاربىر جەڭىس جاقسى ناتيجەلەردىڭ باستاۋى بولا بەرمەك.
1% ەرەجەسى دەگەنىمىز وسى. ەكى ەسە ارتىق الۋ ءۇشىن ەكى ەسە ارتىق بولۋدىڭ كەرەگى جوق. تەك 1% ارتىق بولساڭىز بولعانى.
You Might Also Like
-
سانداعان جىلدار بويى كەڭەستىك كەزەڭنىڭ شىلتەرلى شىمىلدىعى وسكەلەڭ ۇرپاقتىڭ كوزىنەن تاسا، ساناسىنان اۋلاق ۇستاۋعا تىرىسقان. شاكارىم قۇدايبەردى ۇلىنىڭ ەسىمى ادەبيەت الەمىنە قايتا ورالۋى، ونىڭ شىعارماش...
