ەسسە جانە ولەڭ-جىر بايقاۋىنىڭ العاشقى جەڭىمپازى انىقتالدى!
شىعارماشىل جاستاردىڭ ونەرىن قولداۋ ماقساتىندا باستالعان قالامگەرلەر سايىسىنىڭ العاشقى جەڭىمپازى انىقتالدى. بايقاۋدىڭ باستالعانىنا ساناۋلى كۇندەر بولسا دا، قالامىن سەرىك ەتكەن دارىندى جاستارىمىزدىڭ شىعارمالارى كۇننەن كۇنگە ارتا تۇسۋدە.
بايقاۋ ەركىن تاقىرىپتا قالام تەربەۋگە مۇمكىندىك بەرگەندىكتەن، ءقازىردىڭ وزىندە قاتىسۋشىلاردىڭ ىشىنەن وق بويى وزا شاپقان اۆتوردى انىقتاۋ وڭايعا تۇسپەي وتىر.
سونىمەن، سايىستىڭ العاشقى اپتاسىنىڭ جەڭىمپازى «اكەگە ساعىنىش» اتتى شىعارمانىڭ اۆتورى ماحاببات سامرات bilimland.kz سايتىنان powerbank ۇتىپ الدى.
اتالعان ولەڭدە بويجەتكەننىڭ اسقار تاۋداي اكەگە دەگەن ساعىنىشى، نازىك ماحابباتى كوركەم ورنەكتەلگەن. ال شىعارما سوڭىنداعى اكەگە بەرىلگەن "انت"، جاس قالامگەردى جاڭا ءومىر بەلەستەرىنە شىعارىپ، ءومىر سىنىقتارىنان ساعى سىنباي وتۋىنە كۇش-جىگەر بەرەدى دەگەن سەنىمدەمىز.
ايتا كەتەيىك، ماحاببات سامرات ەسىمدى ارۋ، اتالعان بايقاۋعا ءبىر ەمەس، بىرنەشە شىعارماسىن ۇسىنىپ وتىر. اۆتوردىڭ «بايقادىڭ با؟»، «سەن – شابىت، مەن – ولەڭ»، «سەن بە ەدىڭ؟» اتتى تۋىندىلارى دا نازاردان تىس قالمادى.
ءبىرىنشى اپتا قورىتىندىسى بويىنشا ۇزدىك دەپ تانىلعان تۋىندىنى نازارلارىڭىزعا ۇسىنامىز:
اكەگە ساعىنىش
كەۋدەم وكىنىشكە تولى، بىلەمىن،
الايدا كوندىگە الماي كەلەمىن.
ساعىنىشپەن وتكەن ءار كۇنىمدە،
اكەتاي سىزگە ولەڭ جازىپ جۇرەمىن.
جانارلاردان ۇزىلمەي جاس تامادى،
مەن بىلسەم، انام دا وتىر جىلاپ تاعى.
امال نەشىك، ءاردايىم پانا بولعان،
اكەتايىم – اسقار تاۋىم قۇلادى.
ساعىنعاندا قارايمىن سۋرەتىڭە،
اكەتاي جۇك ءتۇسىردىڭ جۇرەگىمە.
ءوسىرىپ جەتكىزگەن بالا - شاعاڭنىڭ،
قىزىعىن كورۋ ءۇشىن جۇرمەدىڭ نەگە؟
انت ەتەمىن، كوككە ورلەيدى سۇڭقارىڭ،
جەلدەي جىلدام ەسەر ءالى تۇلپارىڭ.
كوپ جىلعى ەڭبەگىڭ زايا كەتپەيدى،
اكەتاي سونبەيدى سەنىڭ شىراعىڭ.
(اۆتوردىڭ ورفوگرافياسى مەن پۋنكتۋاسياسى ساقتالعان)
العاشقى جەڭىمپازدى قۇتتىقتايمىز!
سىيلىقتى الۋ ءۇشىن bilimland.kz سايتىمەن بايلانىسۋىڭىزدى سۇرايمىز!
ەسكە سالايىق، bilim-all.kz جانە bilimland.kz سايتتارى جاس قالامگەرلەر اراسىندا سايىس جاريالاعان بولاتىن. بارلىق تالاپتارمەن قالامگەرلەر سايىسى سىلتەمەسى ارقىلى تانىسا الاسىز.
You Might Also Like
-
بۇرىنعى وتكەن زاماندا بۇلناي دەيتىن ەلدىڭ ءبىر پاتشاسى بولىپتى. پاتشانىڭ ءۇش ۇلى بار ەكەن. كارتەيگەن شاعىندا بالالارىنا جول كورسەتىپ جەر تانىتپاقشى بولادى ەكەن.
-
«ەل بولۋعا ءوزىنىڭ ءتىلى، ءدىنى، سالتى مەن ادەبيەتى-مادەنيەتى بار ەل عانا تۇعىرلى بولا الاتىندىعىن ءبىز ۇمىتپاۋعا ءتيىسپىز.» -دەگەن ا.بايتۇرسىن ۇلى. تانىمدىق بەلسەندىلىكتى ارتتىرىپ، ءوز ...
