InfoHub Logo

ءبىلىم بەرۋدىڭ «بيواقپاراتتاندىرۋ جانە سينەرگەتيكا» تەحنولوگياسىنىڭ «الگوريتم» كارتاسىمەن قازاق تىلىنەن جۇرگىزىلگەن ساباق ۇلگىسى

ساباقتىڭ تاقىرىبى: ەتىستىك
ساباقتىڭ ماقساتتارى: 1. وقۋشىلاردىڭ ەتىستىك تۋرالى بىلىمدەرىن كەڭەيتۋ.
دارا، كۇردەلى ەتىستىكتەردى اجىراتا بىلۋگە، ەتىستىكتىڭ سويلەمدەگى سوزدەرمەن بايلانىسىن انىقتاپ، سىزبامەن كورسەتە ءبىلۋدى مەڭگەرتۋ.
2. زەيىنىن، ويلاۋ جىلدامدىعىن، ەستە ساقتاۋ قابىلەتتەرىن دامىتۋ.
3. ۇجىمداعى اۋىزبىرشىلىككە، ىنتىماققا تاربيەلەۋ.
ساباقتىڭ ءتيپى: جاڭا ءبىلىمدى مەڭگەرتۋ
ساباقتىڭ ءادىسى:«الگوريتم» كارتاسى
تەحنولوگيا ءتۇرى: « بجس»
ساباقتىڭ كورنەكىلىكتەرى: ءواجا سىزباسى، تكش، اكش، جكش تاپسىرمالارى
تەحنيكالىق قۇرال: ينتەراكتيۆتى تاقتا.
ساباقتىڭ بارىسى: 1. ۇيىمداستىرۋ
2. ارنايى سوزدىك الۋ. ۋاقىتى 5 مينۋت
3. وقۋشىلار حورمەن
انا ءتىلىڭ – ارىڭ بۇل
ۇياتىڭ بوپ تۇر بەتتە
وزگە ءتىلدىڭ ءبارىن ءبىل
ءوز ءتىلىڭدى قۇرمەتتە!
قادىر مىرزا ءالي اعامىزدىڭ ولەڭىنەن ءۇزىندى وقىدىق. بالالار، ءتىلىمىزدىڭ وتكەنى، بۇگىنى، بولاشاعى تۋرالى بىلگىمىز كەلە مە؟ ەندەشە تىلدەر پاتشالىعىنا ساياحاتقا شىعايىق.
الدىمەن جاڭا ساباعىمىزدى مەڭگەرىپ الايىق. بۇگىنگى جاڭا تاقىرىبىمىز «ەتىستىك» دەپ اتالادى.
3. جاڭا ساباق
ءواجا سىزباسى ارقىلى جاڭا ساباق تۇسىندىرىلەدى

1. ادام تاربيەنى ءتىل ارقىلى الادى
2. حالىق مۇراسى ۇرپاقتان - ۇرپاققا ءتىل ارقىلى اۋىسىپ وتىرادى.
3. ءبىز انا ءتىلىمىزدى سۇيەمىز.

1. ءتۇسىندىرۋ
جاڭا ساباقتى ءواجا سىزباسى ارقىلى قانشا ۋاقىت تۇسىندىرگەندىگى انىقتالىپ، تاقتاعا جازىلادى.
تىلدەر پاتشالىعىنا بارعاندا الدىمىزدان 3 قاقپا كەزدەسەدى. ءار قاقپا اشىلۋ ءۇشىن تاپسىرمالار ورىندايمىز. 1 - قاقپا «بايقاۋ» دەپ اتالادى. «بايقاۋ» قاقپاسىنىڭ تاپسىرمالارىن ورىنداساق، قاقپا اشىلادى.
وقۋشىلار داپتەردىڭ وڭ جاعىنا «بايقاۋ» دەپ جازىپ قويادى. بارلىعى مۇعالىممەن بىردەي 1 شاپالاق سوعادى. شاپالاق بىردەي شىقپاسا، قايتا سوعىلادى.
1 - تاپسىرما بەرىلەدى.
تكش
ءتىل ادامدى جاقسى دا، جاعىمسىز دا كورسەتەدى.
(ەتىستىكتى تاۋىپ، استىن سىز.)
ا ك ش
جىلى ءسوز جانىڭدى جادىراتادى.
(ەتىستىكتى تاۋىپ، استىن سىز. دارا، كۇردەلىلىگىن اجىرات.)
ج ك ش
جۇيەلى ءسوز جۇرەككە جەتەدى.
(ەتىستىكتى تاۋىپ، استىن سىز. دارا، كۇردەلىلىگىن اجىرات. ەتىستىكتىڭ سويلەمدەگى سوزدەرمەن بايلانىسىن سىزبامەن كورسەت.)
ءار كۇردەلىلىك شەكتىڭ جاۋابىن ءمۇعالىم رەتىمەن جازادى، وقۋشىلار جۇپتىق تەكسەرۋ ارقىلى ءبىر - ءبىرىن تەكسەرەدى. ءار كۇردەلىلىك شەكتەگى تاپسىرمالاردىڭ ورىندالۋ ساپاسىنىڭ پايىزىن ءمۇعالىم شىعارىپ، 63% سالىستىرىپ، تاقتاعا جازادى.
«بايقاۋ» قاقپاسىنىڭ تاپسىرمالارىن ورىندادىق. ءبىزدىڭ الدىمىزدان ءتىلىمىزدىڭ وتكەنى تۋرالى ماعلۇماتتار جازىلىپ تۇر. ەندەشە، وقيىق.
قازاق ءتىلىنىڭ تاريحى سوناۋ 5 – 6- عاسىرلاردان باستالادى. ءبىزدىڭ ەلىمىز ۇزاق جىلدار بويى رەسەيلىك كەڭەس يمپەرياسىنىڭ بودانى بولدى. سوعان سايكەس قازاق ءتىلى مەملەكەتتىك ءتىل دارەجەسىنەن ايىرىلىپ، ونىڭ ورنىن بارلىق جەردە ورىس ءتىلى باستى.
تىلىمىزگە جويىلۋ ءقاۋپى ءتوندى. ەلىمىز تاۋەلسىزدىك العاننان كەيىن قازاق ءتىلى مەملەكەتتىك ءتىل بولىپ جاريالاندى.
2 – ءتۇسىندىرۋ. ءتۇسىندىرۋ ۋاقىتى تاقتاعا جازىلىپ قويىلادى.
ۋاقىتى: 1 - ءتۇسىندىرۋ ۋاقىتىنىڭ جارتىسىنا تەڭ بولۋى كەرەك
ءمۇعالىم وقۋشىلاردىڭ قاتە جىبەرگەن تۇستارىنا عانا توقتالادى.

كەلەسى قاقپا «بەكىتۋ» دەپ اتالادى.
«بەكىتۋ» قاقپاسىنىڭ تاپسىرمالارىن ورىنداساق، قاقپا اشىلادى.
وقۋشىلار داپتەردىڭ وڭ جاعىنا «بەكىتۋ» دەپ جازادى. ەكى شاپالاق سوعىلادى.«ەگەر - وندا» كەستەسى ارقىلى 2 - تاپسىرما بەرىلەدى:
ورىنداۋ ۋاقىتى: 5 وقۋشى 30 سەكۋند
ت ك ش
انا تىلىمدە ءبىلىم الامىن.
(ەتىستىكتى تاۋىپ، استىن سىز.)
ا ك ش
ءار ادام انا ءتىلىن ءبىلۋى كەرەك.
(ەتىستىكتى تاۋىپ، استىن سىز. دارا، كۇردەلىلىگىن اجىرات.)
ج ك ش
انا ءتىلىمىزدى قۇرمەتتەيىك!
(ەتىستىكتى تاۋىپ، استىن سىز. دارا، كۇردەلىلىگىن اجىرات. ەتىستىكتىڭ سويلەمدەگى سوزدەرمەن بايلانىسىن سىزبامەن كورسەت.)
ءار كۇردەلىلىك شەكتىڭ جاۋابىن ءمۇعالىم رەتىمەن جازادى، وقۋشىلار جۇپتىق تەكسەرۋ ارقىلى ءبىر - ءبىرىن تەكسەرەدى. ءار كۇردەلىلىك شەكتەگى تاپسىرمالاردىڭ ورىندالۋ ساپاسىنىڭ پايىزىن ءمۇعالىم شىعارىپ، 63% سالىستىرىپ، تاقتاعا جازادى.
«بەكىتۋ» قاقپاسىنىڭ تاپسىرمالارىن ورىندادىق. ءبىزدىڭ الدىمىزدان ءتىلىمىزدىڭ بۇگىنى تۋرالى ماعلۇماتتار جازىلىپ تۇر. ەندەشە، وقيىق.
قازاق ءتىلى - الەمدەگى التى مىڭعا جۋىق تىلدەردىڭ ىشىندەگى قولدانۋ ءورىسى جاعىنان جەتپىسىنشى ورىندا.
ال ءتىل بايلىعى مەن كوركەمدىگى، ورالىمدىعى جاعىنان العاشقى وندىقتار قاتارىنداعى ءتىل.
3 – ءتۇسىندىرۋ. ءتۇسىندىرۋ ۋاقىتى تاقتاعا جازىلىپ قويىلادى.
ۋاقىتى: 2 - ءتۇسىندىرۋ ۋاقىتىنىڭ جارتىسىنا تەڭ بولۋى كەرەك
ءمۇعالىم وقۋشىلاردىڭ قاتە جىبەرگەن تۇستارىنا عانا توقتالادى.
كەلەسى قاقپا «ەستە ساقتاۋ» دەپ اتالادى. «ەستە ساقتاۋ» قاقپاسىنىڭ تاپسىرمالارىن ورىنداساق، قاقپا اشىلادى.
وقۋشىلار داپتەردىڭ وڭ جاعىنا «ەستە ساقتاۋ» دەپ جازادى. ءۇش شاپالاق سوعىلادى.«ەگەر - وندا» كەستەسى ارقىلى 3 - تاپسىرما بەرىلەدى:
ورىنداۋ ۋاقىتى: 5 وقۋشى 30 سەكۋند
ت ك ش
تىلدەر پاتشالىعىنا ساياحات جاسادىق.
(ەتىستىكتى تاۋىپ، استىن سىز.)
ا ك ش
ءتىلىمىز وركەندەي بەرسىن!
(ەتىستىكتى تاۋىپ، استىن سىز. دارا، كۇردەلىلىگىن اجىرات.)
ج ك ش
ءتىل تاريحىن بىلدىك.
(ەتىستىكتى تاۋىپ، استىن سىز. دارا، كۇردەلىلىگىن اجىرات. ەتىستىكتىڭ سويلەمدەگى سوزدەرمەن بايلانىسىن سىزبامەن كورسەت.)

ءار كۇردەلىلىك شەكتىڭ جاۋابىن ءمۇعالىم رەتىمەن جازادى، وقۋشىلار جۇپتىق تەكسەرۋ ارقىلى ءبىر - ءبىرىن تەكسەرەدى. ءار كۇردەلىلىك شەكتەگى تاپسىرمالاردىڭ ورىندالۋ ساپاسىنىڭ پايىزىن ءمۇعالىم شىعارىپ، 63% سالىستىرىپ، تاقتاعا جازادى.
«ەستە ساقتاۋ» قاقپاسىنىڭ تاپسىرمالارىن ورىندادىق. ءبىزدىڭ الدىمىزدان ءتىلىمىزدىڭ ەرتەڭى تۋرالى ماعلۇماتتار جازىلىپ تۇر. ەندەشە، وقيىق.
- قازاق ءتىلى الەمگە تانىلادى.
- قۇرىلىم - قۇرىلىسى كەمەلدەنەدى. ونىڭ بولاشاعى جارقىن.
قازاقستاندى دامىعان وركەنيەتتى ەلۋ ەلدىڭ قاتارىنا ەنگىزەتىن ءبىزدىڭ بولاشاعىمىز – بۇگىنگى جاستار. ولاردىڭ مىندەتى – ەلىنىڭ نامىسىن قورعاپ، ونى الەمگە تانىتا ءبىلۋ. ءتىل بولاشاعى دا سەندەردىڭ قولدارىڭدا.

باعالاۋ.
9 تاپسىرما دۇرىس - «5»
7، 8 تاپسىرما دۇرىس - «4»
6 تاپسىرما دۇرىس - «3»