InfoHub Logo

سارى اۋرۋ – ۆيرۋستى گەپاتيت، اسىرەسە ۆ جانە س ءتۇرى قاتار جۇرگەندە – وتە ءقاۋىپتى جانە وكىنىشكە وراي، كەڭ تاراعان سىرقات. سوزىلمالى ناۋقاسقا شالدىعۋ ءقاۋپى وتە جوعارى. ۆ گەپاتيتىمەن اۋىرعانداردىڭ 20 پايىزىندا، س گەپاتيتىمەن اۋىرعانداردىڭ 20 پايىزىندا، س گەپاتيتىمەن اۋىرعانداردىڭ 80 پايىزدان كوبىندە سىرقات سوزىلمالى تۇرگە اۋىسادى، ال وسىدان باۋىردىڭ بەرىشتەنۋى جانە باۋىر وبىرى تۋۋى ىقتيمال. ءبىراق بۇل سىرقاتتاردىڭ الدىن الۋ ءوز قولىڭىزدا.

بەلگىلى ءبىر ىس-ارەكەت ءادىسىن ادەتكە اينالدىرىڭىز. ءسىزدىڭ ماقساتىڭىز – باۋىرعا زيان كەلتىرەتىن نارسەلەرگە جول بەرمەۋ.

• مۇمكىندىگىنشە، اسىرەسە العاشقى ايلاردا، كوبىرەك جاتۋعا تىرىسىڭىز: باۋىر ءۇشىن بۇل ەڭ ىڭعايلى، “سۇيىكتى” قالىپ؛
• شامادان ارتىق قوزعالماڭىز. اۋرۋحانادان شىققان سوڭ العاشقى 2-3 ايدا دەنە ەڭبەگىمەن، دەنە شىنىقتىرۋمەن اينالىسپاڭىز، اسىرەسە كەۋدەنى ەڭكەيتۋ زياندى؛
• سىزگە كۇن مەن ىستىقتان گورى سالقىن، كولەڭكە جەر جايلى؛
• 1-2 كيلوگرامنان ارتىق سالماق كوتەرمەڭىز؛
• قالىپقا كەلۋ كەزەڭىندە ءوزىڭىزدى ءتۇرلى ينفەكسيالاردان قورعاۋعا تىرىسىڭىز، ايتپەسە ينفەكسيا قوزدىرعىشتارى بولەتىن توكسيندەردى بەيتاراپتاندىرۋعا ءماجبۇر بولعان باۋىرعا قوسىمشا سالماق تۇسەدى.
• دارىگەر تاعايىنداعان اسا قاجەتتى دارىلەردى عانا ءىشىڭىز. دارى-دارمەكتىڭ كوبى باۋىر ارقىلى شىعادى، بۇل بولسا باۋىر ءۇشىن قوسىمشا جانە ايتارلىقتاي سالماق. ءتىپتى دارىلىك گەپاتيت دەگەن سىرقات بار – ول ءدارىنى شامادان ارتىق ىشۋدەن تۋادى.
• اۋرۋحانادان شىققان سوڭ كەمىندە ءبىر جىل كەز كەلگەن تۇردەگى ىشىمدىكتەن، سونىڭ ىشىندە سىرادان دا باس تارتىڭىز؛
• مىندەتتى تۇردە دارىلىك شوپتەر جيىنتىعىن ءىشىڭىز – ولار اعزانى تازارتادى، ۋلانۋدى جويادى. كەز كەلگەن ءدارىحانادا سىزگە بىرنەشە ءشوپ تۇرلەرىن ۇسىنادى – 20-عا جۋىق قابىنۋعا قارسى، ءزار ايداعىش، ءوت ايداعىش، تىنىشتاندىراتىن شوپتەر. ءبۇلاردىڭ 3-4 ءتۇرىن الىڭىز، ماسەلەن، جالبىز، اققايىڭ جاپىراعىن، وگەيشوپتى بىردەي مولشەردە الىڭىز، وراما سىرتىندا كورسەتىلگەندەي قايناعان سۋعا تۇندىرىپ، ارالاستىرىڭىز جانە تەرموسقا قۇيىڭىز. شاي سەكىلدى ءىشىڭىز، بالمەن ىشكەن جاقسى. ءبىر اپتادان سوڭ باسقا شوپتەر پايدالانىڭىز؛
• باۋىرعا سالماق سالماۋ ءۇشىن بەلگىلى ۋاقىتتا كۇنىنە 5-6 رەت از-ازداپ تاماقتانىڭىز.

ەندى ءسىز كۇندەلىكتى ءدامىڭىزدى تاڭداۋلى مەيرامحانادا سەكىلدى وتە مۇقيات قۇرۋعا ءتيىسسىز. تەك ازداعان وزگەشەلىك بار: مەيرامحانادا ءسىز ءدامدى تاعام الساڭىز، باۋىر ءۇشىن پايدالى تاعام تاڭداۋ كەرەك. بۇل ەكى تالاپ سايكەس كەلسە، تىپتەن جاقسى. مايسىز، قايناتىلعان نەمەسە بۋعا پىسىرىلگەن ەت پەن بالىق، ماكارون مەن جارمادان دايىندالعان تاعامدار، سارى ماي مەن وسىمدىك مايلارى، كوكونىستەر، قىشقىل ەمەس جەمىس-جيدەكتەر پايدالى. باۋىر اسىرەسە ءتۇرلى سۇزبەلەردى (كۇنىنە 200-300 گ) جانە تابيعي بالدى (كۇنىنە 100 گ) ۇناتادى، تەك بۇل كەزدە كۇندەلىكتى دامىڭىزگە باسقا تاتتىلەردى قوسپاڭىز. باۋىر ينجير، كۋراگا، مەيىز، باناندى، قارا ورىكتى دە جاقسى كورەدى. ال قىزىل جانە سارى كوكونىستەردى – قىزاناقتى، ءسابىزدى، اسقاباقتى، قىزىل بولگار بۇرىشىن شەكتەۋلى مولشەردە جەڭىز، ويتكەنى ولاردا كاروتين بار. ال باۋىر كاروتيننەن ا ءۆيتامينىن سينتەزدەيدى، بۇل بولسا – اۋرۋ اعزاعا قوسىمشا سالماق سالادى. بۇل ۆيتاميندەردىڭ قاجەتتى مولشەرىن ءدارىحانا ۆيتاميندەرىمەن قابىلداڭىز.

بارلىق قۋىرىلعان، مايلى، قاقتالعان، تۇزدالعان، مارينادتالعان تاعامدار، ساڭىراۋقۇلاقتار، سۋىق تاعامدار مەن سۋسىندار، دامدەۋىشتەر، پياز، سارىمساق، قىشا، جەلكەك، قالبىرلانعان تاعامدار، سونىڭ ىشىندە فابريكا دايىنداعان كومپوتتار، ىستىق توقاشتار، شوكولاد، سۋسىنداردان كوفە، گازدالعان سۋ، سۋ قوسىلماعان شىرىندار زياندى.

بۇل ەرەجەلەردى كەمىندە ءبىر جىل ساقتاڭىز. ال كەيدە اششى نەمەسە تۇزدالعان تاعام جەگىڭىز كەلسە، از-ازداپ قانا جانە 1-2 اپتادا ءبىر رەت، مىسالى، ءبىر ءتۇيىر تۇزدالعان بالىق جەۋگە بولادى.

كۇن ءتارتىبى قاتاڭ، ءبىراق سارى اۋرۋمەن اۋىرعان ادام ءۇشىن وتە پايدالى. تەك وسى كۇن ءتارتىبى عانا ۆيرۋسپەن كۇرەسىپ، السىرەگەن باۋىر قىزمەتىن قالپىنا كەلتىرۋگە مۇمكىندىك بەرەدى.

جاقىندارىڭىزعا زيان كەلتىرمەۋگە، ولارعا سارى اۋرۋ جۇقتىرماۋعا مىناداي قاراپايىم ەكى كەڭەس جاردەمدەسەدى:
*  ءسىزدىڭ جەكە زاتتارىڭىزدى – ءماۋىتىڭىزدى، ۇستاراڭىزدى، مانيكيۋرگە ارنالعان قۇرالدارىڭىزدى ۇيدەگى ادامداردىڭ ەشقايسىسى پايدالانباسىن؛
*  جىنىستىق قاتىناس كەزىندە پرەزەرۆاتيۆ قولدانىڭىز.

الايدا ۆ گەپاتيتىنەن ەڭ سەنىمدى قورعايتىن نارسە – ەگۋ. سىرقات نەمەسە ۆيرۋسى بار ادامنىڭ وتباسى مۇشەلەرىنىڭ بارلىعىن ەگۋ قاجەت. بۇل ءۇشىن ەمحاناعا بارىپ، ونى قايدا جاساتۋعا بولاتىنىن ءبىلىڭىز. ءقازىر دارىگەرلەردە ءتىپتى بالالاردىڭ ءوزى جاقسى كوتەرەتىن سەنىمدى جانە مۇقيات تازارتىلعان ۆاكسينالار بار.
دەنساۋلىعىڭىزدى كۇتىڭىز!

---