عالىمبايەۆا ايشا عاريف قىزى
عالىمبايەۆا ايشا عاريف قىزى (1917-2008) — كەسكىندەمەشى، كينوسۋرەتشى، قازاقستاننىڭ حالىق سۋرەتشىسى. قازاق ايەلدەرى اراسىنان شىققان تۇڭعىش كاسىپقوي سۋرەتشى. ول الماتى وبلىسى ەڭبەكشىقازاق اۋدانىنىڭ ەسىك اۋىلىندا دۇنيەگە كەلگەن.
1943 جىلى الماتى كوركەمسۋرەت ۋچيليششەسىن، 1949 جىلى ماسكەۋدەگى بۇكىلوداقتىق كينەماتوگرافيا ينستيتۋتىنىڭ ءسان جانە كوركەمسۋرەت ءبولىمىن بىتىرگەن.
عالىمبايەۆا شىعارماشىلىق قىزمەتىن «ماحاببات تۋرالى اڭىز»، «شاباندوز قىز» ت.ب. فيلمدەرگە ەسكيز جاساۋدان باستادى. ول ءار الۋان جانرلاردا جەمىستى ەڭبەك ەتتى. سۋرەتشى — «اياققالقان»، «جايلاۋ سوقپاعى»، «كونە كوزى»، «قوبىز»، «سارى الما»، «قىزىل اپورت» ت.ب. پەيزاجدار مەن ناتيۋرمورتتار جانە «باتىر انا»، «قازاقستان اندەرى»، «ەجەلگى كەراميكا»، «قوستاناي. التىن ءدان پيراميدالارى»، «بەيبىتشىلىك» تريپتيحى، «جەردىڭ سىيى»، «بەرەكە» ت.ب. شىعارمالاردىڭ اۆتورى. ونىڭ ساندىك-مونۋمەنتتىك سارىنداعى كومپوزيسيالارى دا كوپتەپ كەزدەسەدى.
عالىمبايەۆا وتاندىق پورترەت جانرىنىڭ شەبەرى رەتىندە دە بەلگىلى. ونىڭ «جازۋشى ع.ءمۇستافيننىڭ پورترەتى»، «ك.بايسەيىتوۆانىڭ پورترەتى»، «ۇلىمنىڭ پورترەتى» ت.ب. ەڭبەكتەرى بار.
ايشا عاريف قىزى — «قازاقتىڭ ۇلتتىق كيىمدەرى» البومىنىڭ اۆتورى. ول الماتى كوركەمسۋرەت ۋچيليششەسىندە جانە قازۇپۋ-دا ءدارىس بەردى.
ايشا عالىمبايەۆا — ءتۇرلى مەملەكەتتىك سىيلىقتاردىڭ، ەڭبەك قىزىل تۋ جانە «قۇرمەت بەلگىسى» وردەندەرى مەن مەدالداردىڭ يەگەرى.
You Might Also Like
-
الماتى وبلىسى كەربۇلاق اۋدانى التىنەمەل ورتا مەكتەبى مدشوكمم-سى 11 «ءا» سىنىپ وقۋشىسى سماعۇل ايدانا
-
جۇبانوۆا عازيزا احمەت قىزى (2.12.1927، اقتوبە وبلىسى، جۇرىن اۋدانى، جاڭاتۇرمىس اۋىلى، — 13.12.1993، الماتى قالاسى) — كومپوزيتور، قازكسر-ىنىڭ (1973) جانە كسرو (1981) حالىق ءارتيسى. 1949 جى...
