InfoHub Logo

جۇبانوۆا عازيزا احمەت قىزى (2.12.1927، اقتوبە وبلىسى، جۇرىن اۋدانى، جاڭاتۇرمىس اۋىلى، — 13.12.1993، الماتى قالاسى) — كومپوزيتور، قازكسر-ىنىڭ (1973) جانە كسرو (1981) حالىق ءارتيسى. 1949 جىلى گنەسيندەر  اتىنداعى مۋزىاكلىق ۋچيليششەنى (موسكۆا قالاسى)، 1954 جىلى موسكۆا مەملەكەتتىك كونسەرۆاتورياسىن (يۋ.ا.ءشاپوريننىڭ كومپوزيسيا كلاسى بويىنشا)، ال 1957 جىلى اسپيرانتۋراسىن ءبىتىردى. 1958 جىلدان الماتى مەملەكەتتىك كونسەرۆاتورياسىندا ۇستازدىق ەتەدى؛ 1975-87 جىلدارى وسى كونسەرۆاتوريانىڭ رەكتورى (1978 جىلدان پروفەسسور). 1962-68 جىلدارى قازاقستان كومپوزيتورلار وداعى باسقارماسىنىڭ ءتوراعاسى. 1974 جىلدان كسرو كومپوزيتورلار وداعى باسقارماسىنىڭ حاتشىسى بولعان. جۇبانوۆانىڭ شىعارماشىلىعىنا اكەسى ا. ق. جۇبانوۆ زور ىقپال ەتتى. ونىڭ اياقتالماي قالعان "قۇرمانعازى" راديو-وپەراسىن (1970) جۇبانوۆا ءبىتىردى. ول "ەڭلىك — كەبەك" (1975)، "جيىرما سەگىز" (1981) وپەرالارىنىڭ؛ "اققۇس تۋرالى اڭىز" بالەتىنىڭ (1966؛ قازكسر-ى مەملەكەتتىك سىيلىعى، 1970)؛ "جىگەر" (1971) سيمفونيالىق پوەماسىنىڭ؛ "مۇحتار اۋەزوۆ تۋرالى اڭىز" (1965) ت.ب. كانتاتالارىنىڭ، "تاتيانانىڭ حاتى" (1982) وراتورياسىنىڭ، ءان، رومانس، حور، فانتازيا ت.ب. كوپتەگەن مۋزىكالىق شىعارمالاردىڭ اۆتورى. قازاقستان كپ وك مۇشەسى (1966)، سوكپ 23-سەزىنىڭ دەلەگاتى بولدى. قازاقستان لەنين كومسومولى سىيلىعىنىڭ لاۋرەاتى (1964). ەڭبەك قىزىل تۋ، حالىقتار دوستىعى وردەندەرىمەن ماراپاتتالعان.

---