ىنتىماق پەن بەيبىتشىلىككە سەبەپكەر بولاتىن دىندەر سەزى
قازاقستاننىڭ سىرتقى جانە ىشكى ساياساتتا ءمان-ماعىناسى زور بۇل شارا، اسىرەسە الەمدەگى قيىن-قىستاۋ، پاندەميا، گەوساياسي شيەلەنىس سىندى وزەكتى ماسەلەلەر كەزىندە ورىن العان بۇل فورۋمدى تاريحي ماڭىزى زور وقيعا دەسەك كەم دە بولماس. پاندەميا كەزىندە بىزگە ديالوگ پەن قارىم-قاتىناس جەتىسپەگەنى ءسوزسىز، ادەتتە ادام قيىن-قىستاۋ كەزىندە جاردەمدى قۇدايدان سۇراپ، ءدىن وكىلدەرىنەن اقىل كەڭەس پەن قولداۋ سۇرايدى. پاندەميادا زارداپ شەگىپ، تۇڭعيىققا ءتۇسىپ كەتكەن ادامدار ءۇشىن تۇڭعيىقتان شىعۋىنا، قايتادان قارىم-قاتىناس جاساۋىنا سەز بىردەن-بىر سەبەپ بولدى. راسىندا قازىرگى كەزدە بۇكىل الەم رۋحاني قولداۋ مەن رۋحاني قۇندىلىقتارعا ءزارۋ ەكەنى ءمالىم. سول تۇستا ىنتىماقتاستىق شاڭىراقتا بۇل سەزگە الەمنىڭ 100 ەلىنەن 50 دەن اسا ءدىن وكىلدەرى قاتىستى. ادەتتە ءار ءدىن وكىلدەرىن باسىن قوسۋ بۇل وڭاي ءىس دەۋگە بولماس. قازاقستاننىڭ بۇل جاعىنان الەمگە ۇتىمدى، كەرەمەت كورىنىستەرىنىڭ ءبىرى دەسەم دە بولادى. سەز قىركۇيەك ايىنىڭ 13-14 جۇلدىزىندا ايرىقشا جوعارى دەڭگەيدە ءوتتى. بيىلعى بۇل سەزگە ريم پاپاسى فرانسيسك، «ءال-ازحار» ۋنيۆەرسيتەتىنىڭ جوعارعى يمامى شەيح احماد ات-تايەب جانە تاعى دا باسقا ءدىن كوشباسشىلارى قاتىستى. ءدىن كوشباسشىلارىنىڭ ءبارى فورۋمدا تاتۋلىق ماسەلەسىن العا تارتىپ، ءبىر اۋىزدان قولدادى. سەزدە ايەل ماسەلەسى تاقىرىبى قوزعالعان ەكەن. ەۋروپادان كەلگەن شىركەۋ باسشىلارى مەن ءدىني باسقارمالاردىڭ وكىلدىلىكتەرى قىز بالاسىنا بەي-جاي قاراۋعا بولمايدى دەپ ناقتىلاعان. مىسالعا اۋعانستاندا ايەل قۇقىعى تاپتالىپ جاتىر. تاليباندار قاتىگەزدىكپەن ايەل ادامدارعا كۇش كورسەتىپ، ءبىلىم، ىلىمنەن ماقۇرىم قىلىپ جاتىر. ءتىپتى مەديسينادا ايەل ادامدارىن الشاقتاتىپ جاتىر. كوپكە توپىراق شاشپايمىن، ءبىراق كەيبىر يسلام مەملەكەتتەرىندە ايەل ادامنىڭ قۇقىعىنىڭ تاپتالۋى، ەلەنبەۋى بۇل مۇسىلمانداردىڭ قاپ-قارا داعى. سەزدە بۇل ماسەلەنىڭ كوتەرىلۋ قۋانتارلىق جاعداي. بۇل ماسەلە جايلى دەلەگاسياعا قول قويىلدى، ەندى ورىندالسا ءتىپتى نۇر ۇستىنە نۇر بولار ەدى.
قازاقستان ەلىنىڭ قوناقجايلىعىن الدىعا سالىپ، كوپتەگەن ءدىن وكىلدەرى قازاق ەلىنە ارنايى العىس بىلدىرگەن. ارينە قازاقستان بۇكىل الەمدە بەيبىتشىلىكتى قالىپتاستىرۋعا ۇلكەن ۇلەس قوسىپ وتىر. سونداي-اق ءبىز ادامدار الەمدى قۇرۋشىمىز دا، قۇرتۋشىدا ءبىز ەكەنىن ۇمىتپاعانىمىز ابزال. جەر بەتىنە بەيبىت ءومىر ورناتۋ ادامزات بالاسىنىڭ باستى مۇددەسى. وسى الەمدىك جانە ءداستۇرلى دىندەر ليدەرلەرىنىڭ جيىنى ادامزاتتى بىرلىك پەن ىنتىماققا شاقىرعان بەرەكەلى وتىرىس بولعانىنا انىق كوزىمىز جەتەدى. ريم پاپاسى فرانسيسك: «مەن قازاقستاننىڭ ازاماتتىق قوعامىنا ەرەكشە العىسىمدى بىلدىرەمىن. قازاقستان-حالىقتىڭ مۇڭ-مۇقتاجى ەسكەرىلگەن مەملەكەت ەكەنىنە كوزىمىز جەتىپ وتىر. . . »-دەپ ريم پاپاسى قازاق قوعامى ۇيلەسىمدىلىكتە دامىپ كەلەدى دەپ اتاپ ءوتتى. بۇل جاقسى جەتىستىكتەردىڭ ءبىرى دەپ ويلايمىن.
قورىتىندىلاي كەلە، ەلىمىزدىڭ الەمدىك دىندەر وكىلدەرىن ءبىر شاڭىراق استىنا جيناپ، بەيبىتشىلىك پەن تاتۋلىقتى نىعايتتى. جانە دە ەلىمىزدىڭ ەكونوميكاسىنا، تۋريزمگە قوسقان ۇلەسى دە كەم بولمادى. جەر بەتىندەگى ۇلتتار مەن ۇلىستاردىڭ ءبىر ماقساتقا جىعىلعاندا الەمدە بەرەكە ورنايدى. وسىعان سەبەپكەر بولعان-قازاقستانىممەن ماقتانامىن.
ءال-فارابي اتىنداعى قازاق ۇلتتىق ۋنيۆەرسيتى
«فيلوسوفيا جانە ساياساتتانۋ» فاكۋلتەتى
«ءدىنتانۋ» ماماندىعىنىڭ 3 كۋرس ستۋدەنتى
دايرابەكوۆا ايدانا باقتىبەك قىزى
عىلىمي جەتەكشىسى: كۋدەرينا ا. ن.
You Might Also Like
-
كوپتەگەن ادامدار وزدەرىنىڭ كاسىبي ماقساتتارى تۋرالى ويلانباي تۇرىپ جۇمىس ىزدەي باستايدى. الايدا جۇمىس ىزدەۋدى باستاماس بۇرىن، ءسىزدىڭ مانسابىڭىزعا قانداي تالاپتار قويىلاتىندىعىن انىقتاپ العانىڭىز اب...
-
ءبىزدىڭ پلانەتادا الەمنىڭ التى قۇرلىعى بار. ولار: ازيا، امەريكا، افريكا، انتاركتيدا، ەۋروپا، اۋستراليا. الەمنىڭ بۇل قۇرلىقتارى نەگە وسىلاي اتالعانىن ويلانىپ كوردىڭىز بە؟ بۇل اتاۋلار قايدان شىققان؟
