بەيبىتشىلىك پەن تۇراقتىلىقتى قامتاماسىز ەتەتىن كوشباسشىلار سەزى
ەلىمىزدە 14-15 قىركۇيەك ارالىعىندا الەمدىك جانە ءداستۇرلى دىندەر كوشباسشىلارىنىڭ VII سەزى ءوتتى. الەمدىك جانە ءداستۇرلى دىندەر كوشباسشىلارىنىڭ VII سەزىنىڭ جۇمىسى دۇعا باعىشتاۋ ءۇشىن ءبىر مينۋت ۇنسىزدىكپەن باستالدى. «پاندەميادان كەيىنگى كەزەڭدەگى ادامزاتتىڭ رۋحاني جانە الەۋمەتتىك دامۋىنداعى الەمدىك جانە ءداستۇرلى دىندەر كوشباسشىلارىنىڭ ءرولى» اتتى پلەنارلىق وتىرىستى اشا وتىرىپ، مەملەكەت باسشىسى الەمنىڭ ەڭ قۇرمەتتى رۋحاني كوشباسشىلارىنىڭ باسىن قوسىپ، ديالوگ ورناتۋ قازاقستان ءۇشىن ۇلكەن مارتەبە ەكەنىن اتاپ ءوتتى. جانە دە پرەزيدەنتىمىز سەزگە كەلگەن بارلىق كوشباسشىلارعا العىسىن بىلدىرگەن.
الەمدىك جانە ءداستۇرلى دىندەر كوشباسشىلارىنىڭ VII سەزىنىڭ تۇپكى ماقساتى بارشا ادامزاتقا ورتاق قۇندىلىق سانالاتىن – بەيبىتشىلىك پەن تۇراقتىلىقتى قامتاماسىز ەتىپ، ءدىنارالىق ديالوگتى مەيلىنشە دامىتۋ.
قازاقستان حالقى الەمدىك وركەنيەتتى ەلدەرمەن سۇحباتقا ءتۇسۋ ارقىلى،ساياسي كوممۋنيكاسيا قۇرىپ، تولەرانتتىلىق پەن اشىقتىق رۋحىن بويىنا ءسىڭىردى. سوندىقتان دا ەلىمىز «بىرلىك ارتۇرلىلىكتە» قاعيداسىن نەگىزگە الىپ زايىرلى قوعام ەكەنىن دالەلدەۋدە. ەلىمىز كوپۇلتتى، ەل بولىپ، جەر بولىپ، تارام-تارامعا بولىنبەي، بارلىعىمىز تاتۋلىقپەن زايىرلى مەملەكەتتە تۇرىپ جاتقان جايىمىز بار. وسى قاسيەتتى اۋىزبىرشىلىگىمىزدى بۇكىل الەمگە سەنىمدى بولا وتىرىپ كورسەتە الامىز. وزگە مادەنيەتتەرگە ءبىزدىڭ ەلىمىزدەگى زايىرلى ءومىر ءسۇرۋ سالتى ۇلگى بولا الادى.
الەمدىك جانە ءداستۇرلى ءدىني كوشباسشىلارىنىڭ وسىلاي ءبىر ۇستەل باسىندا وتىرىپ، مادەنيەتتى ديالوگ قۇرعانى ميلليون قازاق قاۋىمعا ونەگەلى كورىنىس بەردى. وسىنداي اۋقىمدى ديالوگ تاجىريبەسى رۋحاني كوشباسشىلارعا ءتۇرلى بىتىمگەرشىلىك باستامالاردى بەلسەندى تۇردە كوتەرۋگە مۇمكىندىك بەرەدى. بۇل اسكەري قاقتىعىستاردى جانە الەمنىڭ ءارتۇرلى قاقتىعىس ايماقتارىندا ادامزاتتىڭ قايعى قاسىرەتىن توقتاتۋ ءۇشىن وتە ماڭىزدى. رۋحاني ءدىنباسىلار – ادامزاتتىڭ ار-وجدانىنىڭ ساقشىلارى. حالىقارالىق قاۋىپسىزدىكتىڭ جاڭا جۇيەسىن قۇرۋ ءۇشىن بارىمىزگە بەيبىتشىلىك ءۇشىن جاڭا جاھاندىق قوزعالىس قاجەت. بۇل ماسەلەدە رۋحاني كوشباسشىلاردىڭ ۇلگى ونەگەلىك ءرولى باسىم دەپ ويلايمىن.
ءال-فارابي اتىنداعى قازاق ۇلتتىق ۋنيۆەرسيتى
«فيلوسوفيا جانە ساياساتتانۋ» فاكۋلتەتى
«ءدىنتانۋ» ماماندىعىنىڭ 3 كۋرس ستۋدەنتى
جاماۋوۆا ەنليك احرينبايەۆنا
عىلىمي جەتەكشىسى: كۋدەرينا ا.ن.
You Might Also Like
-
جامبىل – ءوز زامانىنىڭ ۇلى اقىندارىنىڭ ءبىرى. بالا كەزىنەن اقىندىق دارىنىمەن ءوز ورتاسىندا تانىلا باستادى. بۇگىندە مىنە، جامبىلدىڭ تۋعانىنا 175 جىل تولىپ، ەلىمىزدە جامبىلعا ارناپ اتاۋلى مەرەكەلى...
-
الەمدىك جانە ءداستۇرلى دىندەر سەزىن قازاق جەرىندە وتكىزۋ – ۇلكەن مارتەبە. بۇل – شىنداپ كەلگەندە ەلىمىزدىڭ الەمدىك دەڭگەيدەگى ابىرويى مەن اسقاق بەدەلىنىڭ جارقىن كورىنىسى. ءدىني ۇستانىمدار...
