InfoHub Logo

DxOMark-تىڭ كەزەكتى رەيتينگى بويىنشا 105 ۇپايعا يە بولعان iPhone Xs Max سمارتفونى دارەجەسى بويىنشا Huawei P20 Pro-دان كەيىن ەكىنشى ورىندى يەمدەندى. بۇل ماقالادا ءبىز جاڭا iPhone-دى DxOMark رەيتينگىندە ودان تومەن تۇرعان سمارتفوندارمەن — Google Pixel 2 XL جانە Samsung Galaxy Note 9-بەن سالىستىرۋدى ءجون كوردىك.

سونىمەن، بىزدە ەڭ ۇزدىك دەپ سانالاتىن كامەرالارمەن جابدىقتالعان وتە قىمبات ءۇش سمارتفون بار. IPhone Xs سمارتفونىندا 12 مەگاپيكسەلدىك f/1.8 ديافراگماسى بار نەگىزگى مودۋل جانە  f/2.4 جارىق كۇشى بار 12 مەگاپيكسەلدىك تەلەوبەكتيۆى بار. ەكى كامەرا دا وپتيكالىق تۇراقتاندىرۋمەن جابدىقتالعان. Samsung Galaxy Note 9-دا ەكى كامەرادان تۇراتىن جۇيە: نەگىزگىسى  F/1.5 دەن f/2.4-گە دەيىن وزگەرە الاتىن ديافراگماسا بار 12 مەگاپيكسەلدىك جانە F/2.4 ديافراگماسى بار 12 مەگاپيكسەلدىك تەلەوبەكتيۆپەن جابدىقتالعان، مۇندا دا ەكى كامەرا وپتيكالىق تۇراقتاندىرۋمەن قامتاماسىز ەتىلگەن. اقىرىندا Giogle Pixel 2 XL. مۇندا تەك ءبىر كامەرا، بۇل جارىق كۇشى f/1.8 بولعان 12 مەگاپيكسەلدىك مودۋل. ءبىر قاراعاندا Pixel 2 XL ەڭ قاراپايىم كامەرا سياقتى. ويلاي بولسا، قايسىسى ۇزدىك ەكەنىن سالىستىرىپ، باعايىق.

بارلىق كامەرالاردا ەكسپوزيسيانى تۇزەتۋ مەن ءماجبۇرلى فوكۋسسىز اۆتوفوكۋس قولدانىلعان، سونىمەن قاتار بارلىق جەردە HDR ىسكە قوسىلعان.

كامەرالاردى كورنەكى سالىستىرۋ

Cۋرەت ءنومىر 1: كۇندىزگى فوتوسۋرەتتەردەن باستايىق، ياعني تاڭەرتەڭگى. كولەڭكەسى بار قاتتى جارىق جانە كوپتەگەن بولشەكتەر.

سۋرەت ءنومىر 2: تاعى ءبىر تاڭعى فوتوسۋرەت. مۇندا ءبارى وڭاي سەكىلدى كورىنەدى، شاقىرايعان كۇننىڭ جارىعى جانە وتە قاراپايىم نىساندار، ءبىراق ەگەر سۋرەتتى ۇلكەيتىپ قارايتىن بولسا، قۇرىلىمى وتە كۇردەلى ەكەنىن اڭعارۋعا بولادى.

 
سۋرەت ءنومىر 3: تاعى ءبىر تاڭعى فوتوسۋرەت، ءبىراق ەندى ماكرونى، سونداي-اق ەكىنشى وبەكتيۆسىز جانە قوسىمشا باعدارلامالىق پليۋشكالارسىز    كورىنىستى كومەسكى ەتە الۋ مۇمكىندىگىن تەكسەرىپ كورەيىك.

سۋرەت ءنومىر 4: كەلەسى فوتوسۋرەتتە جاقسى ءارى كۇردەلى جارىقتاندىرىلعان ءۇي-جايدىڭ بەينەسى. سمارتفونداردىڭ ەكسپوزيسيامەن قالاي جۇمىس ىستەيتىنىن تەكسەرەمىز.

سۋرەت ءنومىر 5: ءۇي-جايداعى تاعى ءبىر سۋرەت، مۇندا دا ماكرو، سونداي-اق، ءبىراز كۇردەلى نىسانداردىڭ شوعىرى.

سۋرەت ءنومىر 6: HDR جۇمىسىن انىقتاپ الۋعا كومەكتەسەتىن سۋرەتتى ءتۇسىرۋ ءۇشىن كوشەگە ورالايىق. اسپان جانە ۇيگە تۇسكەن كولەڭكە بارلىق سمارتفونداردا بىردەي كورىنىس تاپقانىمەن، جاپىراقتاردى ءارتۇرلى ەتىپ تۇسىرگەنىن بايقاۋعا بولادى.

سۋرەت ءنومىر 7: ورتاشا جارىقتاندىرىلعان بولمەدەگى فوتوسۋرەت. كومپوزيسيانىڭ قيىندىعى سول — مۇندا الدىڭعى شەپتەگى كومەسكى كورىنىس بار، ال جىلتىر بەتى بار ءتۇسىرۋ نىسانى قاشان دا اۆتوفوكۋس ءۇشىن قيىندىق تۋعىزارى انىق.

سۋرەت ءنومىر 8: كۇندىزگى جارىق شامىنىڭ استىنداعى كوزىلدىرىك. سونىمەن قاتار، بىزگە وسى سمارتفوندارداعى اق ءتۇستىڭ بالانسى قالاي رەتتەلەتىنىن كورۋگە مۇمكىندىك بەرەتىن بىرنەشە ۇلكەن تۇرلى-تۇستەگى نىساندار بەينەلەنگەن.

سۋرەت ءنومىر 9: دۇكەندەگى شىرىنى بار بوتەلكەلەر. سۋرەت كوپ مولشەردەگى جاساندى جارىقتاندىرۋدا تۇسىرىلگەن، سوندىقتان، مۇنداي جاعداي  سمارتفونداردىڭ كامەرالارى ءۇشىن وتە ىڭعايلى بولماق.

سۋرەت ءنومىر 10: فوتوسۋرەت كولىكتىڭ ىشىندە، كۇندىزگى جارىقتا، تەك شاقىرايعان كۇننىڭ جارىعىنسىز تۇسىرىلگەن. فوتوسۋرەت انىق جانە ارتىق شۋسىز شىعۋى ءۇشىن جارىقتىڭ ءوزى جەتكىلىكتى بولدى.

سۋرەت ءنومىر 11: كەشكى جارىق كەزىندەگى ءۇيدىڭ قاسبەتى. جارىق از بولعانىمەن، قاراڭعى تۇسپەگەن.

سۋرەت ءنومىر 12: ءالسىز جارىق كەزىندەگى عيماراتتىڭ ەسىگى. مۇندا دا، اسا جارىق تا قاراڭعى دا ەمەس.

سۋرەت ءنومىر 13: جارىقتىڭ دەڭگەيى ورتاشا بولاعان كۇيدە پورترەت جاساۋ ءۇشىن ءۇي-جايعا قايتا ورالامىز. سۋرەت كومەسكى فونى بار پورترەتتىك رەجيمدە تۇسىرىلگەن.

سۋرەت ءنومىر 14: جانە تاعى ءبىر ورتاشا جارىقتاندىرۋداعى سونداي سۋرەت، بۇلىڭعىر فوندا تەك الدىڭعى كامەرا ارقىلى تۇسىرىلگەن.

سۋرەت ءنومىر 15: ەكى ەسە ۇلعايتۋدى تەكسەرەمىز. بۇل ادەمى گۇلشوعى ەكى رەت — ۇلكەيتىپ جانە سول قالپىندا تۇسىرىلگەن. Google Pixel 2 XL–عا ءبىز ساندىق زۋمدى قولداندىق.

فوتوسۋرەتتەردىڭ ءتۇپنۇسقالارىن كورۋ ءۇشىن مىندا ءوتىڭىز جانە سۋرەتتەردىڭ ساپاسىنا ءوزىڭىز كوز جەتكىزىپ، ءوز تۇجىرىمىڭىزدى جاساي الاسىز. بۇل اقپارات اسىرەسە، جاڭا سمارتفون تاڭداپ جۇرگەن بولساڭىز پايدالى بولادى.

iPhone Xs وتكەن جىلعى "وندىققا" قاراعاندا سالىستىرمالى تۇردە قارقىندى دامي ءتۇستى. كەيبىر جاعدايلاردا ول ءتىپتى Pixel 2 XL-گە قاراعاندا دەتاليزاسيا مەن ەكسپوزيسيانى جاقسى اتقاردى. Galaxy Note 9-عا كەلەتىن بولساق، جۇيە ءالى دە اگرەسسيۆتى تۇردە  شۋىن ازايتۋعا تىرىسۋدا، سول سەبەپتى دەتاليزاسياسىن جوعالتىپ الۋدا. Note 9-دىڭ كامەراسى جامان ەمەس، ءبىراق كومپيۋتەر ەكرانىندا كەيبىر سۋرەتتەر قاتتى بۇلىڭعىرلانىپ كورىنەدى. Google Pixel–ءدىڭ ءوز قيىندىقتارى بار — ونىڭ اق ءتۇستى بالانسى ءاردايىم جاقسى بولا بەرمەيدى جانە وسى كامەرادان تۇسىرىلگەن سۋرەتتەر وڭدەۋ ءۇشىن قولايسىز كەلەدى.  دەگەنمەن، Pixel 2 XL ءالى دە بەلسەندىلىگى جوعارى، ءارى جاڭا فلاگماندارعا جول بەرە قويمايدى. 

---