قازاقستاندا ينفورماتيكا 1 سىنىپتان باستاپ وقىتىلۋى مۇمكىن
قازاقستاندا ينفورماتيكا ءپانى 1 سىنىپتان باستاپ وقىتىلۋى مۇمكىن. بۇل تۋرالى بۇگىن «Digital Bridge» حالىقارالىق يننوۆاسيالىق فورۋمدا ق ر پرەمەر-مينيسترى باقىتجان ساعىنتايەۆ ايتتى.
فورۋمنىڭ سيفرلىق ەكونوميكانى دامىتۋدىڭ جاھاندىق ترەندتەرى تالقىلانعان جالپى وتىرىسىندا ەستونيا پرەمەر-مينيسترى يۋري راتاس ءوز ەلىندە روبوتوتەحنيكا 1 سىنىپتان باستاپ بالالارعا وقىتىلاتىندىعىن اتاپ ءوتتى.
«مەنىڭشە، ءبىلىم بەرۋ بۇل يننوۆاسيانىڭ بارىنشا ماڭىزدى ەلەمەنتى سانالادى. ماسەلەن، ەستونيادا ءبىزدىڭ بالالارىمىز ءبىرىنشى سىنىپتان باستاپ روبوتوتەحنيكانى وقيدى. بۇل وتە تانىمال ءپان»، - دەدى يۋري راتاس.
ءوز كەزەگىندە ق ر پرەمەر-مينيسترى باقىتجان ساعىنتايەۆ ەستونيانىڭ مۇنداي تاجىريبەسىنە قىزىعۋشىلىق تانىتتى.
«ەستونيادا ءبىرىنشى سىنىپتان باستاپ روبوتوتەحنيكانى وقىتۋى وتە كەرەمەت. ءبىز ينفورماتيكانى 7 سىنىپتان باستاپ وقىتتىق. بارلىق ۋاقىتتا 7 سىنىپ وقۋشىسى وقىتۋشىسىنان كوپ بىلەتىندىگىن ايتىپ كەلەمىن. ءبىز باعدارلامانى وزگەرتتىك جانە بۇگىندە ينفورماتيكا ءۇشىنشى سىنىپتان وقىتىلادى. ءقازىر ەستونيا پرەمەر-مينيسترىنىڭ سوزىنەن كەيىن بىزدە ويلاناتىن بولامىز، 3ء-ىنشى سىنىپ تا كەشتەۋ سياقتى»، - دەدى ق ر ۇكىمەت باسشىسى.
You Might Also Like
-
الماتى وبلىسى بالقاش اۋدانى «№1 باقاناس ورتا مەكتەبى مەكتەپكە دەيىنگى شاعىن ورتالىعىمەن» مەملەكەتتىك كوممۋنالدىق مەكەمەسى 3 «ا» سىنىپ وقۋشىسى باۋىرجان ۇلى ءاليجان
-
... كوپتەن ساقتاۋلى سىر ەدى. ەسكىرگەن ءبىر جىل ەدى. ەل تالقىسىنا سالىپ، الەۋمەت سىنىنا بەرەيىن دەسەم دە، كەزى كەلمەي جۇرەدى. بۇگىن تولقىناي بايبىشەنىڭ قارعىسىن ەستىگەن سوڭ، سىر اقتارىلعالى وتىر، جىر...
