ءىزباستىنىڭ نازى
قارابالىق قوستان دەگەن مومىن ادامنىڭ جەرىنە قوشقار ۇلى جانىبەك باسا كوكتەپ قونىپ الادى. قوستان جانىبەككە تايساقتاپ تۋرا بارا الماي، اعايىنداس ءىزباستىعا بارىپ ايتادى.
— باتىر جانىبەك كوشىپ كەلىپ جەرىمە قونىپ، مالىن جايىپ جىبەردى. بۇل زورلىققا كونە الماي ساعان كەلدىم، نە اقىل ايتاسىڭ؟ — دەيدى قوستان.
— جارايدى ۇيىڭە جۇرە بەر، ءوزىم جانىبەككە بارايىن، — دەپتى ءىزباستى.
كەشىكپەي ءىزباستى جانىبەككە كەلىپ اماندىق، ساۋلىقتان سوڭ:
— اسسالاۋماعالايكۋم جانىبەك!
اتانىڭ ساي، اتىڭ ساي،
كوشسەڭ نۋعا جەتەسىڭ.
كەتپەنىڭ ساي، شوتىڭ ساي.
قازساڭ سۋعا جەتەسىڭ.
جورىقتا كوپ جورتقانسىڭ،
بىلەسىڭ جولدىڭ توتەسىن.
ەرەگىسكەن جاۋىڭدى،
جەرمەن جەكسەن ەتەسىڭ.
قالىڭ جاتقان قازاقتىڭ،
بالاسىنا — اكەسىڭ.
كوبىسىنە — كوكەسىڭ.
جابىرلەمە جارلىنى،
جانىشپا باتىر جالعىزدى،
دۇنيەدەن سەن دە وتەسىڭ،
كەڭىنەن تولعاپ كەڭەسىپ،
كەدەيدىڭ بۇزبا كەپەسىن.
ەرتەڭ ءوزىڭ ولگەندە،
ارتىڭدا ادىرا قالاتىن،
ءبىر جىرىمداي سايدى
سەن نە ەتەسىڭ؟ — دەپتى. سوندا جانىبەك باتىر:
— مەنەن نە سۇرايسىڭ؟ — دەپتى.
ءىزباستى بي:
— سەن قايدان دا جەر الاسىڭ. مىناۋ از ءۇي قوستان (ومار ءشيپيننىڭ جازۋىنشا قوستاناي) ەشقاشان جەر الا المايدى. سەن مۇنىڭ جەرىنەن كوش، — دەيدى.
You Might Also Like
-
دۋانباسى جايىقباييەۆ ىبىرايدىڭ تۋىسى — ومار وتە قاتال كىسى ەكەن. وزىنە باعىنباعانداردى تاباندا تۇتقىنداتىپ، ايداتىپ جىبەرۋ ادەتىنە اينالىپتى.
-
ءبىر كۇنى بۇزاۋبايدىڭ ۇيىنە ءبىر توپ جولاۋشى تۇسەدى. بۇزاۋباي كەدەيلىگىنە قاراماستان بارىن قوناققا توساتىن جومارت ادام ەكەن. قوناق كەلگەن سوڭ ايەلىنە:
