بۇزاۋبايدىڭ تاپقىرلىعى
ءبىر كۇنى بۇزاۋبايدىڭ ۇيىنە ءبىر توپ جولاۋشى تۇسەدى. بۇزاۋباي كەدەيلىگىنە قاراماستان بارىن قوناققا توساتىن جومارت ادام ەكەن. قوناق كەلگەن سوڭ ايەلىنە:
— بارىڭ بولسا قيمىلدا، بايبىشە، — دەيدى بايبىشەسى ۇيدە قوناققا بەرەرلىك ەشتەڭەنىڭ جوق ەكەنىن ەسكەرتەدى.
قىسىلعان بۇزاۋباي جۇگىرىپ نىعمەت دەگەن ساۋداگەردىكىنە بارادى. نىعمەت بۇزەكەڭنىڭ تاعى دا وزىنەن ءبىر نارسە سۇرايىن دەپ تۇرعانىن سەزىپ، جاقتىرماسا دا:
— نە جۇمىسپەن مەزگىلسىز ءجۇرسىڭ؟ — دەيدى.
سوندا بۇزاۋباي تۇرىپ:
— ءجاي كەلدىم، تۇك جۇمىسىم جوق. ءبىزدىڭ ۇيدە شاي دا جوق، شاي سۇرايتىن جاي دا جوق. ءبىزدىڭ ۇيدە ەت تە جوق، ەت سۇرايتىن بەت تە جوق. ءبىزدىڭ ۇيدە نان دا جوق، نان سۇرايتىن مەن سياقتى جارلىعا ەرتەڭ بولماسا، بۇگىن اتار تاڭ دا جوق، — دەپ شىعىپ كەتىپتى.
بۇزاۋبايدىڭ تاپقىرلىعىنا رازى بولعان نىعمەت ساۋداگەر ونىڭ ۇيىنە كەرەكتى زاتتارىن بەرگىزىپ جىبەرگەن ەكەن.
***
بۇزاۋباي شەشەن جولاۋشىلاپ ءجۇرىپ، ءبىر بايدىڭ ۇيىنە تۇسەدى. باي بايبىشەسىنە:
— مىنا كىسىگە كوجە بەر! — دەيدى.
بايبىشەنىڭ كوجەسىن اپىل-قۇپىل جۇتقان بۇزاۋباي بايعا باتا بەرەدى:
بايەكە، كوجە بەردىڭ ۋداي،
قاتىعى جوق سۋداي.
بالا-شاعاڭ ۇيىڭنەن،
جۇگىرىپ شىقسىڭ شۋلاي...
— ويباي، بۇل ولەڭ ەلگە جايىلىپ كەتپەسىن! — دەپ، باي باقىرىپ قويا بەرەدى.
You Might Also Like
-
قارابالىق قوستان دەگەن مومىن ادامنىڭ جەرىنە قوشقار ۇلى جانىبەك باسا كوكتەپ قونىپ الادى. قوستان جانىبەككە تايساقتاپ تۋرا بارا الماي، اعايىنداس ءىزباستىعا بارىپ ايتادى.
-
ايگەل ايتباي ۇلى XIX عاسىردىڭ ەكىنشى جارتىسىندا ءومىر سۇرگەن. تورى قىپشاقتىڭ تۇيىشكە توبىنىڭ مىرزابەك بۇتاعىنان شىققان اتاقتى ءادىل بي. تورعاي ۋەزىنىڭ قاراقوعا بولىستىعىن 40 جىلداي (ەل سولاي دەيدى) با...
