جالعىز جىگىت (ءى نۇسقا)
ءبىر جىلى ەرتىس وزەنى وتكەل بەرمەي قارا ايعىر دەگەن جەردەن ەل توسىلىپ، ءتورت تۇلىك مال نەشە كۇن ءيىرىلىپ كۇيىسى كەتەدى. ەل اعالارى بۇلاي شيرىعا بەرمەي ەل مەن مالدى سۋدىڭ ارجاعىنا وتكىزۋدى اقىلداسادى دا، ادامدى دا، مالدى دا قىرقارلاپ وتكىزە باستايدى.
وسى ارپالىستا استىندا شولاق تورى بايتالى بار ءبىر جەتىم جىگىت، ەلدەن قالمايىن دەپ، بايتالىمەن سۋعا ءتۇسىپ كەتەدى. الاسۇرعان اق بۋرىل تولقىن، ارىق بايتالى مەن جالعىز جىگىتتى الا جونەلەدى. سوندا جالعىز جىگىت ءوزىنىڭ قىلىعىنا وكىنىپ:
ات سال! ات سال ەلىم! ات سال! — دەپ زار قاققانىمەن، ارانىن اشقان اجالعا كىم بارا قويسىن، سوندا استىندا كوك بايتالى بار بەيىلباي دەگەن تاعى ءبىر جارلى جىگىت، زار قاققان قۇربىلاسىن قۇتقارۋعا، «كوك بايتال جانىڭ ءۇشىن جۇزەرسىڭ» دەپ، بايتالىمەن سۋعا كۇپ بەرەدى.
اساۋ تولقىن بەيىلبايدى دا الا جونەلەدى. ايتەۋىر لاقتىرىلعان شالماۋلاردىڭ ءبىرى ءتۇسىپ، ول زورعا قۇتقارىلادى. ءبىراق الگى جىگىت سول بەتى سۋعا كەتەدى. بەيىلباي مەن قامادي جالعىزدىقپەن جارلىلىقتان تۋعان مىنا ويعا كەيىنگىلەردىڭ ەسىندە ءجۇرسىن دەپ «جالعىز جىگىت» كۇيىن شىعارادى.
You Might Also Like
-
ەرتەدە ءبىر اڭشى جىگىت بولىپتى، دەپ ايتىلادى «قوس ىشەك» كۇيىنىڭ اڭىزى. سول اڭشى جىگىت بيىك تاۋدىڭ قياسىن، قالىڭ قاراعايدىڭ اراسىن تۇراق ەتكەن بۇعى-مارالدى اۋلاپ، كاسىپ ەتسە كەر...
-
جالعىز قىزى بار ءبىر باي مەن جالعىز ۇلى بار باي ەكەۋى قۇدا بولادى. «ەكى جارتى ءبىر ءبۇتىن بولسىن، ءسان-سالتاناتى كەلىسكەن ءتۇتىن بولسىن! بىرەۋىمىز كەلىنىم دەمەيىك، بىرەۋىمىز كۇيەۋىم...
