جالعىز جىگىت (ءىى نۇسقا)
ەرتەدە ەشبىر تۋىس-تۋعانى جوق ءبىر جالقى جىگىت بولعان ەكەن. جالعىزدىق مۇڭىن ەشكىمگە ايتا الماعاندىقتان دومبىرا مەن سىبىزعىنى ەرمەك ەتىپ، ىشكى دەرتىن شىعارادى ەكەن.
ول شەرتكەن كۇيلەرىندە ىلعي ءبىر زاردىڭ سارىنى ءبىلىنىپ تۇراتىندىقتان، ەل دە بارا-بارا كوپ تىڭدايتىن بولىپتى. ايتسە دە، ولار مۇڭلى-زارلى كۇيدىڭ نەندەي كۇيىنىشتەن تۋعانىن بىلمەك بولىپ، جىگىتتەن:
— بۇل نەمەنە دەگەن كۇي؟ — دەپ سۇراعاندا، جىگىت:
— ءوزىم دە بىلمەيمىن، — دەپ قۇتىلادى ەكەن. ءبىراق ول كۇي شەرتكەنىن قويماپتى. ەل ىزدەپ كەلىپ تىڭداۋىن توقتاتپاپتى. كەيىن كەلە ەل ونىڭ وسىنداي اتسىز كوپ كۇيلەرىن تىڭداي بەرىپ، اقىرى «جالعىز جىگىتتىڭ كۇيى» نەمەسە «جالعىز جىگىت» دەپ اتاپ كەتىپتى.
— مۇڭلى-زارلى بۇل كۇيلەردى ەل بىردەن-بىرگە تاراتىپ كەتىپتى. كۇندەردىڭ بىرىندە ءبىر بايدىڭ كۇيگە قۇمار قىزى ەستىپ، الگى كۇيشى جىگىتكە عاشىق بولىپتى. ۋاقىت وتە كەلە قىزدىڭ عاشىق ەكەنىن بىلگەن جىگىت، جالعىز دەپ كەمسىتپەي عاشىق بولعان قىزعا ىنتىق بولىپتى. بۇل ونىڭ جالعىزدىق
مۇڭىنا تاعى ءبىر قاسىرەت بولىپ قوسىلىپتى. قىزعا سويلەسۋگە جالعىزدىعى، بايعا سويلەسۋگە كەدەيلىگى تۇساۋ بولعان سوڭ، ول تاعى دومبىرا، سىبىزعىسىمەن سول ارمانىن كۇيگە اينالدىرىپ، شەرلى جۇرەگىنەن «دەلدال» دەگەن كۇي شىعارىپتى.
You Might Also Like
-
بۇلانجىگىت باسىندا كۇيشى ەمەس ەكەن. ول تالاپتى، باتىر بولامىن، ەلدى جاۋدان قورعايمىن دەگەن ويى بار جىگەرلى جاس جىگىت ەكەن.
-
ءبىزدىڭ ەلىمىز – جاس مەملەكەت. تاۋەلسىزدىك العانىمىزعا نەبارى 28-اق جىل بولدى. وسى 28 جىلدا ەلىمىزدى باسقارىپ، ونىڭ اياعىنان نىق تۇرۋىنا وزىندىك ۇلەسىن قوسقان تۇڭعىش پرەزيدەنتىمىز، ەلباسىمىز &n...
