جامبىل وبلىسىندا ءبىر ءۇيدىڭ بەس بالاسى ورتتەن قازا بولدى
قۇيقاڭدى شىمىرلاتىپ، كوزگە ەرىكسىز جاس ۇيىرەتىن جاعداي جايلى ق ر تجم رەسمي وكىلى تالعات ءۋالي حابارلادى.
19.02.2021 كۇنى جامبىل وبلىسى سارىسۋ اۋدانى جاڭاتاس قالاسىندا كوپ قاباتتى ءۇيدىڭ 3 قاباتىندا ءورت شىعىپ، ءبىر ءۇيدىڭ بەس بالاسى قازا تاپتى. الدىن-الا دەرەكتەر بويىنشا وتاعاسى جۇمىستا بولىپ، اناسى دۇكەنگە شىعىپ كەتكەن. ءورت سالدارىنان 2015، 2016، 2017 جانە 2019، 2020 جىلعى بالالار گازدان ۋلانىپ، اۋرۋحاناعا جەتكىزىلگەنىمەن، اراعا ۋاقىت سالىپ بۇلدىرشىندەر كوز جۇمعان.
قازىرگى ۋاقىتتا وقيعانىڭ سەبەبىن انىقتاۋ ءۇشىن ارنايى كوميسسيا قۇرىلدى.
وقيعا ورنىنا جاقىن جەردە بولعان جەرگىلىكتى تۇرعىندار "سارى لەنتامەن" قورشالعان تەرريتورياعا مۇڭدانا قاراپ، باس شايقاپ ءوتىسىپ جاتىر.ءبىر كۇندە، ءبىر ساتتە، ءبىرجولاتا ءبىر ەمەس بەس بالاپانىنان ايىرىلعان اتا-انانىڭ ءحالى تىم اۋىر ەكەنىن بولجاۋ قيىن ەمەس.
ەسكە سالا كەتسەك، 04.02.2019 جىلى استانا قالاسىندا 2006، 2008، 2013، 2015 جانە 2018 جىلدارى تۋعان بالالاردىڭ قايعىلى قازاسى قوعامدا قىزۋ تالقىعا ءتۇسىپ، ۇلكەن رەزونانس تۋدىرعان ەدى. ناتيجەسىندە ەلىمىزدە ءبىرقاتار ساياسي-الەۋمەتتىك وزگەرىستەر بولعانىن دا بىلەمىز.
بۇل جولعى وقيعانىڭ دا، باسقا ۇقساس وقيعالاردىڭ دا شىن مانىندەگى سەبەپتەرى ءارتۇرلى بولعانىمەن، ايتار ءبىر نارسە: "ساقتانساڭ ساقتايدى" دەگەن جاتتاندى ءسوز بار عوي قازاقتا. بارىنشا ساق ءارى مۇقيات بولۋ كوپ ءقاۋىپتىڭ الدىن الاتىنى دالەلدى قاجەت ەتپەيتىن فاكت.
مەيربەك بايان مۇراتبەك قىزى
You Might Also Like
-
قازاق گازەتى مەن ايقاپ جۋرنالى ءوز زامانىندا قازاق جۇرتىنىڭ قوعامدىق ساناسىنا، ۇلتتىق مۇددەسىنىڭ ارتۋىنا ىقپال ەتكەن باسىلىمدار. قازاق ەلىنە ايانباي قىزمەت ەتكەن بۇل ەكى باسىلىمدى بىر-بىرىنە قارسى قو...
-
قازاق حالقىنىڭ كوزىنىڭ قاراشىعىنداي بولعان «ايقاپ» جۋرنالىندا 1911 جىلى احمەت بايتۇرسىنوۆتىڭ «قازاق وكپەسى» اتتى ماقالاسى جارىق كوردى. اۆتور “قازاق كىمگە وكپەلى؟ وكپەل...
