جاڭا سەرىكتەستىك
ءبىلىم الۋ – سان قيلى ارەكەت ءتۇرىن قامتيتىن اسا كۇردەلى ءارى ۇزدىكسىز پروسەسس. وعان قاتىساتىن ءار ادامنىڭ ءوز قابىلەتى، ءوز ىرعاعى مەن تالعامى بار. سوندىقتان دا ءبىلىم الۋ ءار ادام ءۇشىن ەرەكشە پروسەسس. ال ءبىلىم بەرۋ سالاسىنىڭ قازىرگى ماقساتى – مەملەكەت پەن قوعامنىڭ، سونىمەن قاتار تۇلعانىڭ ەڭ وزەكتى قاجەتتىلىكتەرىن قامتىپ، زاماناۋي ءبىلىم بەرۋدى ساپالى ەتۋ.
قازاقستانداعى ەلەكتروندى وقىتۋ نارىعىن دامىتۋشى يننوۆاسيالىق bilimland.kz كومپانياسى جانە bilim-all.kz اقپاراتتىق – تانىمدىق پورتالى ءوزارا سەرىكتەس بولدى. ەلىمىزدەگى تانىمال ءبىلىم بەرۋ پورتالدارىنىڭ بىرلەسە جۇمىس ىستەۋىنىڭ باستى ماقساتى – زامان تالابىنا ساي ءبىلىم الۋعا كومەك بەرۋ. سەبەبى، زاماناۋي ادامنىڭ ءومىرى – ۇزدىكسىز ءبىلىم الۋمەن تىكەلەي بايلانىستى.
bilimland.kz ءبىلىم بەرۋگە قاجەتتى كونتەنتتى جاساۋمەن جانە سوعان قاتىستى تەحنولوگيالار مەن قىزمەتتەردى تاراتۋمەن اينالىساتىن يننوۆاسيالىق IT كومپانيا. بۇل قىزمەتتەردى تۇتىنۋشىلار اراسىندا قازاقستاننىڭ بارلىق مەملەكەتتىك مەكتەپتەرى، جەكە ءبىلىم بەرەتىن مەكتەپتەر جانە ەلىمىزدەگى جەتەكشى وقۋ ورىندارى بار.
bilim-all.kz – اقپاراتتىق تانىمدىق پورتال. اتالعان سايتتا اقىن-جازۋشىلاردىڭ ادەبي شىعارمالارى، ۇلاعاتتى سوزدەر مەن اڭىز-اڭگىمەلەرمەن تانىسىپ، حالقىمىزدىڭ سان عاسىرلىق سالت-داستۇرىنەن حاباردار بولاسىزدار. ءبىلىم بەرۋدى باستى نازاردا ۇستاعان سايتتىڭ ارنايى ۇستازدار مەن وقۋشىلارعا ارنالعان بولىمدەرى تاعى بار. سونداي-اق ادامدى ءبىلىم-عىلىمعا، دامۋعا ىنتالاندىراتىن پسيحولوگيا، پەداگوگيكا، تاريح، جاراتىلىستانۋ عىلىمدارىنا قاتىستى تانىمدىق مالىمەتتەرگە دە قول جەتكىزۋگە بولادى.
بۇل سايتتار اقپاراتتى سانالى تۇردە قولدانىپ، قوعامداعى ءوز ورنىن، ۋاقىتىن باعالايتىن، ۇزدىكسىز ءبىلىم الىپ جانە ءبىلىم بەرەتىن جاندارعا ارنالعان. bilimland.kz جانە bilim-all.kz پورتالدارىمەن بىرگە وزىڭىزگە قاجەتتى ءبىلىم الىڭىز!
You Might Also Like
-
ەرتەدە ءبىر حانزادا مەن حانشا ۇيلەنىپ، العاشقى ءتاتۋ-تاتتى بال ايىن وتكىزىپ جاتادى. ەكەۋى ءبىرىن-بىرى تاپقانىنا ءدان ريزا ەدى، ولاردى تەك: عۇمىرىمىزدىڭ ەڭ سوڭعى ساتىنە دەيىن وسىلاي باقىتتى بولا الار ما...
