جاڭارتىلعان باعدارلاما – ءبىلىم بەرۋدىڭ جاڭا مازمۇنى
بۇگىنگى تاڭدا ەلىمىزدە ءبىلىم بەرۋ مازمۇنى جاڭا باعىتقا بەت بۇردى. ەلباسى ن.نازاربايەۆ ءوز سوزىندە: «ءبىز ءقازىر «ءبىلىم-عىلىم-يننوۆاسيا» اتتى ۇشتىك ۇستەمدىك قۇراتىن پوستيندۋستريالىق الەمگە قاراي باعىت الىپ بارامىز»، - دەگەن بولاتىن. ەندەشە، ەلىمىزدىڭ الەمدىك ۇردىستەرگە ەنۋى ءبىلىم بەرۋ جۇيەسىنىڭ جاڭا ساپالىق دەڭگەيگە ءوتۋ قاجەتتىلىگىن ارتتىرۋدا ەكەنى تۇسىنىكتى.
قازاقستان رەسپۋبليكاسىندا ورتا ءبىلىم بەرۋ مازمۇنىن جاڭارتۋ شەڭبەرىندە ءبىلىم بەرۋ ۇدەرىسىنىڭ قۇرىلىمى مەن مازمۇنىنا ەلەۋلى وزگەرىستەر ەنگىزىلۋىنە بايلانىستى قاراعاندى قالاسىندا «نازاربايەۆ زياتكەرلىك مەكتەپتەرى» دببۇ پەداگوگيكالىق شەبەرلىك ورتالىعىنىڭ ۇيىمداستىرۋىمەن 27 ماۋسىم مەن 22 شىلدە ارالىعىندا قازاق ءتىلى ءپانى بويىنشا پەداگوگيكا كادرلارىنىڭ بىلىكتىلىگىن ارتتىرۋ كۋرسى ءوتتى.
كۋرسقا العاش كەلگەن كۇننەن باستاپ، كوكەيىمىزدە جۇرگەن كوپ ساۋالداردىڭ جاۋاپتارىن الدىق، جالپى ءبىلىم بەرۋ مازمۇنىنىڭ وزگەشەلىگىمەن، ەرەكشەلىگىمەن تانىستىق. ءبىز وسى وقۋ بارىسىندا قازاق ءتىلىن جاڭا مازمۇندا وقىتۋ بويىنشا دارىس-ترەنينگتەر تىڭداپ، جاڭارتىلعان ءبىلىم بەرۋ باعدارلاماسىنىڭ قۇرىلىمىن، ماقسات-مىندەتتەرىن ءتۇسىنىپ، وسىعان سايكەس پەداگوگيكالىق تاسىلدەردى، ءبىلىم بەرۋ باعدارلاماسىنداعى وقۋ ماقساتتارىنا جەتۋدە كريتەريالدى باعالاۋ جۇيەسىن قولدانۋدى ۇيرەندىك. ورىس ءتىلدى مەكتەپتەردە قازاق ءتىلىن وقىتۋدا وقۋشىلاردىڭ بويىندا تىلدىك قۇزىرەتتىلىكتەردى قالىپتاستىرۋ بويىنشا قولدانىلاتىن بەلسەندى وقىتۋ ستراتەگيالارىمەن، اۋدارماسىز وقىتۋدىڭ تاسىلدەرىمەن تانىستىق. تەك تانىسىپ قويماي، تاجىريبە بارىسىندا ىسكە اسىردىق، ءتۇرلى تاپسىرمالار مەن جاتتىعۋلار ازىرلەدىك. مۇعالىمدەردىڭ ساباق بەرۋ ۇردىسىندە نەگىزگە الاتىن 3 قۇجاتپەن – وقۋ باعدارلاماسى، وقۋ جوسپارى جانە قالىپتاستىرۋشى باعالاۋعا ارنالعان تاپسىرمالار جيناعىمەن تانىسىپ، جۇمىس جاسادىق. مۇنداعى جاڭا وقۋ باعدارلاماسىنىڭ ەرەكشەلىگى – ونىڭ ءححى عاسىر داعدىلارىن دامىتۋعا باعىتتالعاندىعىندا، ياعني اقپاراتتى ىزدەۋ، تالداۋ جانە ينتەرپرەتاسيالاۋ داعدىلارىن دامىتۋ؛ ادام، تابيعات جانە قوعام تۋرالى ولاردىڭ باستاپقى ءبىلىم قورلارىن قالىپتاستىرۋ (الەمنىڭ ءبىرتۇتاس بەينەسى)؛ رۋحاني-ادامگەرشىلىك قۇندىلىقتارىن دامىتۋ.
جاڭا باعدارلامانى مەڭگەرۋ بارىسىندا ەرەكشە ەستە قالعان مىنا ادىس-تاسىلدەر ساباقتىڭ ءتيىمدى وتۋىنە، وقۋشى بويىندا قاجەتتى 4 داعدىنى(تىڭدالىم، ايتىلىم، جازىلىم، وقىلىم) قالىپتاستىرۋعا ىقپال ەتەتىنى ءسوزسىز: «شىعىس بازارى»، «ءبىلىم قابىرعاسى»، «ىستىق ورىندىق»، «پىكىرلەر سىزىعى»، «سانا ساياجولى»، «9 رومب»، «5 قادام»، «دراما ءادىسى»، «ادەبيەتتىك ۇيىرمە»، گرافيكالىق ورگانايزەرلەر – «دارا دياگرامما»، «قوس دياگرامما»، «وقيعا تاۋى»، «حيكايا كارتاسى»، «ەموسيا كەستەسى»، ت.ب.
كۋرستان وتە كوپ جاڭالىق، ءبىلىم الدىق. ءبىزدىڭ بىلىمگە دەگەن قۇشتارلىعىمىزدى ارتتىرىپ، ءدارىس بەرگەن ترەنەرىمىز سمايل ايكەن يساتايىزىنا ايتار العىسىمىز مول! «جاقسى ادام عانا جاقسى باسشى بولا الادى»، -دەپ ءجۇسىپ بالاساعۇني بابامىز ايتىپ كەتكەندەي، جاتتىقتىرۋشىمىز بىزگە وتە ءادىل، مەيىرىمدى، ءبىلىمدى، العىر باسشى بولا ءبىلدى. الدىڭعى ءبىلىمدى وتكەن بىلىممەن سالىستىرا، ۇشتاستىرا وتىرىپ، تۇسىنبەگەنىمىزدى قايتا ءتۇسىنىدىرىپ، ءار تىڭداۋشىنىڭ ساناسىنا جەتكىزە ءبىلدى. كۋرس اياسىندا ءبىلىمىمىزدى ودان ءارى شىڭداي تۇستىك، ءار ساباق تارتىمدى، قىزىقتى ءوتتى.
قورىتا كەلە، مەن ماقالامدى اقىن ءمىرجاقىپ دۋلاتوۆتىڭ «جالعىز سۇيەنىش، جالعىز ءۇمىت – وقۋدا. تەڭدىككە جەتسەك تە، جۇرتتىعىمىزدى ساقتاساق تا، دۇنيەدەگى سىباعالى ورنىمىزدى الساق تا، ءبىر عانا وقۋدىڭ ارقاسىندا الامىز. جاقسىلىققا باستايتىن جارقىن جۇلدىز – وقۋ. نادان جۇرتتىڭ كۇنى – قاراڭ، كەلەشەگى — تۇمان» دەگەن سوزدەرىمەن اياقتاعىم كەلىپ وتىر. ءححى عاسىر – عىلىم عاسىرى. ماقساتتى ءبىلىم بەرۋ – تۇلعا دامۋىن جۇزەگە اسىراتىن ماسەلە. ال وسى جالپىەۋروپالىق ستنادارتقا ساي جاڭا ءبىلىم بەرۋ - جەكە تۇلعانىڭ جان-جاقتى دامۋىنا اكەلەتىن بىردەن-بىر جول!
You Might Also Like
-
ساكەڭدى جۇرت كوپ وقيدى، كوپ ىزدەنەدى، ءوزىنىڭ سالاسىنىڭ مىقتى مامانى دەپ ايتادى. ساكەڭ ءقايبىر جىلدارى جاستىق شاعىندا ۇلكەن ءبىر قالادان بارىپ ءبىلىم الىپ كەلگەن. سوندا ساكەڭنىڭ ەلدىڭ ىشىندە تەك قارت ءا...
