قازاقستان، الەم سەنى تانىعان
تاۋەلسىز ەل،
قازاقستان، الەم سەنى تانىعان!
مەن ءوزىڭدى ارتىق كورسەم جانىمنان،
بابالاردان قالعان ۇلگى دەپ بىلگىن،
ءۇمىت كۇتكەن ءار ارايلى تاڭىنان.
كەلەر كۇننەن
استە ءۇمىتىن ۇزبەگەن،
ۇلت، ۇلىسپەن ارالاسىپ جۇزدەگەن.
باۋىر بولىپ
باۋىرلاسىپ تۋىسقان،
دارحان حالىق
ەكەنبىز عوي ءبىز دەگەن.
سودان سوڭ دا
ۇلتارالىق كەلىسىم
ءومىرىمنىڭ سەزدىرمەدى كەمىسىن.
جانجال شىعىپ،
وزگە ەلدەردە جاتقاندا
سول كەلىسىم
بەردى ءوزىنىڭ جەمىسىن.
كوك بايراعىم
جەلبىرەگەن جەلمەنەن،
قىران دالام
كوككە قانات سەرمەگەن.
تاۋەلسىزدىك
جىلدارىندا جاڭعىرعان،
سالت-سانانى
قويار ەدىم تورگە مەن.
اۋىر جىلدار...
قاجىماعان، تالماعان،
قىران كوڭىل قيالارعا سامعاعان.
قازاق دەگەن
قاجىر ەكەن قايناعان،
تۇلپاردايىن
شابىسىنان تانباعان.
سول حالىقتى
جولعا سالىپ تاڭداعان،
يگىلىككە قول جەتكىزگەن سانداعان.
ەل ارداعى نۇرسۇلتاننىڭ
ورلىگىنە،
ەرلىگىنە تاڭ قالام.
سۇلەيمەن بايازيتوۆ
You Might Also Like
-
ق ر ءبىلىم جانە عىلىم مينيسترلىگى جوعارى وقۋ ورىندارىندا مەملەكەتتىك ءبىلىم گرانتتارىن الا الماي قالعان 45 «التىن بەلگى» يەگەرىن تەگىن وقىتۋ مۇمكىندىكتەرىن تالقىلادى.
