جانايقاي
(كۇندەلىك پاراقتارىنان)
سالەمەتسىڭ بە، كۇندەلىك! ادەتتەگىدەي.. سەنىڭ ءاپپاق بەتتەرىڭە ىشىمدە بۇلقىنىپ جاتقان الاپات الەمىمنىڭ بەينەسىن سىزۋ ءۇشىن قالامىمدى قولىما قاپسىرا ۇستاپ الدىم. ايتايىن بۇگىن نە دەرتپەن كەلدىم. جاقسى كورۋ.. ءيا-يا، جان جۇرەگىڭمەن ءسۇيۋ باقىتىنىڭ ازاپتارى جايلى شەر تارقاتام. كوپ كورىپ ءجۇرىپ سۇيىكتى ەتۋ ەمەس، ءبىر قاراپ ەس كەتۋ.
...مەن دە سەنبەيتىن سەزىم بولعان. سولاي بولىپ قالا بەرسە عوي، جاي-كۇيىم ءدال بۇگىنگىدەي بولماس پا ەدى.؟ نەگە دەيتىن شىعار ءيا، كىم بولسا دا؟ كۇندەلىك! ەندەشە مەن كوز مونشاعىممەن سىرىمدى جازايىن، ال سەن كىرشىكسىز كوركىڭە ءتۇرتىپ الا بەر، بۇلجىتپاي.
سۇيىكتى ادامدى پاك كوڭىلمەنەن ءسۇيۋ ءۇشىن ونىڭ كوز الەمىندەگى تۇڭعيىققا ءبىر ءسات قانا سۇڭگىپ، از ۋاقىت جانارىنا جانارىڭدى ءتۇيىستىرۋدىڭ ءوزى جەتىپ، ارتىلىپ جاتىر. راس ايتام. مەن كەشىپ جۇرگەن كۇي وسى!.
.. ءبىر-اق ءسات قانا.. دارمەنىم جەتىپ سىرلى سۇلۋلىعىنا جانار بەردىم دە - وز-وزىممەن جۇرەگىمنىڭ امىرشىسىنە اينالدىردىم، كوڭىل-كۇيىمنىڭ جالعىز سەبەپكەرىنە، كومەيىمە تۇنعان اسىل سوزدەردەن تۋىندايتىن تيتتەي جىرلارىمنىڭ كەيىپكەرى دە - سول! جۇرەگىمنىڭ تورىنەن ورىن دا بەرىپ قويعام، ءاردايىم اماندىعى الاڭداتاتىن قيالىمداعى عاجابىم دا - سول جان! وزىنە جالعىز-اق رەت قاراۋىما مۇمكىندىك بەرىپ، ءبۇتىن ءبىر ومىرىمدەي كورەتىن ارداقتىم بوپ شىعا كەلدى..
باقىتتى جان با؟ الدە، سەزىم ءبىلدىرۋدى "ار" كورەتىن ۇياڭ قىزدىڭ ساعىنىپ جىلاعان سايىن جانارىنان اتقىلايتىن ءمولدىر مونشاقتىڭ تۋۋىنا سەبەپشى بولىپ، ءبىر جاننىڭ كۇناسىن ءوزى سەزبەي ارقالاپ جۇرگەن بەيباق پا!؟ سۇيۋگە تۇرارلىق جان بولىپ، ايتەۋىر ءبىر جاننىڭ بولسا دا تۇندە تۇستەرىندە، وياۋ ساتتەردە ويى مەن قيالىندا جۇرەتىن، شىنايى ساعىمعا اينالعان حانزادا بولعانى شىعار.؟! مۇمكىن ءوزىن اڭسايتىن بىرەۋدىڭ بارىن بىلمەيتىن، سەزبەيتىن شىنىمەن دە جاناشىرلىق كوزبەن قارارلىقتاي جان با ەكەن؟ ءاي، ۇقپايمىن-اۋ وسىنى.! نە بىلەم، جازايىن با: جابىققان ساتتە، ىستىق ديدارىن كورگىم كەلىپ زارىققان كەزدە، ساعىنعان ساتتەردە الاقانى كەپ جاسىمدى سۇرتەر، ءۇنىن ەسىتتىرىپ جۇباتار ما ەدى دەگەن ويلار كەلگەندە وسىنشا وزگەرىسكە تاپ بولماس ەدىم دەپ وزەگىم ورتەنىپ، ءىشى-باۋىرىم كۇيىپ جىلاۋدى بىلەم؛ تىم بولماعاندا، ءبىر قالا ءومىرىن كەشىپ جاتىرمىز، اۋزىمىزدا ءبىر سۋدىڭ ءدامى، اينالامىزدا ەكەۋمىزدە دە ءبىر كورىنىس ەكەندىگى جايىندا ءوزىمدى جۇباتار كەلتە ويلار تۋسا شىنايى ءسۇيسىنىپ كۇلىمدەپ، ادەمى ەزۋ تارتىپ قويۋدى بىلەم...
...كۇندەلىك! سەنىڭ ءقازىر ءار پاراق بەتتەرىڭە تىرس-تىرس تامىپ جاتقان جاستارىم - جان الەمىمنىڭ ساعىنىشتان ءوسىپ جاتقان سۇيكىمسىز ازاپتارىنا شىداي الماي جاتقاندىعىمنىڭ دالەلى، سەزىمىمە تۇنشىعىپ وتىرعاندىعىمنىڭ كورىنىسى...
گۇلدانا بەكبولات
You Might Also Like
-
ۆيتاميندەر دەگەنىمىز — بيولوگيالىق جوعارى پارمەندى ورگانيقالىق زاتتار. ۆيتاميندەر ەنەرگيا كوزى ەمەس جانە پلاستيكالىق ماتەريالدار قاتارىنا دا جاتپايدى، دەگەنمەن اعزانىڭ قالىپتى تىرشىلىگى ءۇشىن ...
