InfoHub Logo

ترەنينگ – ساباق (انا – ءتىلى، 4 - سىنىپ)
ساباقتىڭ تاقىرىبى: جاڭىلتپاشتار، جۇمباقتار، ماقال - ماتەلدەر.
ساباقتىڭ ماقساتى: ا) بىلىمدىلىك: وقۋشىلاردى حالىق اۋىز ادەبيەتى شىعارماسىنىڭ تۇرلەرى جۇمباق، جاڭىلتپاش، ماقال - ماتەلدەرىمەن تانىستىرۋ.
ءا) دامىتۋشىلىق: حالىق شىعارماسىنىڭ بۇل تۇرلەرىن ءبىر - بىرىنەن اجىراتا ءبىلۋىن، ءمانىن تەرەڭ ۇعىنىپ، ماعىناسىن اشا ءبىلۋىن، ءتىلىن دامىتۋ.
ب) تاربيەلىك: وقۋشىلاردىڭ حالىق اۋىز ادەبيەتى شىعارماسى ارقىلى ۇلتتىق سەزىمىن وياتىپ، كىشىپەيىلدىلىككە، ىزەتتىلىككە، ادامگەرشىلىككە تاربيەلەۋ.

ساباقتىڭ ءادىسى: سۇراق - جاۋاپ
ساباقتىڭ ءتۇرى: ترەنينگ - ساباق
ءپانارالىق بايلانىس: اعىلشىن ءتىلى، ورىس ءتىلى، دۇنيەتانۋ.
كورنەكى قۇرالدار: ۇلەستىرمەلى قيما قاعازدار، ترەنينگ ەرەجەلەرى جازىلعان پلاكات، توپ ۇپايلارىن بەلگىلەيتىن كورسەتكىش.
ساباقتىڭ بارىسى:
I. ۇيىمداستىرۋ كەزەڭى.
ا) سالەمدەسۋ؛ ءا) توپتارعا ءبولۋ.
II. جاڭا ساباق
- بۇگىنگى ساباعىمىز ترەنينگ تۇرىندە وتەدى. ترەنينگ - ساباقتىڭ نەگىزگى ماقساتى سەندەردى ۇيىمشىلدىققا، توپتاسىپ جۇمىس ىستەۋگە باۋلىپ، ويلارىڭدى ءبولىسىپ، اشىق ايتۋعا داعدىلاندىرۋ. ساباعىمىزدى باستاماي تۇرىپ تاقتاداعى ءىلۋلى تۇرعان سوزدەردى وقي وتىرىپ توپتارعا بولىنەيىك
ەسىك.
كەرەگە
ۋىق.
شاڭىراق
باقان
وسىلايشا سىنىپتى 5 توپقا بولە وتىرىپ، ەرەجەسىمەن تانىستىرۋ.
1. تىنىشتىق ساقتاۋ
2. ءبىر - ءبىرىن تىڭداۋ.
3. قول سوعۋ.
4. ويىن اشىق ايتۋ.
ءاربىر دۇرىس جاۋاپ 5 ۇپايمەن باعالانادى.
- ەندى ءار توپ وزدەرىنىڭ
1) توپ باسشىسىن
2) ۋاقىت ەسەپتەۋشىسىن
3) جازىپ وتىرۋشىسىن
4) كوپشىلىككە تانىستىرۋشىسىن سايلاۋ كەرەك.
- ءار توپتىڭ توپ باسشىسى توپ مۇشەلەرىنىڭ ساباققا قاتىسۋىن باقىلاپ، ساباق سوڭىندا باعالاۋ تاپسىرىلادى.

1 - ءبولىم.
كىرىسپە ءبولىم. «بىلگەنگە مارجان، بىلمەگەنگە ارزان»
ءار توپقا تاپسىرمالار تاراتىلادى. ويلانۋعا 2 مينۋت ۋاقىت بەرىلەدى.
تاپسىرمالار: №1جاڭىلتپاشتى قالاي تۇسىنەسىڭ؟
№2 جۇمباقتى قالاي تۇسىنەسىڭ؟
№3 ناقىل ءسوزدى قالاي تۇسىنەسىڭ؟
№4 ماقال دەگەنىمىز نە؟
№5 ماتەلدى قالاي تۇسىنەسىڭ؟
ويىن: «ورامال تاستاماق»

2 - ءبولىم. «حالىق ايتسا، قالت ايتپايدى» اتتى بولىمدە توپ باسشىلارى كەلىپ تاپسىرمالار الادى. ورىنداۋعا 2 مينۋت، تۇسىندىرۋگە 2 مينۋت ۋاقىت بەرىلەدى.
ا) ماقال - ماتەلدەردىڭ ماعىناسىن اشىپ ءتۇسىندىرۋ.
№1 وقۋ – ءبىلىم ازىعى،
ءبىلىم - ىرىس قازىعى.
№2 بىلىمدىگە دۇنيە جارىق،
ءبىلىمسىزدىڭ كۇنى كارىپ.
№3 جەر - ىرىستىڭ كىندىگى،
ءبىلىم - ىرىستىڭ تىزگىنى.
№4 ونەر - اعىپ جاتقان بۇلاق،
ءبىلىم - جانىپ تۇرعان شىراق.
№5 نادانمەن دوس بولعانشا،
كىتاپپەن دوس بول.

ءا) ءار توپقا تاقىرىپ بەرىلەدى، تاقىرىپقا ساي 3 ماقالدان ايتۋلارى كەرەك. ويلانۋعا 1 مينۋت ۋاقىت
تاقىرىپ: قىس. وتان. كىتاپ.
ويىن: «ۇرشىق»
3 - ءبولىم. «ويلان، تاپ!»دەپ اتالادى.
ا) بۇل ءبولىم بويىنشا ءار توپقا جەكە - جەكە جۇمباق جاسىرىلادى.. شەشۋىن 3 تىلدە ايتۋلارى قاجەت. ويلانۋعا 10 سەكۋند

№1 ءبىر ۇيگە كوزسسىز بوپ باسىڭدى سۇعاسىڭ،
بۇل ۇيدەن كورەگەن بولىپ شىعاسىڭ. (مەكتەپ، شكولا، school)
№2 ىمىرت تۇسسە شىعامىن،
تاڭ اتقاندا باتامىن.
كوك تەڭىزدە شاشىلىپ،
كوزىمدى ىلمەي جاتامىن. (جۇلدىز، زۆەزدى، stars)
№3 تىندىرىپ ادام جۇمىسىن،
تازارتىپ ءۇيدىڭ جۋدى ءىشىن.
كەيدە داۋىل سوعادى،
كەيدە ىشىنە سورادى. (شاڭسورعىش، پىلەسوس، vacvum cleanen )
№4 ىشەگىنە مۇز قاتقان،
ءوزىن - ءوزى مۇزداتقان. (توڭازىتقىش، حولوديلنيك، fridge)

№5 جىلىنى سۋىتپايدى،
سۋىقتى جىلىتپايدى. (تەرموس، termos)
ءا) – ءسوز جازىلعان كارتوچكالار تاراتىلادى تۇلكى، جۇمىرتقا، قايشى، كىتاپ، بور. ءار توپ وزىنە تۇسكەن سوزگە جۇمباق قۇراستىرىپ، قارسى توپقا جاسىرادى. ويلانۋعا 2 مينۋت.
ويىن: «ءسوز ويلا، تەز ويلا»
4 - ءبولىم. «كىم جىلدام؟» وقىلعان جاڭىلتپاشتى توپ باسشىلارى جاڭىلماي، قايتا ايتىپ بەرۋلەرى كەرەك.

№1 بالا بال اراسىن قۋالادى
بال اراسى بالانى قۋالادى
№2 ىقىلاس پەن ىبىراي
ىدىستارىن تاسىماي،
ىرىسكۇلدەن ۇلگى الماي،
ىنتاسىز ءجۇر ءتىلدى الماي.
№3 ەسكەكتى ەسەكشى ەسەدى،
ەسكەكشى ەسكەكتى ەسەدى.
№4 گۇلىم گۇلگە قاراپ كۇلىمدەدى،
كوگىلدىر گۇلگە قونعان ارالار گۋىلدەدى.
№5 ابدىرەدە ابىگەر اتەش وتىر،
ابىگەر اتەش وتىرعان ابدىرەنى
اجەم قولمەن اشىپ وتىر.

III. ساباقتى بەكىتۋ، قورىتۋ.
- ترەنينگ ساباق ۇناي ما؟
- ساباقتىڭ باسىندا قويعان ماقساتىمىزعا جەتتىك پە؟

IV. باعالاۋ
ءار بالانىڭ ساباققا قاتىسۋىنا قاراي باعالاپ، جۇمىستارىن قورىتىندىلاپ، ماداقتاۋ. توپ باسشىلارى ءوز توپتارىنىڭ بالالارىن جازباشا تۇردە باعالاپ بەرەدى. وقۋشىلار تولىق باعالانادى.

V. ۇيگە تاپسىرما
- ءار توپ شاعىن كىتاپشالار جيناقتاپ كەلۋ تاپسىرىلادى