InfoHub Logo

«جاراتىلىستانۋ» ءپانىنىڭ ماقساتى — باستاۋىش سىنىپ وقۋشىلارىن ءارى قاراي جاراتىلىستانۋ عىلىمى پاندەرىن (بيولوگيا، حيميا، فيزيكا) مەڭگەرۋگە دايىنداۋ، كۇندەلىكتى ومىردە (ۇيدە، مەكتەپتە، تابيعاتتا) كورگەن، باقىلاعان قۇبىلىستارى مەن ۇدەرىستەردى ءتۇسىندىرۋ، سيپاتتاۋ ءۇشىن العان بىلىمدەرىن پايدالانا ءبىلۋ داعدىلارىن قالىپتاستىرۋ. قازىرگى تاڭدا شەتەل ءتىلى رەتىندە اعىلشىن ءتىلىن وقىتۋدى جاڭا ساتىعا كوتەرۋ –پەداگوگيكاداعى ىرگەلى مىندەتتەردىڭ ءبىرى. ەلباسى باستاماسىمەن «ءۇشتۇعىرلى ءتىل» مادەني جوباسىن دامىتۋ باسىمدىققا اينالىپ، سونىڭ ىشىندە جاڭعىرۋ جاعدايىندا الەمدىك ينتەگراسياعا كىرىگۋ ءتىلى رەتىندە اعىلشىن تىلىنە ءمان بەرىلىپ وتىر. الەمدىك ءبىلىم الۋ كەڭىستىگىندە ينتەگراسيالىق ۇردىستەردىڭ تەرەڭدەپ كەڭ قانات جايعان جاعدايىندا شەتەل ءتىلىن وقىتۋ وزەكتى. ەلىمىزدىڭ ورتا مەكتەپتەرىندەگى وقىتۋ پروسەسىندە ۇشتىلدىلىكتى دامىتۋدىڭ باستى تۇجىرىمدارى: تاۋەلسىز قازاقستاننىڭ ءۇش ءتىلدى قاتار پايدالانا الاتىن مەملەكەت رەتىندە دامۋى؛ «ءۇشتۇعىرلى ءتىل» ۇلتتىق جوباسى – قوعامدىق كەلىسىمدى نىعايتۋدىڭ نەگىزگى فاكتورى؛ ۇشتىلدىلىك – تىلدەر مەن مادەنيەتتەر بايلانىسىن دامىتۋ. بۇگىندە ءمۇعالىمنىڭ الدىندا تۇرعان مىندەتتەردىڭ قاتارىنا وقۋشىلارعاساپالى ءبىلىم، سانالى تاربيە بەرۋ ءۇشىن تەك تەوريالىق بىلىممەن شەكتەلىپ قانا قويماي، ونىڭ قاجىرلى تىنىمسىز ەڭبەكتەنۋىندە، بالالارمەن جۇمىس ىستەۋى قابىلەتىنىڭ جوعارى دارەجەدە بولۋىن تالاپ ەتۋدە. سوندا عانا، قوعامىمىزعا، بىلىمگە قۇشتار، قابىلەتى مول، ىزدەنىمپاز جاستار كوبەيىپ، ادامزات يگىلىگى ءۇشىن وزىندىك ۇلەس قوسىپ، ەل ابىرويىن اسقاقتاتىپ ۇلتىمىزدىڭ مەرەيىن كوتەرەتىن ۇرپاق تاربيەسى جۇزەگە اسىرىلماق.

وقۋ مەن وقىتۋدىڭ جاڭا ءادىس – تاسىلدەرىن ساباقتا قولدانۋدىڭ تيىمدىلىگى: وقۋشىلاردىڭ پانگە قىزىعۋشىلىعى ويانادى، ءارقايسىسىنىڭ وقۋ ۇدەرىسىنە قاتىسۋ بەلسەندىلىگى ارتادى، جۇمىس بارىسىندا ءاربىر وقۋشىنىڭ سەزىمىنە كوڭىل بولىنەدى، وقۋ ماتەريالى جەڭىل مەڭگەرىلەدى، وقۋشىلاردىڭ قابىلەتى ءار ءتۇرلى قىرىنان تانىلادى، ءمۇعالىم مەن وقۋشى اراسىنداعى كەرى بايلانىس جۇزەگە اسادى، ورقۋشىلاردىڭ وزىندىك پىكىرى مەن ءوزارا ىنتىماقتاستىق قارىم – قاتىناسى ورنايدى، جاعىمدى مىنەز – قۇلىق، ومىرلىك داعدىلارى قالىپتاسادى.

وزىق تاجىريبەلى تەوريانى مەكتەپ پراكتيكاسىندا قولدانۋدىڭ وزىندىك ءمانى: ءمۇعالىم وقۋشىعا ءبىلىمدى دايىن كۇيىندە ەمەس، تەك ديالوگتىك وقىتۋ ءادىسى بارىسىندا وقۋشىنىڭ ءبىلىمدى وزدىگىنەن يگرەۋىنە جاعداي جاساپ، جەتەلەپ وتىرۋىندا، بالالار جاڭا ماتەريالدى جانە كومەكتى مۇعالىمنەن ەمەس، جانىنداعى جولداسىنان الىپ وتىرۋىندا، سونىمەن قاتار، ءمۇعالىم توپتىق ءوزارا ارەكەتتەردىڭ ءار ءتۇرلى ادىستەمەلەرىن يگەرۋ ارقىلى وقۋشىلاردىڭ توپتىق جۇمىستارىن دۇرىس ۇيىمداستىرۋىمەن ەرەكشەلەنەدى.

قانداي مەملەكەت بولماسىن ونىڭ، ەڭ اۋەلى ءمان بەرىپ، ۇلىقتايتىن ءتىلى، ارينە، مەملەكەتتىك ءتىلى. قازىرگى تاڭدا مەملەكەتتىك ءتىل الەمدىك قاۋىمداستىقتاعى مەملەكەتتەردىڭ سيپاتتى بەلگىلەرىنىڭ ءبىرى، ۇلتتىق ساياساتىنىڭ كورسەتكىشى. مىنە، وسى باعىتتا ەلىمىز، ەڭ اۋەلى، مەملەكەتتىك ءتىلىمىزدىڭ مارتەبەسىن ارتتىرۋعا كۇش سالىپ وتىر. بۇل ماسەلە تەك قانا قازاق حالقىنىڭ عانا ەمەس، ەلىمىزدە تۇراتىن وزگە ۇلت وكىلدەرىنىڭ دە الدىندا تۇرعان ۇلكەن مىندەت.

اعىلشىن ءتىلىنىڭ ەندىگى ءبىر مۇمكىندىگى جاستارىمىزدىڭ تەك ءبىلىم الىپ قويماي، اعىلشىن ءتىلى ارقىلى شەتەلدىك ءبىلىم بەرۋ ورىندارى مەن ۇيىمدارىندا تاجىريبە الماسۋىنا، جۇمىس ىستەۋىنە جاعداي تۋعىزىپ وتىرعان احۋالمەن بايلانىستى. بۇل – قازىرگى قوعام ءۇشىن ۇلكەن مۇمكىندىك. سوندىقتان، قانداي قيىندىق بولسا دا، ءبىز نىق قادام جاساپ، ىلگەرى ءجۇرۋىمىز قاجەت دەپ ەسەپتەيمىن.

سارىبايەۆا زويا ماحانبەتوۆنا

تولقىن ورتا مەكتەبى كوممۋنالدىق مەملەكەتتىك مەكەمەسىنىڭ فيزيكا ءپانى ءمۇعالىمى

---