تۋعان ءتىلىم - تىرلىگىمنىڭ ايعاعى
ءتىل - حالىقتىڭ جانى، ءسانى ءارى سول مەملەكەتتى سالت- داستۇرىمەن قوسا ايقىنداپ ەرەكشەلەيتىن قۇرالى. ادامزات بالاسىنىڭ پايدا بولۋىنان بۇگىنگى دامىعان وركەنيەتپەن، ادامدار اراسىنداعى قارىم- قاتىناس قۇرالى- سويلەسۋ، بايلانىسۋ بولىپ تابىلادى.
قازاق بي-شەشەندەرى ءبىر-اق اۋىز سوزبەن سۇيەم جەر ءۇشىن سۇيەگىن، قارسى جەر ءۇشىن قانىن بەرگەن باتىرلارعا رۋح بەرىپ وتىردى. شەكسىز، شەتسىز دالامنىڭ قويناۋىنداعى بايلىعىنداي قازاق ءتىلىنىڭ سوزدىك قور مول ەكەنىن كەشەگى تاڭنان تاڭعا جىرلاعان جىراۋلاردان، بىزگە كەلىپ جەتكەن اڭىز- قيسسالاردان اڭعارامىز. راسىندا، قازاق حالقىنىڭ باسىندا تالاي قيىن ناۋبەت كۇندەردىڭ بولعانى تاريحتان بەلگىلى. ەلىمىز جەتپىس جىلداي كەڭەس وداعىنا بودان بولدى. اتا–انامىز ورىس ءتىلىن ۇلىقتادى. قازاق حالقى ءوزىنىڭ ءتىلىن، ءدىنىن، ءتىپتى ءسالت-داستۇرىن ۇمىتارداي حالگە جەتتى. دەگەنمەن «ساباقتى ينە ساتىمەن» دەگەن. ەلىمىز سان عاسىر اڭساعان تاۋەلسىزدىككە قول جەتكىزدى. ءتىلىمىزدىڭ ءتۇپ تامىرىمەن جويىلىپ كەتپەگەنىنە شۇكىرشىلىك ەتۋىمىز كەرەك ءتارىزدى. سونداي اۋىر ساتتەردە، سىن ساعاتتاردا اتامەكەن قونىسىن تاستاپ بوسقان حالىقتىڭ وزىمەن بىرگە الىپ جۇرگەن بايلىعى – انا سۇتىمەن ساناسىنا دارىعان انا ءتىلى عانا.
ق ر پرەزيدەنتى ق.توقايەۆ العاشقى جولداۋىندا ءتىل ماسەلەسىن كوتەرىپ، قازاق ءتىلىنىڭ مارتەبىسىن كوتەرۋ تۋرالى ايتتى. وتكەن جىلى كريلليسادان لاتىنعا كوشۋ ماسەلەسى قوعامدا قىزۋ تالقىعا ءتۇستى. ءبىرى شەت ەلدەرمەن ەكونوميكا، ءبىلىم، ەكسپورت جونىندە بايلانىسۋ بۇرىنعىعا قاراعاندا ءتيىمدى بولاتىن العا تارتسا، ءبىرى كەيبىر سوزدەردىڭ لاتىنعا اۋدارىلمايتىنىن جانە تاۋەلسىزدىك العان جىلدان باستاپ قازاق ءتىلى ءۇشىن جەگەنى جانتاق، ارقالاعانى التىن بولعان ءتىل جاناشىرلارىنىڭ ەڭبەگىنىن زايا كەتەتىنىن ايتىپ دابىل قاقتى. قوعامدىق ورىنداردا، مەكەمەلەردە جارىمجان جارنامامەن ماعىناسى مايىسقان ماتىندەردى ءجيى كوزىمىزگە ىلىگەدى. ونىڭ باستى سەبەبى تۋعان ءتىلىن جاستاي مەڭگەرمەۋى، مەملەكەتتىك تىلگە سالعىرت قاراۋى دەپ تۇسىنەمىن. حالىق اراسىنداعى تۇسىنىكسىز جەكسۇرىن جارگوندار ءتىلدىڭ تازالىعىنا زيان كەلتىرەدى.
«وزگە ءتىلدىڭ ءبارىن ءبىل، ءوز ءتىلىڭدى قۇرمەتتە»، – دەيدى قادىر اقىن. قازىرگى قوعام باسقا ءتىلدى ۇيرەنۋگە ەش شەك قويمايدى. دەگەنمەن، قازاق ءتىلىن مەملەكەتتىك ءتىل دارەجەسىنە كوتەرۋگە ءار قازاقتىڭ ۇلەسى بولسا ەكەن دەيمىز. وزگەنىڭ ق ۇلى ەمەس ءوز ەلىمىزدىڭ ۇل – قىزى بولايىق، وزگەنىڭ ەمەس،ءوز ەلىمىزدىڭ ءتىلىن ۇلىقتاپ، مارتەبەسىن اسىرايىق!
ارالباي كامشات
ءال – فارابي اتىنداعى قازاق ۇلتتىق ۋنيۆەرسيتەتى 1 – كۋرس ستۋدەنتى
You Might Also Like
-
ۇلتتىق كود – ەڭ الدىمەن، تىلدە، سوسىن ءداستۇرىمىز بەن سالتىمىزدى، مىنەزىمىزدى ايقىندايتىن دىلدە، ۇلتتىق مادەنيەتتە بولادى. قازاق بالاسىنىڭ تاعىلىمى مول تاريحىندا مادەني-رۋحاني بولمىسى ىزگىلىكپ...
-
«جاراتىلىستانۋ» ءپانىنىڭ ماقساتى — باستاۋىش سىنىپ وقۋشىلارىن ءارى قاراي جاراتىلىستانۋ عىلىمى پاندەرىن (بيولوگيا، حيميا، فيزيكا) مەڭگەرۋگە دايىنداۋ، كۇندەلىكتى ومىردە (ۇيدە، مەكتەپتە...
